الجمعة، 24 مايو 2013

ثم نسيوا !!!








ثم كانت مرة مصر
اللى شافت الف عصر
هى شمس ف كل عصر
ثم علمى ..ثم نهر
*****
ثم زعلت
ثم حزنت
ثم رااحت
ثم رجعت
*****
ثم خافت م الاعادى
ثم قالت فين ولادى؟
ثم قولنا فى فساد
فيكى ظلم للعباد
*****
ثم زاد الظلم حبة
ثم راحت المحبة
والفساد؟!!
برضه زاد..ثم زاد..ثم زاد
*****
ثم جيت للقرب طالبة
انتى كارهة ولا حابة؟
ثم حبسوا صوتنا فيكى
ثم زاد الخوف عليكى
ثم دوبنا شوق اليكى
*****
ثم قامت مرة ثورة
ثم قالوا دى مؤامرة
ثم قالوا بلدنا حرة
ثم خانوا..الف مرة
ثم قالوا ..ثم نسيوا
*****
ثم عادوا..ورجعوا نسيوا
ثم كدبوا..ثم كدبوا..ثم كدبوا
*****
ثم ننكر..ثم نرجع تانى نكدب
ثم اثبت..ثم ارجع
ثم حقك..ثم حقى
ثم فاكر؟؟ولا ناسى
ثم عقلى مش ف راسى
ثم ضاع فى الزحمة حلمى
ثم لسه عاوزها سلمى
ثم سال لوطنا دمى
ثم نسيوا..ثم نسيوا..ثم نسيوا
*****
ثم غيرة..ثم حيرة
ثم فين الحق فين؟؟
ثم قسم ثم فرق
زى نهج المعتدين
*****
ثم فوقنا
ثم روحنا
للمكان الاولانى
ثم اصبح لما كانوا
ثم نسيوا ونسيوا تانى
*****
ثم اصحى ..ثم فوق
ثم اهدى..ثم روق
ثم حط مصر فوق
مصر غالية
مصر عالية
مصر مش سلعة فى سوق
*****
ثم دمك ياشهيد
ثم نسرك ياعميد
ثم ليه قاعد مكانك؟
ثم ليه ناسى وبعيد؟
ثم ليه تكتيفه ميرى؟
ثم ليه حقى لغيرى؟
ثم ليه حالف ماردش؟
ثم نازل من جديد
*****
ثم عزمى من حديد
ثم شمسى راح تقيد
م للقناطر للصعيد
ثم حلمك هو حلمى
ثم دمك هو دمى
حتى امك هى امى
هوا ده عهد الشهيد
مصر مش دولة عبيد
*******************

الكلام ل هديل عبد السلام من كتاب شاى بالبن
حسيتها تأريخ لكل حاجة ووصلنى جدا وحبيت تبقى عندى ابصلها كل شوية
الغريب بقى انك لو قريتها من سنين هتحسها بردوا لايقة على حالنا
مش عارفة احنا اللى حالنا مابيتغيرش وبنعيش فيلم كل مانحس انه خلص يرجع يتعاد تانى؟
ولا احنا اللى مابنتعلمش من اخطائنا و...
وبننسى.....؟ 

هناك 3 تعليقات:

النسر المهاجر يقول...

بنوته مصريه للأسف مصر عباره عن تاريخ وحضاره واقتصاد وزهو ولكن المصرين لا يروها هكذا لانهم من دمروا معالمها نسال من الله أن تعود مصر فى أحسن حلتها

faroukfahmy يقول...

شكرا نور على اختيارك هذه الخاطرؤة لهديل عبد السلام من كتابها شاى باللبن
ماذكرته يتفق مع حالنا وكأننا فى فيلم لا تنتهى احدادثه الا لتبدأ من جديد بصوره مملهوفصول مزعجه

أسماء فتحي يقول...

احنا اللي مش بنتعلم من أخطاء أخطاء امبارح هى أخطاء النهارده وبكره علشان كده بنحس التاريخ بيتعاد وهيفضل يتعاد لحد ما نصلح أخطائنا ونبطل منشوفهاش

جميلة ياشري تسلم ايدك على النقل بتلخص اللي فات واللى عدى واللى هييجي ويبقى شبهه

تحيـــــــــاتي
كانت هنا ورحلت
Asmaa Fathy