قالتلى تعالى معايا اشترى هدية رجالى لصديقى فلان عيد ميلاده قرب ومش عارفه اجيبله ايه..
قلتلها وماله....فى دماغك حاجة معينه؟
قالتلى لا بس عاوزاها حاجة حلوة قيمة ورقيقة..وماتبقاش شبه اى هدية هتجيله انتى عارفه التميز حلو بردو
قلتلها..بتعزيه انتى فلان ده !
قالتلى صديق جدع يابنتى..
ومرت فترة من الصمت افتكرتها هتكتفى بهذا الرد وخلاص لكنى فوجئت بيها بتكمل..
عارفة..حد مريح جدا فى الكلام بحب احكيله احداث يومى..بحب اسمع منه حكاياته واخباره
بحب اخد رأيه فى اى حاجة..على فكرة هو كمان بيعمل كده بيهتم جدا برأيى
تعرفى..بحب اشتكيله حتى لو ماكنش عنده حل لمشكلتى كفاية انى احكيله وخلاص..
بحس انى ضحكتى من القلب معاه ومابعرفش ازعل منه..
كنت اراقب ملامحها وهى بتحكى فلاحظت هى وسكتت..ثم قالت يعنى تقدرى تقولى اعز اصحاب..
ابتسمت انا وقلت اه طبعا فاهمة
وف سرى لقتنى بقول يارب هو يكون فاهم....
هناك 29 تعليقًا:
يارب يكون فاهم :)
بس برضه ما قولتيش جبتهم ايه هديه مميزة منكم نستفيد !!
هي تطبق إيدها في عشرين جنيه وتديهومله
D:
وبعدين هو حتى لو فاهم هايعمل مش فاهم .. ده جواز يا دكتورة !!
احنا نيجي لحد الجواز وتلاقينا كلنا فقدنا الذاكرة D:
قوليلها تلحق تدبسه بسرعة قبل ما غيرها تدبسه وتقعد تعيط ع العشرين جنيه !!
صباح الغاردينيا نور
آممممم انتي متأكدة انهم أعر أصحاب بس كدا
مافيش حاجة من هنا ولا هنا امممم انا شامة ريحة حب
:)
وانا بقى انتي عارفاني اجري ورى حكايات الحب هههههه
انتو بقى ياحلوين جبتو ايه هدية :) "
؛؛
؛
لروحك عبق الغاردينيا
كانت هنا
Reemaas❤
يارب هو يكون فاهم....
دى اجمل تعليق يتقال اساسا ! تسلم ايدك وربنا يارب يهدى الناس والناس تفهم بسرعة ! وياريتها على الفهم يا صيدلانية الاهم اللى بعد الفهم !
تبادل المشاعر ضرورى لايمكن ان احب نسان ويكون بيكرهنى وبالمثل لا يمكن ان اكره انسان ويكون بيحبنى
الاحساس ان اخطأ مرة لا يخطئ كل مرة يا نور
حتى لو فاهم ممكن يعمل مش من هنا
الرجاله دول انا عارفهم ههههههه
تحياتي
ههههههههههههه
لا واضح ان الصداقة بريئه
فاهم ان شاء الله فاهم
ولو مش فاهم فهميه انتى هههههههههه
تحيــــــــــاتي
كانت هنا ورحلت
Asmaa Fathy
ياااا رب يكون فاهم ...
لو مفهمش تبقى مصيبة!
المصيبة بقى يانور إنه يكون فاهم وتكون فاهمة وهما الاتنين عاملين عبده العبيط :D :D
واضح فعلا صحاب :)
يارب بجد يكون فاهم و ميعملش مش فاهم :)
تحياتي
هى البداية دايماً كده
أعز أصحاب
بس المهم يكون فاهم زى ما قولتى :)
ميدخلوا في الموضوع علطوول احسن
دا خير البر عاجلة :))
انا لو كنت في الموقف دا هيبقى رد فعلي
إيماءة في البداية دليل "تعجب"
وتتسع ابتسامتي وتلتمع عيني مع سرد سائر الصفات :)
يارب هي تكون فاهمة أو مقتنعة علشان متقعش على بوزها فالآخر وتكتشف انها كانت بتضحك على نفسها
أكيد فاهم طبعا بس هيعمل عبيط لحد ما تقوليله :)
تحياتي لقلمك
حَنيّـن نِضال
لا لا كده هتبقى اعلانات رسمى :)
P A S H A
ههههههههههه حاسةان دى هتبقى اخرتها
ريـــمـــاس
بينى وبينك ياريموسة مش متاكده خالص
AhMeD RaDy
اه والله يا احمد انتم بجد عالم محيرة جدااااااااااااا
faroukfahmy58
اتمنى يا استاذنا والله
eng_semsem
حلو الاعتراف ده السؤال بقى ليييييييه
asmaa fathy
ايون مانا فكرت فيها بس خفت الحقيقة
زينب علي
يارب
doaa elattar
انا حاسة انه فاهم بينى وبينك
افكار مبعثرة
اهو مايعملش دى المهمة
Bent Men ElZman Da !!
يارب
zeze
ناس فاضية
E73
ده اللى انا خايفة منه
مجلة الأم الصغيرة
المشكلة هنا بقى لما اقوله هيعمل اييييييه
حسيتك بتتكلمي عن وحدة صحبتي هههههه
كانت بداية حكايتهم كده
و لحد دلوقتي >>ايوة هو عارف و فاهم و هي عارفة و فاهمة
بس يا ترى الاهل هيفهموا لما يعرفوا ؟
الأمَــــلْ
إرسال تعليق