الاثنين، 25 يونيو 2012

عن...الحاجات اللى مش فاهماها





لما ضرس احمد حصله تسوس وسببله الم جامد لم يجد جده غيرى انا علشان اخلعهوله.!!
لماذا؟!...لانى  دكتورة صيدلانية طبعا..واضحة يعنى
 اى علاقة الصيدلة بالاسنان؟؟!!..علاقة واضحة جدا ..اقله هناك لقب دكتور قبل اسمى موجود..
 لازم اكون بفهم فى الحاجات دى..!

...............
لما دخلت ام دينا الصيدلية علشان تشترى حاجة مش فاكراها..لقيتها بتنبهنى وبتقولى خدى بالك يا دكتور المقص اللى على المكتب مفتوح..!!
بصيت للمقص وبصتلها ..وفى عدم فهم قلتلها يعنى عاوزانى اقفله ولا عاوزاه تعملى بيه حاجة؟!
قالتلى لا يا حبيبتى تسلمى بقولك بس اقفليه الحاجات دى مابتبقاش حلوة..!!
وللى هيتفزلك فيكم ويسألنى اى الحاجات اللى مش حلوة وهتحصل دى...فانا ماسألتش 

هناك 30 تعليقًا:

سندباد يقول...

هههههههههههههه واضح جدا ان الصيدلية دي هاتبقي الوحي والالهام لكاتبة ساخرة من الطراز الاول
مش عارف حسيت وانا بقرا انك كنتي بتكتبي وانتي بتجزي علي سنانك صح؟

أميرة يقول...

دة كويس انها جت على اد المقص :D

reemaas يقول...

سندباد

صح جدا اصل الحكايتين حصلوا النهاردة فكده كتير بصراحة

عمرو يسرى يقول...

ومسئلتيش ليه عن الحاجات اللى مش حلوه وهتحصل ليه دا كلام

reemaas يقول...

أميرة

ماهو ده سبب انى ما سالتش حسيت انى هسمع بلاوى

reemaas يقول...

عمرو يسرى

خفت اسال...كان لسه جدو اللى قبلها خارج

زينب علي حبيب يقول...

ههههههههههههههه يااااه قرات قبل كدة ببلوغر لصيدلانية وكان فيها بلاااااااااااااوي ..

عفكرة انا سامعة انو لما يكون المقص مفتوح تحصل مشكلة للي فاتحو ... ايه العلاقة مش عارفة ... بس يمكن دي الحاجات اللي مش حلوة اللي بتقصدها هههههههههه

و كمان الجدو دا لا تعلييييق ... بس بيفضل على نياتو و طيب و جت معاه كدا ... ربنا يخليلنا الكبااار ياااااا رب :)

Unknown يقول...

هههههههههههههههههههههه طيب بقولك يادكتوره انا المدونه عندي مصدعه شويه مفيش حاجه لها :D بجد رائع تسلم ايدك استمري

βent Pasha يقول...

ههههههههههههههههههههههههههه

ربنا يصبرك :-)
ههههههههههههههههههه

لأ بجد جميلة في السرد
:-)
تسلم الأيادي

Bent Men ElZman Da !! يقول...

ايوه انا عارفه حكايه المقص دى
بيقولوا بيجيب النكد
انا بتشلللللللل من الحاجات دى
ايه علاقه النكد بالمقص؟؟
والا هو النكد بيحلف انا مش جاى الا لما يكون المقص مفتوح مثلا ؟!

مصطفى سيف الدين يقول...

معلش ضريبة الصيادلة بقى هي دي
كبري و انسي يا دكتورة

حنين محمد يقول...

صباح الغاردينيا يانور
ههههههه
والله انتي عسل يابنتي اتحملي دا بقى ضريبة الدكتورة
بس بجد حكاية المقص دي حكاية
كنت حسألك هي قصدت ايه ؟
بس خايفة تقولي وانا ايش عرفتي :)"
;;
;
لروحك عبق الغاردينيا
كانت هنا
Reemaas

ابراهيم رزق يقول...

ايه يا نوووووووووووووووووووور
بصى يا نور
انتى لازم تستحملى
اصل الصياتدلة بيكسبوا كتيرقوى يبقى لازم يستحملوا
امال تكسبوا و بس
هو انتى مش كنتى وعدتى بيومياتك فى الصيدلية وقفتى ليه
اتمنى فى الشهر التدوينى تبدئى تكمليها
اما موضوع المقص فهو تراث داخلنا زى المنخل لا يتحرك فارغا و غيره و انا اجده لا يضر

تحياتى

هبة فاروق يقول...

ههههههههههههههه
مش قادره امسك نفسى عسل يا نور

Habiba يقول...

السلام عليكم
أجد فيكى مســتقبلى المشــرق إن شــاء الله..بس أنا لسه فى البداية بقى دعواتك
بجد ضحكتينى أوى اوى..
بالنسبة للمقص أعتقد إن دى حكاية ذات أصل فرعونى..حكاية مصرية أصيلة تلاقيها فى بيوت كتير...وبرده مش بنســأل.
دمت بخير حال..استمتعت جدًا بالبوست ده

Imane Belâbbes يقول...

هههههه عادي
هما الناس مش عارفة مجانين كدة ليه
و لا يمكن انا اللي مجنونة ، معرفش بصراحة
لكن بتحصلي برضه كتير الحجات اللي مش فهماها دي

reemaas يقول...

قطرة وفا

حدث ولا حرج على اللى بيحصل فى الصيدليه والله

reemaas يقول...

shreif elsaftty

هههههههه عيونى ابعتلك زبون من زباينى ينسيها الصداااع

E73 يقول...

اعتقد كدا والله اعلم يا ريمى انها تقصد بالحاجات الوحشة دي لها علاقة بالعفاريت والجن والكلام دا

اما بخصوص خلع الضرس

ما تخلعيله يا دكتورة الضرس ودي برضه حاجة تقف عليكي اخلعي يا شيخة اخلعي

rona ali يقول...

لاء مش عايزة اعرف هههههههههه
مش هسئل بيجيب ايه ههههه

بصي يابنتى ماما مبتحبش الدكاتره ولا تروحلهم فتروح لصيدلى اللى قريب من بيتنا تقوله اللى عنجها ويديها تقريبا فلوسها ضاعت الا شئ اللى عايزة تعالجه
مرة بتقولى تعالى اروح اقوله يدينى حاجه تانيه بصتلها وقولتلها ماما بيجد كده اوفر دة صيدلى مش بقال كفايه بقي
ضحكت وروحتله برضوا من ورايا هههههههههههه

امهات اخر زمن فعلا ^_^

رؤى عليوة يقول...

اموت وافهم جابو موضوع المقص ده منين
لا ومتكنسيش باليل
وتسبيت فردة حذاء مقلوب

وايه كمان ده فيه حجات كتير من نوعيه كده وخلاص


دمت بخير واستحملى معلش

nesma hatem يقول...

هههههههه
بصى للجزء الايجابى يعنى وفرتى 4 سنين ومع ذلك بتشتغلى عملى اهو
اللى يعيش ياما يشوف
:)

eng_semsem يقول...

طيب خلعتي ليه درسه
طيب قفلتي المقص
اللي خلى الدكتور مرسي مش راضي يكشف على العيان يخلي اي حاجه ممكن تحصل هههههههه
تحياتي

فشكووول يقول...

يا خساره ياجدعان مابين المقص والست الزائره ضاع احمد فى النص .. ودرس الواد بيوجعه وما اتخلعش .. هو ايه اخبار احمد
عن البوست الماضى
================

يبدوا انك من النوع المحافظ .. هكذا المحافظوه يفكرون كثيرا فى البدايات الجديده

reemaas يقول...

E73

ههههههههه فكرت اخلعه فعلا بس خفت الواد يعضنى

reemaas يقول...

رؤى عليوة

اه والله دى عاوزالها بوست لوحده على فكره

reemaas يقول...

eng_semsem


هههههههههه اعكشة احبيبى ههههههههههههههههههههههههه

reemaas يقول...

فشكووول

مش عارفه يا فشكول بس انا بخاف من البدايات اقرى البوست اللى فات كده

reemaas يقول...

nesma hatem

هتخلى بتوع الاسنان يجروا ورايا هههههههههههههههههه

reemaas يقول...

rona ali

طب ده كده تمام جدا ممكن تعرفينى على ماما ;)