الأربعاء، 20 يونيو 2012

عن ..الوردة اياها

بمناسبة ذكرى التدوين اللى عرفتنى على عالم من الابداع لا حدود له...مشاركة بسيطة واختارتها من الحاجات اللى بكتبها للى ماعرفش اسمه ده بناء على طلب صديقتى الانتم امنية واللى هتموووووت وتعرف كتباله ايه....فضول بقى :)



طول عمرى بحلم انك تجيبلى وردة..تكون جميلة ولسه مافتحتش اوى..بمناسبة او من غير مناسبة ماتفرقش..وتقولى مثلا الوردة دى اول ماشفتها فكرتنى بيكى..او اى كلام يجى على بالك وقتها مش هدق يعنى كل اللى يجى منك اكيد فى الموقف ده هيبقى روعة...اخد منك الوردة دى بقى واحطها بين اجمل صفحات اقرب روياتى ليا...وتعدى الايام والورد تنشف بس تفضل ريحة ذكراها الحلوة فيها..كل ما اشوفها افتكر لحظتها وابتسم..وانسى اى حاجة ممكن تكون مضيقانى منك..مانا اكيد هتضايق منك يعنى كل اللى سبقونا بيقولوا كده .....
المهم..من كتر ما الحلم ده شغلنى لفترة رحت واشتريت الوردة اياها ..زى ماتخيلتها..وحطتهابين صفحات الرواية اياها برده...والوردة عملت اللى عليها وقامت بالدور بتاعها بالظبط..نشفت
وفعلا كل ما افتح رواياتى سواء صدفة او متعمدة ادور عليها...امسكها وافتكر حلمى الوردى ده...وابتسم ..
اينعم ابتسامة تفرق كتير عن اللى كنت بحلم بيها...بس اهى بردك ابتسامة :) 

هناك 32 تعليقًا:

الاحلام يقول...

ورده بتكون بسيطه لكن فى النفس بتكون رائعه لانها من الانسان الى حلمت انه يهديلى ورده
جميله نور تحياتى ابوداود

richardCatheart يقول...

:)

reemaas يقول...

الاحلام


فعلا اكيد هتبقى احلى من وردتى

مبسوطة انها عجبتك يا ابو داوود

reemaas يقول...

richardCatheart


:)

ابراهيم رزق يقول...

ايه يا نوووووووووووور ده

قال جاى و جايب كم وردة
فاكر ده يرجع ليالينا
لو كان الورد يجيب فايده
كانوا كل اتنين زرعوا جنينة

جميلة

تحياتى

reemaas يقول...

ابراهيم رزق

ههههههههههههه مانا بزرعها من دلوقتى اهو يا ابو زياد

أميرة يقول...

جميلة اوي :))

aya mohamed يقول...

احلى وردة هى الوردة اياها اصلا :)
كلامك جميل اوى يا نور

سواح في ملك اللــــــــــــــــــه- يقول...

رسول المحبة

هكذا هو الورد

Bent Men ElZman Da !! يقول...

اهو انا دلوقتى متخيله شكل الورده فى الروايه وريحتها اللى قادره توصلنى
بتبقى احلى ورده دى :)

مصطفى سيف الدين يقول...

روعة
رومانسية هادئة
تسلم ايدك

Unknown يقول...

تدوينة جميله وهاديه وجميله

وانتى كمان جميلة زى الورده أياها

هبة فاروق يقول...

اجمل بوست واجمل ورده لاحلى ورده فى جنينه التدوين ريماس الرقيقه
وحشتينى يا عسوله

βent Pasha يقول...

كتير مننا فعلا بيكون محتاج الابتسامة اللي تحسسه انه مهم ف حياة الآخرين

:-))
حلوة

تحياتي لك

سندباد يقول...

صحيح ليس كل ما يحلم به المرء يتحقق بس برضه لو بطلنا نحلم نموت واي حاجة في الدنيا كانت في البداية مجرد حلم او فكرة احيانا بتتحقق واحيانا لاء المهم اننا بنفكر وبنحلم
اسلوبك سلس ولذيذ
تحياتي

نهر الحب يقول...

احم احم
اه والله والنعمة
نفس ذات الحلم ده
هو بغباوته
.....
:DD
بس انا ماجبتش الوردة عشان حستناه هو يجيبها برضه

حلوة التدوينة دي

وحشتني كلماتك اوي
بليز اكتبي كتييييييييير

rona ali يقول...

مش هقولك غير انك فظيعه
وصدقتك ليها حق تطلب الطلب دة
استمتعت بكلامك البسيط بس اللى طالع باحساس

سعدت انى مررت من هنا :)

E73 يقول...

وأدينا بننور شمعة بدل ما نلعن ابو الظلام >_<

جميلة يا بنوتة

حنين محمد يقول...

مساء الغاردينيا نور
مش حقولك اوعي تحلمي كتير
ولا بطلي تشتري ورد
حقولك أحلمي ببكره معاه
وأقطفي عشانه كل يوم وردة
وأكيد يوم حييجي ويهديكي الي أجمل
منها ومن الإبتسامة وهو حبه "
؛؛
؛
نور بجد وحشتيني
وأخيراً رجعتي
طيب ياستي ياليت حملة التدوين تستمر
علشان نشوفك "
؛؛
؛
لروحك عبق الغاردينيا
كانت هنا
REEMAAS

reemaas يقول...

أميرة

تسلمى ياقمر

reemaas يقول...

Aya Mohamed

تسلمى يا ايه اهو بنمشى بيها الحال :)

reemaas يقول...

سواح في ملك اللــــــــــــــــــه-

اما نشوف كله هيبااااااااان

reemaas يقول...

Bent Men ElZman Da !!

اه والله يا دينا انا حساها كده برده

reemaas يقول...

مصطفى سيف الدين

تسلم يا درشى فرحانة انها عجبتك

reemaas يقول...

mena moon


ياكزوفى يانى :)

تسلمى ياقمر

reemaas يقول...

هبة فاروق


ههههه حبيبتى انتى يا هوبة تسلمى حبيبتى

reemaas يقول...

βent Pasha

جدااااااا بتغير جوانا حاجات كتير :)

reemaas يقول...

سندباد

تسلم يا سندباد
الحلم جوانا فطرة من غيره نموت

reemaas يقول...

نهر الحب
ههههههههههههههههههه

طبيعى يا سهاد لازم يبقى نفس الحلم هههههههههههههه

انا صراحة زهقت استناه قلت ابسط نفسى بقى

reemaas يقول...

rona ali


:)


فرحتينى يارونى تفتكرى لو هو قراه هيعجبه ;)

reemaas يقول...

E73


صح جداااااااا

reemaas يقول...

ريـــمـــاس


:)

هعمله بكيه
هههههههههههههه


مش هقدر انسى انها هى اللى عرفتنى بيكى :)

يارب اقدر اكمل