الخميس، 3 مايو، 2012

هى وهو...2



هى: هو انت ليه ما بتسألنيش مالك؟
هو:عادى يعنى!!
 
هى: يعنى انت مش حاسس خالص ان فيه حاجة مضيقانى؟!
 
هو:طب مانتى لو فيه حاجة مضيقاكى ماتقولى على طول ..انتى غريبة او ى على فكرة!!
 
هو: يعنى انا اقولك على اللى مضايقنى كده من الباب للطاق وانت حتى ماعندكش استعداد تسمعنى؟
ثم اقولك امتى وانت بتتفرج على التليفزيون وانت مش حاسس بالدنيا  ولا وانت عمال تتكلم ومش مستنى منى رد اساسا ولا وانت فى الشغل ولا وانت نايم!!!!
 
هو:عموما انتى بقالك فترة فعلا متغيرة وانا سايبك لحد ماتيجى وتحكى انتى
 
هى:المفروض تحسسنى انك حاسس بيا..انك مهتم
انك موجود علشان تسمعنى انى فارقه معاك مش امر واقع فى حياتك
هو:يوووه تموتى انتى فى الفلسلفة..خلاص ياستى مالك فيكى ايه
 
هى: (بنظرة غيظ والم),..........مافيش
 
هو: (بنظرة غيظ وزهق).....خلاص انتى حرة انا غلطان اصلا        
 

هناك 19 تعليقًا:

E73 يقول...

يمكن هي جابتهاله بطريقة غلط

وهو طلع آخر استفزاز الحقيقة

سواح في ملك اللــــــــــــــــــه- يقول...

تعرفي يابنوتة

كل واحد واخدها بكرامة

وكل واحد عاوز التاني يصالحه

مع ان الخلاف ده لو كان مع واحد صاحبه او واحدة

صاحبتها كان اتحل بمنتهي السهولة

ابراهيم رزق يقول...

ايه يا نوووووووووور ده

بجد هو مش حاسس امال فين البوز المصرى
تديه واحد بوز مصرى من اللى هو
تسد نفسه على التلفزيزن و الدنيا و يسلم و يجى يقولها
مولاتى ايه اللى مضايقك

بجد يا نور الحياة اسهل و ابسط من كدة و العشرة بعد الجواز كفيلة بمعرفة ما فى الطرف الاخر عند الزواج

تحياتى

مصطفى سيف الدين يقول...

مستني الجزء التاني اللي في الفيلم لم يضربها بالقلم و يقولها انتي طالق مفيش من وراكي غير النكد :)
عيب الستات عندنا انهم مؤمنين جدا باغنية نانسي (في حاجات تتحس و لا تتقلش)
و الحقيقة اصلا ان كل الحاجات تتقال لان الحياة سريعة و مفيش وقت نفكر في اللي مبيتقلش

re7ab.sale7 يقول...

هو ده حال المصريين
او اغلبهم
ربنا يكون ف عونا بجد من الرجالة

دعاء العطار يقول...

ههههههههههههههههه

الراجل هيقطع نفسيته يعنى يانور ولا يعنى بيشم ع ضهر ايده

الرجاله دول بيتعبوا تعب ياشيخه .. جايين ع نفسهم أووووى بصراحه :D

ريبال بيهس يقول...

مساء الورد ريماس

للأسف هذي هي اغلب الحوارات الزوجية

الرجل كتوم وفاصل بالعربي مش حاس

بأحد بحسب طبيعة شخصيته والزوجة

تحتاج للكلام والفضفضة وتشعر بإكتئاب

بسبب إهمال زوجها وفي النهاية مثلما

الفحص المبكر قبل الزواج ضروري

لإتمام العقد أعتقد لا يضر دورة من

أسبوعين لتعليم أهم مبادئ الحياة

الزوجية للطرفين ...

تسلم أيدك

تحياتي وإحترامي

reemaas يقول...

E73

الاتنين ضايع منهم حاجة

reemaas يقول...

سواح في ملك اللــــــــــــــــــه-

ايوووووووووون اهو انا بقى نفسى افهم ليه ده
ليه مع القريب مننا بنيجى عليه

reemaas يقول...

ابراهيم رزق

ماهو انا بحلم بيها كده بسيطة وسهلة والعشرة تفك اى خلاف بس بشوف نماذج بتسد نفس الواحد والله

reemaas يقول...

مصطفى سيف الدين

صح جدا كل الحاجات تتقال بس اللى يسمع يادرش

reemaas يقول...

re7ab.sale7

حساها مش بس مصريين هو ده مصير كل اتنين فقدوا القدرة على الحوار

reemaas يقول...

دعاء العطار

ههههههههههههههه
هتقوليلى ده ضحية ضحية يعنى

reemaas يقول...

ريبال بيهس

اه والله فكرة فعلا
عارف لو كل واحد فهم بس التانى محتاج ايه وان الاحتياج ده مش رفاهية دى حاجة نقصاه بجد كانت اتحلت

Tarkieb يقول...

ههههههههه انا شوفت ده من ايام جدي وابويا ..اجيال ورى اجيال..ده الحلم العربي اكيد...حلوة بس ربنا يبعد عنك الحلم ده وبلاش تجيبو تليفزيون احسن

reemaas يقول...

Tarkieb

هههههههههه اه والله هتبقى دراما فى دراما

Bent Men ElZman Da !! يقول...

المشكله ان كل واحد بيستنى التانى يبدأ هو بالكلام
والنتيجه
بيبقى مفيش كلام اصلا !

عباس ابن فرناس يقول...

والله انا يادكتوره ما فيه حاجه مخوفانى من الجواز غير النكد اللى فيه هههههه

بس اكيد الواقع ومرارته هما اللى بيفرضو على العلاقه انها تمشى بنمط ده

تحياتى المستعطره

rona ali يقول...

تعرفي انى قريت التدوينه دى من ساعتها
معرفش معلقتش ليه الصراحه

علي كلا الكرامه دى مهمه جدا متخيلش ابدا انى ممكن اتنازل عن حاجه مهمه زى دى
بس هو مستفز اخر حاجه وحاسه انى عايزة اضربه بالشبشب :)))