الأربعاء، 30 مايو، 2012

مع نفسى10



الدنيا دى غريبة اوى..ممكن يكون عندنا فيها كل حاجة او معظم الحاجات ومع ذلك نشغل نفسنا بحاجة صغيرة..نفضل وراها ونتعب علشان تبقى عندنا..
وتبقى كارثة لو مابقتش لينا..
ومايقدرش حد يلومنا على ده كمان على فكرة..لان ممكن رحلة بحثنا عن الحاجة دى..
هى اللى مدينا سبب للحياة!!!
************

هنا هكتب شرح للحالة واعتذار عنها فى نفس ذات الوقت
بعتذر عن انى مش بتابع حد ومش بقرا لحد كمان
ده انا حتى ماكنتش بكتب من فترة وبعدين حسيت انى هصدى فقررت انى اى كلام هيبقى احسن من السكوت

حالة غريبة من عدم القدرة على عمل اى شئ او حتى التفكير فى اى شئ
حالة غريبة حاسة فيها ان جوايا طاقة كبيرة ومخزون من المشاعر والافكار عديمة الملامح مش عارفة احدد ان كانت ايجابية ولا سلبية غاضبة ولا لاء
تقولولى حاولى تخرجيها من جواكى وانتى تعرفى..
وهنا تكمن المشكلة ..ماعنديش طاقة اخرج الطاقة
حالة هبوط لا معنى لها.....

هناك 20 تعليقًا:

P A S H A يقول...

مساء الخيــر

:))

أول فقرة دي أنا متفق معاكي فيها جداً لحد بنها D:

بالنسبة للحالة الغريبة اللي عندك ، أعتقد أنها بتجيلنا كلنا على فترات وبعد شوية بننشغل عنها بأي حاجة تانية وبننساها ، ولما بننشغل بالحاجة التانية دي لفترة بنرجع نحس بنفس الحالة الغريبة دي تاني وما بنبقاش عارفين فيه إيه ؟؟ هل احنا اللي مصرين نعيش نفس الحالة ونعيدها من تاني ؟؟ ولا الحاجة الجديدة ماهياش جديدة ولا حاجة واحنا لسه في نفس الحاجة القديمة ؟؟
ما علينا .. واضح أني في حالة غريبة D:
لو فهمتي حاجة ابقي فهميني يمكن نقدر نشوف حل للحالة دي :))
تحياتي

reemaas يقول...

P A S H A

ايوووووووون صح جدا انا فاهمة بس مش هعرف افهمك انى فاهمة :))

سواح في ملك اللــــــــــــــــــه- يقول...

ازيك يانور

جيت اسلم عليكي

وعادي كل لجظة في الحياة بنعيشها

بحلوها ومرها مش هتتعوض

انهرده احلي من بكرة

وبكرة اجمل من اللي بعده

تحيتي يااطيب نور

reemaas يقول...

سواح في ملك اللــــــــــــــــــه-

منورنى ديما يا خالد ومعاك حق

ريبال بيهس يقول...

صباح الورد ريماس

لا تعتذري عن عدم زيارة المدونات لأننا أخوة لا نصل إلى مدونتك إلا للإطمئنان عليك ولقراءة أجمل كلام يخرج من القلب ليصله ...

هذه الحالة ليست غريبة سيدتي فقد يصاب بها أي شخص وهو عدم الرغبة وليس القدرة على التعبير والكتابة نتيجة ملل داخلي كرسه عوامل خارجية دون إرادة منا وكل ما تحتاجيه تغيير شامل سواء بالابتعاد عن الاقلام والدفاتر أو بالسفر لمكان هادئ ويحوي شاطئ بكري إذا صح التعبير ...

ننتظر إبداعاتك القادمة والأهم أن تكوني أنتي بافضل حال ..

تحياتي وإحترامي

rona ali يقول...

مقدرش اشوف نفسي لنور
ومدخلش اصل انا كمان بلاقينى هنا اوى

الاغرب من اللى انتى بتكلمة فيه ان انا كمان فاهمه بس مش قادره اتكلم افهمك انا فاهمه قد ايه لان طاقتى انا كمان خلصانه خالص بس جاري شحن :)))

ريـــمـــاس يقول...

صباح الغاردينيا نور
أولاً الف الحمدلله على سلامتك
ثانياً مش هقدر أقولك أبعدي عن القلم والكتابة لحد ماتستعيدي نور أنا حاسة أنك محتاجة تكتبي كتير عشان تخرجي الطاقة الي أخفت ملامحها الظروف والروتين الي حولك "
؛؛
؛
مستنيينك :)
بروحك عبق الغاردينيا
كانت هنا
reemaas

Mohamed Amer يقول...

حمدالله علي السلامه
ومستنين الطاقة دي قي كتابات جديدة يمكن تخرج :)

reemaas يقول...

ريبال بيهس

تسلم يا ريبال على حسن تقدير الظروف مش كتير بيقدر يعمل ده

reemaas يقول...

rona ali

ايوووووووون جارى الشحن
هى دى

reemaas يقول...

ريـــمـــاس

فعلا حسانى عاوزة اكتب اى حاجة حتى ولو كانت هبله لمجرد انى افضفض

reemaas يقول...

Mohamed Amer

يارب اقدر

AhMeD RaDy يقول...

اولا كويس انك لسه قادة تكتبى دا لوحده شئ كويس

بالنسبة للحالة وان ما فيش طاقة

الجو العام فى مصر محبط للغاية ..

وادينى بنحاول

nesma hatem يقول...

ولا يهمك ... ومش لوحدك لو ده ممكن يونسك فى حالة العزلة دى
كونى بخير دائما وهذا يكفى
:)

reemaas يقول...

AhMeD RaDy


انا كتبتها على الفيس وهقولها تانى هنا


احنااااااااا اللى هنحبط الاحباط

reemaas يقول...

nesma hatem


هو مش هيونسنى اد ما هيطمنى على نفسى :)

E73 يقول...

مش هقدر أفيدك يا بنوتة في الموضوع دا لأني مغروزة فيه بقالي ييجي سنة او اكتر
:(

reemaas يقول...

E73

اوبااااااااا

يعنى اتوقعها هتطول

EMA EMA يقول...

كلنا أحيانا نكون هذا الرجل !!

تسلمي يا بنوتة ..وحشاني مدونتك

دمت بخير

reemaas يقول...

EMA EMA ي

منوراها ديما يارب