الدنيا دى غريبة اوى..ممكن يكون عندنا فيها كل حاجة او معظم الحاجات ومع ذلك نشغل نفسنا بحاجة صغيرة..نفضل وراها ونتعب علشان تبقى عندنا..
وتبقى كارثة لو مابقتش لينا..
ومايقدرش حد يلومنا على ده كمان على فكرة..لان ممكن رحلة بحثنا عن الحاجة دى..
هى اللى مدينا سبب للحياة!!!
************
هنا هكتب شرح للحالة واعتذار عنها فى نفس ذات الوقت
بعتذر عن انى مش بتابع حد ومش بقرا لحد كمان
ده انا حتى ماكنتش بكتب من فترة وبعدين حسيت انى هصدى فقررت انى اى كلام هيبقى احسن من السكوت
حالة غريبة من عدم القدرة على عمل اى شئ او حتى التفكير فى اى شئ
حالة غريبة حاسة فيها ان جوايا طاقة كبيرة ومخزون من المشاعر والافكار عديمة الملامح مش عارفة احدد ان كانت ايجابية ولا سلبية غاضبة ولا لاء
تقولولى حاولى تخرجيها من جواكى وانتى تعرفى..
وهنا تكمن المشكلة ..ماعنديش طاقة اخرج الطاقة
حالة هبوط لا معنى لها.....
هناك 20 تعليقًا:
مساء الخيــر
:))
أول فقرة دي أنا متفق معاكي فيها جداً لحد بنها D:
بالنسبة للحالة الغريبة اللي عندك ، أعتقد أنها بتجيلنا كلنا على فترات وبعد شوية بننشغل عنها بأي حاجة تانية وبننساها ، ولما بننشغل بالحاجة التانية دي لفترة بنرجع نحس بنفس الحالة الغريبة دي تاني وما بنبقاش عارفين فيه إيه ؟؟ هل احنا اللي مصرين نعيش نفس الحالة ونعيدها من تاني ؟؟ ولا الحاجة الجديدة ماهياش جديدة ولا حاجة واحنا لسه في نفس الحاجة القديمة ؟؟
ما علينا .. واضح أني في حالة غريبة D:
لو فهمتي حاجة ابقي فهميني يمكن نقدر نشوف حل للحالة دي :))
تحياتي
P A S H A
ايوووووووون صح جدا انا فاهمة بس مش هعرف افهمك انى فاهمة :))
ازيك يانور
جيت اسلم عليكي
وعادي كل لجظة في الحياة بنعيشها
بحلوها ومرها مش هتتعوض
انهرده احلي من بكرة
وبكرة اجمل من اللي بعده
تحيتي يااطيب نور
سواح في ملك اللــــــــــــــــــه-
منورنى ديما يا خالد ومعاك حق
صباح الورد ريماس
لا تعتذري عن عدم زيارة المدونات لأننا أخوة لا نصل إلى مدونتك إلا للإطمئنان عليك ولقراءة أجمل كلام يخرج من القلب ليصله ...
هذه الحالة ليست غريبة سيدتي فقد يصاب بها أي شخص وهو عدم الرغبة وليس القدرة على التعبير والكتابة نتيجة ملل داخلي كرسه عوامل خارجية دون إرادة منا وكل ما تحتاجيه تغيير شامل سواء بالابتعاد عن الاقلام والدفاتر أو بالسفر لمكان هادئ ويحوي شاطئ بكري إذا صح التعبير ...
ننتظر إبداعاتك القادمة والأهم أن تكوني أنتي بافضل حال ..
تحياتي وإحترامي
مقدرش اشوف نفسي لنور
ومدخلش اصل انا كمان بلاقينى هنا اوى
الاغرب من اللى انتى بتكلمة فيه ان انا كمان فاهمه بس مش قادره اتكلم افهمك انا فاهمه قد ايه لان طاقتى انا كمان خلصانه خالص بس جاري شحن :)))
صباح الغاردينيا نور
أولاً الف الحمدلله على سلامتك
ثانياً مش هقدر أقولك أبعدي عن القلم والكتابة لحد ماتستعيدي نور أنا حاسة أنك محتاجة تكتبي كتير عشان تخرجي الطاقة الي أخفت ملامحها الظروف والروتين الي حولك "
؛؛
؛
مستنيينك :)
بروحك عبق الغاردينيا
كانت هنا
reemaas
حمدالله علي السلامه
ومستنين الطاقة دي قي كتابات جديدة يمكن تخرج :)
ريبال بيهس
تسلم يا ريبال على حسن تقدير الظروف مش كتير بيقدر يعمل ده
rona ali
ايوووووووون جارى الشحن
هى دى
ريـــمـــاس
فعلا حسانى عاوزة اكتب اى حاجة حتى ولو كانت هبله لمجرد انى افضفض
Mohamed Amer
يارب اقدر
اولا كويس انك لسه قادة تكتبى دا لوحده شئ كويس
بالنسبة للحالة وان ما فيش طاقة
الجو العام فى مصر محبط للغاية ..
وادينى بنحاول
ولا يهمك ... ومش لوحدك لو ده ممكن يونسك فى حالة العزلة دى
كونى بخير دائما وهذا يكفى
:)
AhMeD RaDy
انا كتبتها على الفيس وهقولها تانى هنا
احنااااااااا اللى هنحبط الاحباط
nesma hatem
هو مش هيونسنى اد ما هيطمنى على نفسى :)
مش هقدر أفيدك يا بنوتة في الموضوع دا لأني مغروزة فيه بقالي ييجي سنة او اكتر
:(
E73
اوبااااااااا
يعنى اتوقعها هتطول
كلنا أحيانا نكون هذا الرجل !!
تسلمي يا بنوتة ..وحشاني مدونتك
دمت بخير
EMA EMA ي
منوراها ديما يارب
إرسال تعليق