الأحد، 1 أبريل 2012

هو ..وهى



هو داخل بيته فى وقت متأخر وبيحاول مايصدرش اى صوت علشان مايصحيهاش.............
 بس مش كل الامنيات بتحقق..
هو:اانتى لسه صاحية! ايه اللى مسهرك للوقت ده

هى:طب والله كويس انك واخد بالك ان ده وقت نوم اصلا..

هو:انا راجع تعبان ومش طالبة منقشات وفلسفة على وش الفجر نامى نامى

هى:طب قولى والنبى اناقشك ولا اتكلم حتى معاك امتى ..ده انا طول اليوم بكلم فى نفسى..

هو:يقترب منها يحاول تقبيلها (يمكن تسكت)

هى:هو انت مابتفتكرش انى مراتك الا وقت ماتحب بس ياسيدى حس بيا شوية

هو:اه دى طلبة معاكى نكد بقى ..مع نفسك
                                                ويديها ضهره وينام

هناك 30 تعليقًا:

سواح في ملك اللــــــــــــــــــه- يقول...

ده الطبيعي دلوقتي يانور

انا مش عارف جواز ايه ونيلة ايه اللي مفيهوش تفاهم ده

ههههههههههه

Radwa Ashraf يقول...

و ده العادى ! D:

ابراهيم رزق يقول...

ههههههههههههههههه
ايه ده يا نوررررررررررررررررر
يجرى ايه لو عملت نفسها نايمة
يجرى ايه لو اجلت المناقشة لتانى يوم
يجرى ايه لو اتجاهلته
يجرى ايه لو مجوزتوش من اصله
كنتى فين يا لا لما قلت اه
و بعدين هى اللى جبته لنفسها
و بعدين خلى الصيادلة يشتغلوا
لو مكانش ادوية الضغط و الصداع
تبقى شاش و قطن
الحمد لله محدش شافنى
جت سليمة
ههههههههههههههه
سلام يا نورررررررررررررررررر

;كارولين فاروق يقول...

الانانيه ليست غريبه
علي الرجل
تحياتي

faroukfahmy يقول...

والله يانور قلمك دائما ما يطرق موضوعات اجتماعيه تستحق النظر
عدم الثقه بين الزوج والزوجة وتصل الامور ان فى غيابه غياب العابث وليس الصالح للاسرة
فاذا توفرت الثقه قدرت الزوجه جهد زوجها وان غيابه فى العمل وليس لغرض آخر
والمرأة فى الحالتين مظلومة من الوحدة التى تعيشها فى غياب الزوج ومن الافضل ان يخصص الزوج وقتاولو بالقدر البسيط لمؤانسة تلك الزوجه الذى اشتراها من سوق الحريم لحسابه !!!!! هذا ظلم فادح لستات حواء

هبة فاروق يقول...

تصدقى يا نور حتصدقى ان شاء الله
الجواز مشروع فاشل وانا بحذرك اهو انتى لسه على البر
ومتحسبوش يا بنات ان الجواز راحه
ضحكت على تعليق استاذ ابراهيم لما قال كنتى فين يا لا لما قولت ايوه
وتساولى الان هى كانت فين صحيح ؟؟
صباحك عسل يا سكر

Unknown يقول...

وده فضل عايش ولا ايه اللي حصله

Amira Yusuf يقول...

يا نور يا وحشه ياللي مش بتسألي
انا زعلانه منك هه بس
وبالنسبه للأخ ده ربنا يعينها عليه بس هيا تحاول تكون اذكى من كده يعني كل راجل وله طريقه

الاحلام يقول...

المرأه دائما نور تحب ان يداعبها حبيبها او زوجها وتحب ان تشعر باهتمامه لها فى بعض الاحيان لان تجاهله لها يشعرها دائما بالوحده لهذا فهى محقه جدا لما تفعله
انا اسف نور انى مقصر هنا ولكن للضروره احكام اتمنى ان يسعدكى الله دوما
تحياتى ابوداود

nour alqamar يقول...

هههههههههههه
اهلا حبيبتى نور وحشتينى ..
استمعت بالقراءه كثثييير ..شكرا لك وببالتوفيق لك
مع تحياتى لك
نور

افكار مبعثرة يقول...

هو حال الكثير من المتزوجين لا اعرف ده بسبب الظروف ولا بسببهم هم اللي مش بيبذلوا مجهود علشان ينجحوا العلاقة
موضوع رائع اوي و يخليني اقول هو ده بقا العادي ولا ايه يا جدعان مابلاش تعقدونا ههههههههههه
تحياتي ليكي يا جمييييييييل :)

Sea Lover يقول...

هههههههههههههههه
بيكبـر دمـاغه
بس هو مااخدش باله ان ممكن يكمل الخنـاقة فى الحلم ! .. كان يخلصها وهو صـاحى أحسن ! :))))))))

AhMeD RaDy يقول...

ههههههههههههههههههههههههه

بس بجد بجد انا فكرت فيها بطريقة تانية ان ساعات الستات بيتظلموا ..

والرجال ايضا

يبدو ان الظلم طال الجميع حلوة اوى يا نور

وضحكت بس بجد وجعتنى ومش عارف ليه !

Tarkieb يقول...

لو البيت احسن من برة كان قعد فيه..لو وشها احلى من ضهرها ماكانش اداها ضهره ونام و..ولو صوتها كان بينعشه ماكانش قلها هس بس بس وشيك شاك شوك واداها الحنان ونام..بطلو بقى حقد ع الرجل يامعشر الستات...وتصبحي على خير ههههههههههههه

مصطفى سيف الدين يقول...

معاه حق يديلها ضهره و ينام
الراجل راجع شقيان و هي عمالة تنكد عليه :)

reemaas يقول...

سواح في ملك اللــــــــــــــــــه-

هههههههههه مانا برده بقول كده يا خالد

reemaas يقول...

Radwa Ashraf

ودى المشكلة :(

reemaas يقول...

ابراهيم رزق


بحب منطق مصائب قوم ده كتير يا ابو زياد هههههههههههههه

reemaas يقول...

;كارولين فاروق
تفتكرى بيقولوا كده عننا؟

reemaas يقول...

faroukfahmy58


ازمة ثقة على ازمة قلة كلام على ازمة قلة احترام وما اكتر الازمات يا استاذنا

reemaas يقول...

هبة فاروق
هههههههههههههههه
اه يا خوفى من اللى جااااااى

reemaas يقول...

mohamed amer

هترك الاجابة لخيالك ;)

reemaas يقول...

mira@

بالنوسبة لمحاولاتها فاكيد عندها طرق الستات مش هتغلب يعنى

حقك عليا يا ميرو والله مطحونة شغل ياريت تقوليلى اضيفك ازاى على الفيس علشان اعرف اسال براحتى :)

reemaas يقول...

الاحلام

صح يا ابو داوود بس يارب يفهموا
مقدرة والله يارب ديما منورنى

reemaas يقول...

نور القمر

منورانى ديما يانور :)

reemaas يقول...

افكار مبعثرة

اه والله يا شيماء هى حاجة تعقد فعلا ماعرفش بيعملوا كده ليه ديما بقول لاصحابى المتزوجات انتم اغبياء درجة اولى ههههههههههههه

reemaas يقول...

Sea Lover


ههههههههههه او تانى يوم بجد صعبان عليا

reemaas يقول...

AhMeD RaDy

ممكن اخمن
خايف ان ده يبقى المصير وخصوصا كل اللى حوالينا بياكدوا الفكرة

انا عن نفسى مستوحياها من يجى 10 نماذج فى حياتى
حاجة مرعبه

reemaas يقول...

Tarkieb

ههههههههههههههه

شوف ازاى بقى دى اخرتها مافيييييييييييييش فايدة ههههههههه

reemaas يقول...

مصطفى سيف الدين

تفتكر لو كان بيتاخر علشان شايان كانت عملت كده ؟