الخميس، 5 أبريل، 2012

بمبى...بمبى





جلس كعادته يطالع الصحيفة فى شرفة منزله,ففوجئ بابنته تدخل عليه مندفعة وصوتها ملئ بالبهجة..

شفت يا بابا اشتريت ايه؟ اى رأيك فى البلوزة دى ؟
 نظر اليها ثم ابتسم
قالت:ايه بتضحك ليه وحشة؟
قال:لا طبعا حلوة بس بمبى تانى يا ريم ؟!انا حاسس ان كل دولابك بقى اللون ده
قالت:يابابا مانت عارف انى بحب اللون ده ها قولى رايك بقى
شرد الاب عندما قالت هذه الكلمة وتذكر والدتها..زوجته وحب عمره تذكر اول مرة وقعت عليها عينيه..كانت صديقة اخته وجاءت لزيارتهاعندما مرضت
فتاه فى عمر الزهور ترتدى فستان بلون الزهور..لم يستطع ان يرفع عينيه من عليها لدرجة انها لاحظت وفورا تملكها الخجل واكتسب وجهها نفس اللون
كم شعر انها تشبه الحوريات وقتها

تذكر  يوم الخطبة
عندما ذهب ليحضرها من صالون التجميل فوجد امامه لوحة رائعة الجمال ترتدى فستان بلون الزهر ايضا
تذكر نفسه وهو يسألها بابتسامة :انتى اى حكايتك مع اللون البمبى
تبسمت فى خجل وقالت :بحبه جدا..

كم احبها ..ومازال
عشر سنوات منذ رحيلها ولم يستطع ان ينساها ولو للحظة

كم يشكر الله فى كل لحظة على رحمته به وانه وهبه قطعة منها ..ابنته ريم

كم تشبهها فى كل شئ حتى فى عشقها لهذا اللون..

افاق من ذكرياته على صوت ابنته وهى تلح :بابا انت ساكت ماقلتش رأيك

نظر اليها وابتسم فى حنان:جميلة يا ريم يا حبيبتى ..


مشاركة متواضعة فى الوان

هناك 48 تعليقًا:

P A S H A يقول...

جميلة القصة ، دافية وكلها شجن نبيل
:)
خالص تحياتي وتقديري لإبداعك المتميز

- سؤال جانبي إذا سمحتيلي حضرتك : الشكل اللي في الصورة المرفقة مع البوست هل ده شخصية كارتونية ؟ ولا إيه ؟ أصلي في الحقيقة باشوفه كتير جداً اليومين دول ومش عارف كنهه إيه !

دمتي في خير

سواح في ملك اللــــــــــــــــــه- يقول...

جميلة القصة يانور

خيالك رائع

وموهوبة

تحيتي يابنوته

reemaas يقول...

P A S H A

تسلم يا باشا مبسوطة انها عجبتك

ايون ده ياسيدى اسمه دانبو danbo

اعمل سيرش هتلاقى صور كتير جدا له :)

reemaas يقول...

سواح في ملك اللــــــــــــــــــه-

ربنا يخليييييك يا خالد ديما جابر بخاطرى كدهون :)

rona ali يقول...

سيدى علي الخيال والجمال
والاحساس المرهف
حببتونى في البمبي والوردي اكتر بيجد
وعرفت سر حبي الحقيقي للازرق برضوا

تسلم ايدك بيجد يا نور
موهوبه انتى دائماً
^_^

E73 يقول...

:)

ابتسامة حانية لأجمل قصة قصيرة

eng_semsem يقول...

جميله يا نور
احيانا الماضي بيجعلنا نعيش سعاده اكتر من الواقع احيانا يحرك قلبنا اكتر من حاجه بين ايدينا
تحياتي

هبة فاروق يقول...

جميل ربطك بين فكره القصه واللون ومزجهم معا فى قالب جميل
تسلم الايادى يا جميله

ابو المفاصل الواصل يقول...

سعدت بزيارة مدونتك
تحياتى

Radwa Ashraf يقول...

جميلة أووى :(
خلتنى أدمع .. تسلم إيدك يا رب

نهر الحب يقول...

:)))
جميلة يا ريمو
ساعات لما بنحب لون بيرتبط معانا بكل حاجة حلوة وكل ذكريات حلوة
:)

رؤى عليوة يقول...

جميله القصة
حساها دافيه جدااا


دمت بخير

zeze يقول...

جميل اللون البمبي ،بس عارفة اكتر حاجة عجبتني في القصة الوفاء اللي عند الزوج لزوجته ،بس همكن يكون داموجود بجد في الواقع
تحياتي ليكي يا قمراية
علي فكرة انا"ihave changed"

Bent Men ElZman Da !! يقول...

حبييت الوفاء اللى فى الزوج
وحبيت اللون البمبى اكتر عن الاول :)

reemaas يقول...

rona ali

تسلميلى يا قمراية :)

reemaas يقول...

E73

:)


ربنا يخليكى تسلمى

reemaas يقول...

eng_semsem
ده حقيقى يا سمسم

عاوزة اشوف لونك

reemaas يقول...

هبة فاروق

تسلميلى يا هوبا

reemaas يقول...

ابو المفاصل الواصل

نورتنى اكيد

reemaas يقول...

Radwa Ashraf


مبسوطة انها اثرت فيكى يا قمراية بس من غير دموع :)

reemaas يقول...

نهر الحب

ده حقيقى جدا جدا

reemaas يقول...

رؤى عليوة


مبسوطة انها عجبتك
منورانى

reemaas يقول...

zeze

منورانى حبيبتى

اه موجود بس هو قليل الحقيقه

reemaas يقول...

Bent Men ElZman Da !!


:)

مبسوطة كتير لده

;كارولين فاروق يقول...

جميله جدا يا نور
تمتلك مخزون خيالي جميل
ما شاء الله
تحياتي

ابراهيم رزق يقول...

ايه الجمال ده يا نوووووووووووووووور

تعرفى انا سرحت شوية مع القصة

ممكن يكون حل الالوان ده جينات و بتتوارث
و لا انطباع و تعود
لكن الالوان دايما وسيلة تعبير

تحياتى لكى

israa essam يقول...

fantastique :)))))

دعاء العطار يقول...

:)

تعرفى يانور ان الروز هو لونى المفضل

وتقريبا فعلا معظم لبسى روز

القصه خلتنى ابتسم .. حلوه اوى يانور

:)

faroukfahmy58 يقول...

الحمد لله يانور ان المولى عندما يسترد اليه وديعته يترك لنا فى دنيانا ما يعوضنا عنها بعض الشئ لان صاحب العوض موجود
فى قصتك كانت البنت والالوان عنصران مهمان فى ارنياح الاب لوجودهما فوجودهما وجودا للغائب الحاضر

habiba يقول...

جميلة ما شــاء الله..تسلم ايدك.
دمت بخير..تقبلى مرورى وتحياتى.

ريـــمـــاس يقول...

مساء الغاردينيا نور
ومساء بمبي لعيونك الحلوة
ماأجمل ذلك اللون ولكن الأجمل منه هو وصفك لوفاء الزواج وسرحانه مع ذكرياته مع زوجته ولحظات عشقه الأولى والأجمل أن الحب لازال مستمراً رغم سنوات فقده لها وسعادته بـ أبنته التي كانت أمتداد للحب بعد والدتها "
؛؛
؛
نور
وخالقي حين أكون هنا أبتسم
لأنكِ للأمانة رائعة
لروحك عبق الغاردينيا
كانت هنا
reemaas

افكار مبعثرة يقول...

حلوة اوي بجد و مليئة بالحب و الدفا :))
انا كمان بحب المبمبي اويييييييييييي
تحياتي ليكي يا ريمسوووو :)

nesma hatem يقول...

أستمتعت بيها جدا
وبالفلاش باك أكتر
:)

reemaas يقول...

كارولين فاروق

:)

تسلميلى يا كارولين

reemaas يقول...

ابراهيم رزق


انا فكرتى انه جينات مش عارفه راكبه معايا كده ليه

تابعه كده مع ساليناز وقولنا :)

reemaas يقول...

israa essam

:)

reemaas يقول...

دعاء العطار


تعرفى انى انا كمان كده :)

reemaas يقول...

faroukfahmy58

فضل ربنا كبير يا استاذنا

يارب تكون عجبتك

reemaas يقول...

habiba

منورانى ديما يا حبيبه

reemaas يقول...

ريـــمـــاس


ياااااااااااارب ديما كده ويحفظ عليكى ابتسامتك الحلوة


منتظرة كتابتك عن الالوان

reemaas يقول...

افكار مبعثرة


ربنا يخليكى يا شيما

وانا كمان بينى وبينك :)

reemaas يقول...

nesma hatem


:)

بحب انا الحاجات اللى بتودينى لفلاش باك

Tarkieb يقول...

وماماتها فين؟ توفت؟ اللي خلف مامات وسابله البمبي...حلوة وقطقوطة

reemaas يقول...

Tarkieb ي


يالهوى هو مش باين انها توفت ؟
خاتنى اروح اراجعها تانى يا تراكيبو :(

د.ريان يقول...

مساء الخير ريماس

وبوست رائع وجميل

دمتم بكل ود

الاحلام يقول...

كم هى قاسيه هذه الدنيا نور لم يبقى لنا فيها الا ذكريات نتذكرها وذكريات يتذكرها عنا اخرين
موضوع جميل نور قلمك دائما جميل ورائع
تحياتى ابوداود

reemaas يقول...

د.ريان

ميرسى جدا مبسوطة انه عجبك

reemaas يقول...

الاحلام

ومن غيرها حياتنا اعتقد هتقف يا ابو داوود