انا بحب الرجل اللى بيبقى واخد باله من شكله وماعتقدش ان ده عيب فى الرجل بالعكس
المظهر الخارجى مهم جدا وبيترك انطباع لو بتعرف حد لاول مرة...
وده للرجل والمرأة ...
بس لما المرأة تاخد بالها من نفسها اكتر من االازم ده ممكن يتقبل عن الرجل
او انا اعتقد ذلك....
فاكرين اخو صحبتى اللى انا سيحتله البوست اللى فات؟
الولد ده زى اخويا الصغير وبعزه جدا وشيفاه ظالم نفسه باللى عامله فى نفسه
دخل عندى الصيدليه امبارح واخته كانت قاعدة معايا...
قعد وفى وسط ماحنا بنتكلم اخته هرجت معاه باايدها فى شعره كده
الواد كانه اتكرهب وقعد يتشال ويتحط ويقولها انتى عارفه انا بقالى اد ايه بظبط فيه..
بينى وبينكم انا استغربت الانفعال جدا بس اخته وضحت الموقف بان شعره من المقدسات وبانه بيقعد ساعة ممكن يظبطه ادام المرايا من جيل وخلافه!!!
ماعرفش ليه وقتها افتكرت قصة كنت قريتها ماعرفش فين عن الزعيم الراحل عبد الناصر
انه كان بيقرا فى يوم مجلة ترفيهية وكانت عاملة مسابقة اختيار اجمل شاب صاحب اجمل عيون وكان متقدم عدد من الشباب فى الوقت ده ومنزليين صورهم..
امر عبد الناصر المخابرات وقتها بجمع كل هؤلاء الشباب وحلق شعورهم زيرو ثم تجنيدهم وارسالهم للجبهة بلا نقاش.......
افتكرت القصة دى وانا شايفة حرقة دم اخو صحبتى ولقتنى برد بصوت عالى
الله يرحمك يا ناصر..........
هناك 39 تعليقًا:
بصي يانور يابنتي
فيه ناس كده محدثين نعمة
ههههههههه
علي فكرة
كنت زمان سمعت مثل كان بالنسبة لي دعوة
للتأمل والتفكير
اللي يصعب عليك يفقرك
هههههه
تحيتي يااطيب بنوتة
هههههههههههههههههههههههه
ده أنا كانت غيتي أرخم ع العيال دي ههههههههههههههههههه الله يمسيك بالخير يا فلان .. ما كانش ينزل الشارع إلا أما يعمل ماسك بالزبادي والخيار على وشه هههههههههههههههههههههه كنت أقول له : إمتى بقى ييجي ابن الحلال اللي يتجوزك ونخلص ههههههههههههههههههههه
تحياتي
ههههههههههه تصدق صح المثل
هقولهوله مانا ناوية اتوبه قول ان شاء الله
P A S H A
هههههههههههههههه يالهوى ده انا بكسل اعمله ههههههههههههههه
يلا ربنا يعدلهالنا هههههههه
خايف عليكي يانور
هههههههههههه
متحطهوش في دماغك
الا اذا كان رجلا يعتمد عليه
اشك في ذلك والله اعلم
قد يكون
تحيتي يااطيب بنوتة
صعبان عليا يا خالد الواد من اصل طيب وعبقرى والله فى لاكومبيوتر وما يخصه ولو ركز هيتخرج بتقدير وممكن يكونله مستقبل بس مضيع نفسه بقى
طيب هقوللك حاجة
الانسان اللي بيتصرف علط عشان
يحس بعلطه لازم كل اللي حواليه ميسشجعهوش
بمعني ان كل اللي حواليه يرفضوا تصرفاته
ولو ماستجبش يبقي يتقاطع ومحدش يكلمه
ويتعامل باذدراء
عشان يحس بغلطه ويراجع نفسة
تحيتي يااطيب بنوتة
لعلمك يا ري...
كل اللي فات حمادة..
واللي جاي.. حمادة تاني خااااالص :)
طيب و البوكسرات و البناطيل العجيبة و الموضات الاعجب
الله يرحمك يا ناصر فعلا
صباح الغاردينيا يانور
ههههههههههههههه
والله ضحكت بس عارفه انا عمري مالتفت لشكل الراجل يعني اوكي يكون بيهتم بنفسه وشيك بس مش يكون اوفر اوووي وكمان الراجل لازم تبان فيه الخشونة ولا حيكون راجل ازاي ؟؟ مش شباب كتير النهردة تبقي مش عارفة دا ست ولا راجل على البنطلونات العجيبة الي تحسيها بتقول ارفعني شويا هههههههههه
وكله كوم اما اشوف واحد لابس بينك وبمبي ابقى عاوزة انزل فيه ضرب <<<< متوحشه بس عارفه اخو صاحبتك دا تحفه هو وشعره ربنا يهديه :)"
؛؛
؛
لروحك عبق الغاردينيا
كانت هنا
reemaas
تور
كون ان الرجل واخد باله من شكله وهندامه فهذا شئ مرغوب ومطلوب خاصة اذا كان عنده ما يؤهله لهذه العياقة ههههههفمثلا اذا كان شعره ناعم ممكن يشكله زى مهوه عاوز ايه المانع اذا كان هذا يرضيه ويخليه باصص للدنيا بصه وردية وبكرة نتعود على هذه القصات الشعرية
ان الله جميل يحب الجمال مع عدم الاسفاف
وبمناسبة جمال عبد الناصر انا اذكر حادثة ظريفة فقد تأخر يوما عن خطابه لانهم اثناء كوى الجاكت تسوا ان يضعوا المنديل الهرمى على عروة الجاكت لعلمك عبد الناصر كان فى مقدمة عهده شياكة وهنداماووسامة
هههههههه
ضحكت كتير يا نور والله
بس عارفه كان عبد الناصر رجل
كل العصور
للأسف يا نور في حاجات اتغيرت كتير
اوي في مجتمعنا والمفاهيم اتغيرت
هههههههههههههههه اه والله ربنا يرحمك يا ناصر
لو موجود دلوقتي كان زمانه لم نص شباب مصر اللي مسقط البنطلون و اللي مسبسب شعره و اللي سايب شعره هايش زي فروة الخروف
هههههههههههههههه
تحياتي
طب انتي عارفة حاجة اسمها ترانسفستيت
Transvestit
دول رجالة بس بيحبو يلبسو ملابس ستات في مرة كدة وبعدين خلاص مع انهم متجوزين عادي ومخلفيين كمان ...ومرض معروف من اوائل القرن الماضي وكان في في معهد في المانيا واحد عمله اسمه دكتور هيرشبيرج وبيعالج الناس دي...وكانت الستات اللي بتلبس بنطلون او الراجل اللي يلبس ست بياخد تصريح من وزارة الصحة عشان يمشي في الشارع لحد ماجه هتلر وحبس اي حد ترانسفستيت ....الغريب ان دلوقتي رجعت تاني واعرف واحدة رجعت بيتها لقت قميص نوم حريمي غريب في غرفة نومها فمسكت جوزها وقالتله ياخاين يامجرم...وعملت زي لبنى عب العزيز طلقني طلقني ... لحد مالراجل اعترف انه ترانسفستيت..ساعتها قلت ياريته كان خانها او حتى خلاها تصدق انه خاين .......عشان كدة بقول اي حاجة اهون حتى لو شعره عامله موزبليه مش كدة ولا ايه؟ ههههههههههه
على رأيك الله يرحمك يا ناصر
تصدقي اني الى الآن بيتحرق دمي من اللي بيتهربوا من الجيش والتجنيد
المسبسبين اهم حيويه وعزم وهمه
نحن فى زمن المسبسبين واللى يعمل غير كده يبقى مش كول
ربنا يرحمنا بقى
بوست دمه خفيف زيك يا قمر
اسفه على التاخير
هههههههههه
فى منهم كتييييير بس أعتقد دى مرحلة وهتعدى يعنى لما يشتغل الساعة دى هتبقى مفيدة أكتر فى النوم أو الخروج
عجبنى موضوع عبد الناصر ده أوى بس لو كده كان نص شباب مصر فى الجيش هههههههه
:)
فكرك يا نور لو عبد الناصر موجود دلوقتى
وسمع بحكايه مسابقه مستر ايجيبت اللى بيطلعوا فيها بمايوهات
هيعمل فيهم ايه ياترى ؟؟؟
بالنسبة لعلملية تظبيط الشعر اللى بتاخد ساعة دى حاجة مستفزة بصراحة
وربنا يهدى يارب .. عجبتنى حكاية جمال عبد الناصر اول مرة اسمع عنها على فكرة
هو بقي فيه رجالة رجالة دلوقتي يعني والا ده لفظ بس في البطاقة
عشان بس محدش يزعل
هو فيه
بس قلة
قليلة
الله يرحمك يا ناصر
:))
ههههههههههههههههههههههههههههههههههههههههههههههههههههههههههه
يا ريماس اصلا معظم الشوباب بقوا كده حاليا .. فرافييييييير اصلا :D
ربنا يرحمنا ويرحم البلد دى ويوعدنا بواحد زى عبد الناصر ينشفلنا الشوباب دول :D
نوررررررررررررررررر
ايه ده يا نور
انتى اليومين دول شغالة تسييح للخلق و الواحد يخاف منك
هههههههههههههههههههههه
طبعا كل جيل له اهتمامه فى الستينات مثلا كان فى بعض الشباب بيلبس شميس بدانتيل
السبعينات و كانت موضة البنطلون الشالستون و القميص المشجر و الشعر الطويل
نيجى للثمانيات الاحذية الكعب العالى و السلاسل و الانسيال و الشعر الكنيش
التسعينات و الالفية الجديدة دخلنا فى عالم الجيل و التيشرتات القصيرة و الترتر فى البنطلونات و التيشرتات و اخيرا البنطلونات الساقطة و بوكسرات قطونيل
هى مرحلة بعض ممن علق مر بها و مفيش حد بيستمر و الا قولى ليا فين اللى كانوا بيلبسوا شالستون و مشجر
اقولك انا
دلوقتى هم الجدود اللى بيعيبوا على الاحفاد
كل واحد يعيش ايامه دون ان يكون زائدا جدا على نظيره من الشباب
ارجع و اقولك ان واقعة ناصر صحيح هو انا خلفت غير ناصر
و بعدين سيبك انتى هة الادوية بتأكل عيش
ده اغلب الصيدليات شغالة على الكريمات و الشامبو و الجيللللللللللل
تحياتى يا نوووووووووور
صحيح الواحد يابنتي بيشوف حاجات غريبة الايام دي ،مش مشكلة الواحد يهتم بشكلهالخارجي بس مش زيادة عن اللزوم،ومن وجهة نظري اننا نهتم بمظهرنا الداخلي افضل طبعا لان دا اللي بيشوفوا ربنا وهو اهم من اي شيء
"اللهم اجعل بواطننا افضل من ظواهرنا واجعلها كما ترضيك ياالله"آميين
Timo..
قلبى حاسس بده يا تيمو
مصطفى سيف الدين
دى بقى الحاجات اللى ترفع الضغط
ريـــمـــاس ي
بمبى
هههههههههه ده يبقى حاجة بمبى خالص يا ريما
faroukfahmy58
اكيد مافيش مانع يا استاذنا بس مايكونش شغله الشاغل اكيد
;كارولين فاروق
من ناحية كان راجل فجدا يا كوكى جدا
افكار مبعثرة
فوراااااااا ده الجيش هيبقى ضعف حاله والله
Tarkieb
لا كده كده يا تراكيبو اللى يشوف بلاوى الناس صحيح
E73
دول بقى كفاية بس البصة اللى بتتبصلهم
انصاف رجال
هبة فاروق
:)
بلاها كول والله يا هوبا
nesma hatem
اكتر من النص ووحياتك يا نسمة
Bent Men ElZman Da !!
ميوهاااااااااات
كان دخلهم الصاعقه علشان يعرفوا ان الله حق
AhMeD RaDy
ايتها خدمة يا ابو حميد
نهر الحب
هقولك الرد الشيك بتاع السؤال
هو واضح ان مفهوم الرجولة اختلف ;)
Miss LoZa
فرافييييييييييير
عليكى نور لسه كنت بقولها
ابراهيم رزق
انا هجيب خرزة زرقا واحطها على باب المدونة
ههههههههههههههههههههههه
بس مش ملاحظ ان الحكاية بتدهور للاسوء يا ابو زياده يعنى الشارلستون ارحم من قطونيل
تفتكر اللى جاى شكله ايه
ربنا يستر
I have changed
اللهم امين يااااااارب
إرسال تعليق