الجمعة، 23 مارس، 2012

مع نفسى8


حاجات صغيرة ممكن تفرحنا..حاجات ابسط مما نتخيل
حاجات من كتر ماهى صغيرة وبسيطة 
محتاجة عدسة مكبره علشان نلاقيها!
*******************

لما قريت اخر تدوينة لTimo
سألته سؤال وحساه عمال يدور ويزن فى دماغى..
 ليه كل الالوان لما هى لونها ازرق؟!!
*******************

(:(

حاسة انى بقيت عاملة كده!!
*********************

نفسى اتعلم اخبى اللى جوايا ومابينش انفعالاتى من نظراتى
مش طالبة فضايح وتسييح خالص!
*******************

يانور انتى صبورة..!!
بسمعها كتير الكلمة دى فى الفترة اللى فاتت
مدينى احساس انى شايلة جبال وانا مش حاسة!!!
******************

ساعات بيبقى نفسى اقفل موبايلى واجرب الحياة من غيره..
ياترى هتختلف؟!!!
********************
من التجربة طلعت بنتيجة
ممكن تنهى وجود ناس فى حياتك..مش لانهم مش كويسين او اذوك
لكن بس لانهم مالهومش دور فى حياتك!!!!
******************

ديما بسمع ان سر جمال المراءة فى غموضها..
وبصراحة مش عارفة ازاى بتبقى غامضة.
خمنت ان ده من خلال النظرات اللى مش مفهومه ومابتدلش على شئ او من خلال صمتها
حاولت اعمل الحاجتين من باب التجمل ..والتغيير
كل ما احاول ..احس انى بقيت اوضح..
لحد ماقربت ابقى شفافة!!!!
 

هناك 42 تعليقًا:

سواح في ملك اللــــــــــــــــــه- يقول...

كلامك كله مظبوط

بس شدني المقطع الاخير وكان لية مقولة زمان

بتقول

((من شدة وضوحها يظنها الناس لغزا ))

فيه ناس يانور لما بتشوف انسان واضح

وصريح قدامه مبتصدقش ان ده لسة موجود في

الدنيا

فبتحاول تبرر غياءها او عدم تصديقها بان الانسان ده لئيييييم

انت متعرفوش ده مية من تحت تبن

وكأنهم يستنكرون ان يكون في الدنيا وضوحا

تحيتي لاطيب نور

E73 يقول...

ههههههههه انتي عسل يا نوري

أكيد فيه لمسات بسيطة ومش هتكلف اللي قدامك شيء لو اتعملت تحسي انها بتهد جبال من الطاقة السلبية

مفهمتش ايه الازرق؟

ربنا يخليكي دايما كدا D:

مشكلة فعلا الانسان اللي بيبان ردة فعله على وشه

كنت بسمعها كتييييييييير وحاليا بقيت بسمع "ىخر ما كنا نتصور اللي يحرك الجبل يبقى شوية اطفال"

جربتها يوم الأربعاء نزلت جري وملحقتش آخد لا الشنطة ولا الموبايل تخيلي تبقي يادوب لحقتي تلبسي جزمتك وماشية من غير أي حاجة خااااااااالص

طيب ايدي على كتفك

الغموض في إنك تبقي واضحة وصريحة وفنفس الوقت مشاعرك الداخلية تحتفظي بها لك لوحدك "دا فهمي للغموض" ^^

E73 يقول...
أزال المؤلف هذا التعليق.
ابراهيم رزق يقول...

نورررررررررررررررررر

بصى يا نور انتى انسانة جميلة

متحاوليش تكونى غير نفسك

المرضى فقط هم من يحاولون ان يتعالجوا
البنى ادم التلقائى به جمال به وضوح به وصلة مع الناس اسمها الصدق

فعلا جمال المراة فى غموضها مقولة مش صحيحة
جمال المراة فى روحها الصادقة سواء كانت غامضة او لا
الغموض المصنوع يشبه الورود الصناعية بلا روح او رائحة

و بعدين هترسمى الشجن مش هيمشى معانا
فالصب تفضحه عيونه
سلام يا نورررررررررررررررررررررر
الغموض المفتعل يشبه

P A S H A يقول...

"ساعات بيبقى نفسى اقفل موبايلى واجرب الحياة"

rona ali يقول...

اول مقطع
اعتقد كلنا نبصم ورددنا اجمعنا باشكال واوصاف مختلفه :)

نور بحب بوستات نفسي اوى بحسها نفسي انا كمان وكده عيب تاخدى نفسي منى وانا نايمه هههههههههه

مقطع الفون انا عملتهاكتييير نياهاهاها واول مرة كانت لمدة اسبوعين ههههههههه

سؤال اللي سالتى لتيمو فاكره
بس انا شايفه الالوان كلها موجوده متكامله ومصفوفه لينا بس احنا دايمآ
بغبائنا وعدم تقديرنا وحمدنا مش بنشوفهم ونشوف الاقرب لفكرنا الكئيب في اللحظه دى وهو الازرق استسهلنا زى ماتقولى :)

مقطع التجربه عجبنى اوى وابصم برضوا

مقطع الغموض في كتير قالولى انى غامضه محدش يقدر بسهوله يقجر يوحد ليا فكر معين او بغكر او بعمل إيه دلوقتى بس انا الصراحه شوفتهم بيستعبطوا وهما اللى مش قادرين يفهموا شفافيه البشر اللي قدامهم وبدل ما يقولوا مش فاهمين يقولولك انتى غامضه اسهلهم ههههههههه

انا مش محتاجه اقولك خليكى نفسك لانك نفسك بشقاوتك بفكرك بجمالك برقتك

تحياتى بوست رائع

Bent Men ElZman Da !! يقول...

واحنا اوقات كتييير بنكسل نشوف بالعدسه المكبره عشان نلاقى الحاجات الصغيره دى !

(:(
حاسه والله اعلم ان كلنا هذا الرجل

خروج ناس كتير مهمين من حياتنا بيحسسنا اوقات اننا لازم نعمل جرد للاشخاص الغير مهمين اللى واخدين حيز ووجود ع الفاضى حوالينا

طب انا الناس بتقول عليا غامضه
ودى حاجه بتضايقنى لانى بحس ان ماحدش فاهمنى خالص
تيجى نبدل؟؟

;كارولين فاروق يقول...

مش مهم ابقي غامضه علشان ابقي حلوه
في الوضوح احيانا جمال اكثر خاصه لما يوضح
الجمال والرقه
خليكي بطبيعتك يا نور
فالنور والصباح اجمل من الليل

Miss LoZa يقول...

المشكلة فالى محتاجة عدسة مكبرة دى بقه

تصدقى نفسى أخبى الى جوايا انا كمان .. بش على الاقل انتى بتطلعيه نظرات ..أنما انا بطلعه كلام وافعال .. يعنى لما بكره حد بيبان عليا جدا اصلا !

أن الله مع الصابرين .. بنكون متحملين أكتر مما نتوقع اصلا

كنت لسه بتكلم مع كذا حد من صحابى فموضوع الموبايل ده .. ما تيجى نقفله سوا ونجرب !

لازم هتلاقى ناس ملهومش لزوم فحياتك علشان تحسى بالى ليهم لزوم

موضوع جمال المرأة فى غموضها ده فأنا مش متفقة .. لأن الى قال كده أكيد بيعبر عن تجربة شخصية اصلا .. أنا رأيى أن جمال المرأة فكونها على طبيعتها .. ده رأيى شخصيا برضه :)

beautiful mind يقول...

احسن حاجه الشخص يعيش علي طبيعته
ويسيبه من كلام الناس او نظرات الناس
لان الناس عمرها ما هترضي باي حاجه
الوضوح سر جمال المرأة وليس الغموض علي ما اعتقد
دمتي بكل ود
تدوينة جميلة

رؤى عليوة يقول...

الغموض احيانا بيكون سب متاعب لصاحبه
والوضوح كمان ممكن يكون سبب متاعب

لكن الاكيد ان الانسان الواضح بيكون فى معظم الاوقات صح وبياخد باله من حجات كتير حتى لو تفاصيل

اما عن الحجات الصغيره التى نحبها هكذا النساء تعجبنا التفاصيل وتجذبنا الاشياء الصغيرة وتسعدنا كثيراا


كونى كما انت احيانا الصمت يكون افضل لما يكون الكلام ملوش لازمه


دمت بخير

نهر الحب يقول...

استني بقي شوية بقي
هو ليه كدة بقي
؟؟
حاسة اننا كلنا بندور في نفس الدواير المقفولة ومش حاسين
:((

بفتكر اغنية شيرين وهي بتقول
"هو انت مين اللي عمل كدة فيك..مش انت واللا فيه حد غمى عينيك"
حاجات كتير في حياتنا اتسببت في حيرتنا وادينا عايشين راضيين جايين ورايحين

بحسها اكتر حاجة بتوصفنا وبجد فيه حاجات ملهاش اجابة

حكاية الالوان دي احنا بنشوفها حسب قلوبنا يعني انا بحس الدنيا جميلة ومنورة وبشوف الوان الورد عشان انا مركزة معاها وان الدنيا حلوة وكتير بشوفها سودا ومضلمة اووي وهي بتشتي كانها بتبكي
فاهماني...كله حسب احساسك...لكن هي مش ثابتة علي لون
....

نيجي للمهم بقي
نفسى اتعلم اخبى اللى جوايا ومابينش انفعالاتى من نظراتىمش طالبة فضايح وتسييح خالص
ممممممممم
نفسي انا كمااااان جداااا بليز لما تلاقي حل ابقي قوليلي..
.....
مجربتيش قبل كدة تقفلي موبايلك..
انا جربتها..حياة مريحة جداااا بالذات لما تيجي في وقت بجد تبقي عاوزة تكسريه ولما تحسي ان كل المكالمات اللي بتيجيلك عليه مكالمات فاضية ملهاش معني او حد عاوز حاجة...مش سؤال حنين من حد انتي واحشاه...اكيد ده بيحصل بس قليل
:((
..........
مش عارفة مش مقتنعة بحكاية ننهي وجود حد في حياتنا لان ملهمش دور...ممكن نكون احنا شايفين كدة بس مش دي الحقيقة..واللي بينهي علاقة طرفين مش طرف واحد...
...
جمال المرأة في غموضها..
"
"أنا ساذجة ، ادرك بأنى ساذجة …لكن لا قدرة لى على ان اكون امراة أخرى! لا قدرة لى على أن اكون خبيثة ، ادرك بأن امرأة واضحة لا تغرى… ادرك ان الغموض يحيط المرأة بهالة جذابة ، لكن لا قدرة لى على أن اكون خبيثة أو غامضة ، انا امرأة تكمن سعادتها بقراءة ديوان شعر فى مقهى هادىء بينما تحتسى كوبا من الشيكولاتة الساخنة فى جو ممطر"
الجملة دي من رواية احببتك اكثر مما ينبغي ومقتنعة بيها اوي بس حقولك بجد والله البنات الغامضين هما اللي بيعرفوا بجد يلفتوا نظر اللي قدامهم لكن احنا البنات العاديين الواضحين لان مشاعرنا باينا في كل ملامحنا ومش بنعرف نخبي ولا نتحايل
واللي كدة صدقيني مش بيعرف يتغير مهما حصل..
انا عن نفسي بكره في نفسي النقطة دي بس مبقدرش ابقي حد غيري
.........

طولت عليكي اوي بس الموضوع كدة فيه كلام
:))

amiraali يقول...

فعلا عندك حق يا نور...في حاجات بسيطه اوي بتفرحنا...وغالبا احنا كلنا بنمر بكده...
حاسه اني بقيت عامله كده؟؟؟
انا بردوا يا نور عامله زيك بالظبط...

نفسى اتعلم اخبى اللى جوايا ومابينش انفعالاتى من نظراتىمش طالبة فضايح وتسييح خالص!*******************
الجمله دي بتعبر عني اوي..نفسي بجد اتغير بس انا مش عارفه اذا كان ده كويس ولا لأ..تسلمي يا قمر

reemaas يقول...

سواح في ملك اللــــــــــــــــــه-

اه والله ده انا هحكيلك حكاية بمناسبة القصة دى

بس ابقى فكرنى

reemaas يقول...

E73


عجبنى فهمك للغموض

ازرق ده كان تعليقى على اخر تدوينة لتيمو صاحب مدونة اسف على الازعاج

لا اقصد انك تقفليه كام يوم وتستغنى عنه بمزاجك خالص
نفسى اجربها

reemaas يقول...

ابراهيم رزق

بريئة يا بيه
ههههههههههههههههههههههههههه

ياريت يعنى ماكنش ده حالى

فعلا انا معاك فى ده انا بس جربت اصلى كنت ديما رابطة الغموض بتديق العيون ماعرفش ليه هههههههههه

reemaas يقول...

P A S H A


دى فرة فى البلد بقى واهو نخسر شركات الحمول :)

reemaas يقول...

rona ali

:)

دى تانى تهمة النهاردة بريئة انا مش سرقت حاجة ههههههههه

ايون هعمل زيك كده واشوف النتيجة

التجربة دى نتيجتها مضمونة صدقينى

مانا حاولت اجرب الغموض وفشلت فشل زريع

reemaas يقول...

Bent Men ElZman Da !

ههههههههههه ايون نبدل شوية كده ونشوف

اه فعلا الحكاية محتاجة غربلة ونشوف مين هيفضل

reemaas يقول...

كارولين فاروق

ماهو كده كده مش نافع غيره يا كوكى قدر بقى

reemaas يقول...

Miss LoZa

بينى وبينك فى موضوع جمال المراءة معاكى حق

انا اجرب جدا جدا طبعا

اوقات بنحس ان الحاجات الحلوة حق مكتسب فمانخدش بالنا منها

reemaas يقول...

beautiful mind

على كده انا ابقى جميله الجميلات :)

reemaas يقول...

رؤى عليوة

بالنسبة اموضوع التفاصيل ده فصح جدا جدا على فكرة
منورانى

reemaas يقول...

نهر الحب

بالعكس حبيت ردك جدا يا سهاد

دورت على الكتاب هنا مش لقيته شوقتينى اجيبه
فعلا الاصطناع اخرته الفشل فقررت افضل زى مانا

متفقة معاكة فان نظرتنا للاالوان بتحددها

هجرب حدوتة الموبايل دى بجد

طب ماهم مالهومش دور يبقى اختاروا ده ولا ايه؟

reemaas يقول...

amiraal

كده مريح الى حد ما على الرغم من عيوبه
اصل كده بيوفر الكلام بصة واحدة وتخلص الحكايه
بس كده بيبين ارتباكك مثلا بسرعه ودى مشكله
بيبن كرهك لحد مش طالبة يعرف انك مش طيقاه دلوقتى ودى مشكلتين ههههههههههههههه

افكار مبعثرة يقول...

عجبني جدا الجزء الخاص بالمراه لاني سالت نفسي السؤال ده برده و قلت طي يا ترى الواحد يبقى غامض ازااااااااااااي و طبعا حاسة اني فاشلة لاني فضايح و اللي بره زي اللي جوه بالظبط :)
عجبني اوي البوست
تحياتي :)

Timo.. يقول...

الحاجات الصغننة دي بتتحس.. مش تتشاف يا نور..
وعشان كده مش كل الناس بتشوفها لانهم فقدوا نعمة الاحساس..!!

*************************
صدقيني الحياه ها تختلف..
بس انت جربي واقفليه :<

*************************
ممكن تنهى وجود ناس فى حياتك
مش لانهم مش كويسين او اذوك
لكن بس لانهم مالهومش دور فى حياتك!!!
كلامك صح جدا.. بس تعملي ايه بقى لو اكتشفتي ان دورهم لسه ماجاش..؟؟!!

*************************

Timo.. يقول...

آآآآآ....حاسس اني اشتركت في البوست ده بشكل ما..!!

نهر الحب يقول...

انا جيت تاني
:))

لا هما مش اختاروا ان مش يبقي ليهم دور ساعات الزمن بيجبرنا علي حاجات كتير منها اننا منبقاش قادرين نقوم بالدور اللي بنتمني يكون موجود في حياة حد

بس بجد عمرنا ما بنعرف الدنيا ممكن تلف وتعمل فينا ايه يعني اللي بينبعد عنه دلوقتي ممكن الدنيا تلف تلف وتقربنا منه في لحظة

:)

نسيت اقولك علي حتة الحاجات الصغيرة اللي بتفرحنا
انا ممكن افرح بكلمة...وبنظرة عين حلوة يا ريمو
:DDD

جايدا العزيزي يقول...

رائعه جدا نور

اراها يوميات

شيقه ممتعه

دمت مبدعه

تحياتى

AhMeD RaDy يقول...

جميل اوى اوى اوى

بجد حلوة اوى البوستات اللى الواحد بيخرج فيها عن الحاجات اللى جوة دى

حتى لو ما فهمناش حتى

وحتى لو كنتى مش عايزة نفهم حاجة

بس مش هعلق على النقاط لان بصراحة

البوست كله تحفة

وجميل يا نور

استمرى يا صيدالانية .. ومنتظرين جديدك يا كبير

هبة فاروق يقول...

عارفه يا نور انتى سر جمالك فى ايه
فى طيبتك ورقتك وبراءتك وده اجمل بكثير من الغموض
انتى كده حلوه وجذابه من غير غموض
تحياتى لارق صيدلانيه

دعاء العطار يقول...

ههههههههههههههههههههههههه

والله عسل يانور " كل ما احاول ..احس انى بقيت اوضح..
لحد ماقربت ابقى شفافة!!!! "

هههههههههههههههههههههههه فكرتينى بواحده صحبتى

..............

):(

تصدقى انا كمان بقيت كده

............

ع فكره جربت اقفل الموبايل .. امممممممم هى الحياه بتبقى مريحه اوووى بس بيبقى صمت مميت :D

وحشتنى كتاباتك والله :)

reemaas يقول...

افكار مبعثرة

جالى فاترة كنت فاكرة ان الغموض فى تضيق العنين هههههههههههههههه

reemaas يقول...

Timo..

صح جدا حكاية بتتحس دى

هجرب صدقنى قريب يا تيمو


اوباااااااااا حتة سؤال جون جون يعنى حقك بعده تقول كش ملك

اه طبعا ليك دور رئيسى جدا جدا فى التوبيك ده

reemaas يقول...

نهر الحب

منورانى ديما وابدا

انا كمان زيك بفرح باقل حاجة والله

reemaas يقول...

جايدا العزيزي

تسلميلى يا ايدى يا حبيبتى

reemaas يقول...

AhMeD RaDy ي

ايون ايون تحس انها فضفة كده وممكن جدا تفهم اللى كاتبها منها
منورنى

reemaas يقول...

هبة فاروق

الله يخليكى يا هوبا
وش مكسوف


بجد كسفتينى
حاضر حبيبتى هخلينى

reemaas يقول...

دعاء العطار

هههههههه اه والله يا دعاء عارفه كل ماكنت بحاول احس انى عامله زى اللى عامل عامله فاحاول اصلحها وافسر المتفسر ههههههههههههههههههه


حالة عجيبة فعلا

مميت اوى الحقيقة حسانى مش هستحمل

nesma hatem يقول...

يمكن لانك اتعودتى تصبرى فبطلتى تاخدى بالك ;)
أقفليه شعور رائع جدا مش هتندمى
:)

reemaas يقول...

nesma hatem

ممكن فعلا اوقات التعود بيكون سبب لعدم استغربنا ردود افعالنا

بحاول اعمل ده