الجمعة، 21 أكتوبر 2011

انا بفرح كده.....وانت؟





كنت بحاول اظبط حلقة جديدة من اليوميات .....
لحد مالقيت الكليب ده ادامى.......
لفت نظرى جدا وحسيت ان فيه حاجات بسيطة كتير وفعلا لما بعملها بتسعدنى وبتغير مودى تماما
يعنى مثلا الشيكولاتة دى بتحللى ازمات كتير جدااااا
اطفى النور واسمع مزيكا دى كمان بعملها كتير جدا

بعمل كده لما بقعد على البحر ........
لما بتخنق جدا بشتغل لحد ما احس انى هموت من التعب وبعديها اروح انام مرتاحة من كتر التعب

ساعات بببعت رساله لاصحابى فاضية بس لمجرد انى انكشهم:)

ساعات بخترع حاجات فى المطبخ الحكايه دى مفيدة جداااااااااااااااا بس بتتاكل والله.....

بعمل كده فعلا لما بقابل حد مش فاكرة اسمه......

بفتكر قبل ما انام كل الحاجات الحلوة......
ديما عندى حل لكل مشكلة بتتحكالى.........

ديما بقول الحمد لله لما بتسأل على حالى.......

بجيب لنفسى هدايا .......اه والله
اسمعوا الكليب كويس جداااااااا
وقلولى ايه شدكم فيه

صباحكم سكر




 

هناك 38 تعليقًا:

نهر الحب يقول...

oh my god
بجد حلو أوووي أوي
عارفة اصلا البطل بتاع الاعلان ده انا بحبه اوي ومعرفش حتي اسمه ايه او ادور عليه ازاي بس بحبه كله احساس وملامحه بريئة بحب حتي احطه بروفيل ديما

لما بتخنق جدا بشتغل لحد ما احس انى هموت من التعب وبعديها اروح انام مرتاحة من كتر التعب

بعمل كدة ديما فعلا عشان محسش بحاجة ومفكرش في حياتي ومدققش في احساسي

صباحك سكر
خلتيني اعمل كدة
:)))

ابراهيم رزق يقول...

انتى كده هتخلينى احقد عليكى
كل ده كان زمان عاوزنا نرجع زى زمان قول للزمان ارجع يا زمان
ههههههههه

الشيكولاتة بتحللك ازمات لكن عندى بتعمل ازمات برطمان الشيكولاتة اللى انتى شايفاه ده الحجم اللى اكبر منه ش ممكن يبات فى البيت مين هيخليه زياد او امهم
اطفى النور و اسمع مزيكا
يا سلام سلم على انغام زياد و ساليناز
لما بتخنق باقعد على البحر
هو فين البحر ده
ساعات ببعت رسالة فاضية لصحابى بس عشان انكشهم
لو مراتى عرفت كده هتتهمنى بالسفه
هههههههههه
ساعات بخترع حاجات فى المطبخ بس تتأكل
طبعا انتى متخصصة و بتبقى جاهزة جنب الاكل بالادوية و الاقراص المساعدة انا بقى اعمل ايه
ههههههههههه
بجد باحقد عليكى جدا و بادعى عليكى ربنا يرزقك بابن الحلال و ساعتها تعالى قوليلى مزيكا و شيكولاتة
فال مزيكا و شيكولاتة قال
تحياتى

ابراهيم رزق يقول...

طبعا حدث خطأ فى التعليق السابق
برطمان الشيكولاتة مين هيخليه زياد او ساليناز
طبعا امهم ملهاش دخل بالموضوع
اه من خاف سلم

سواح في ملك اللــــــــــــــــــه- يقول...

اييييه يابنوتة البراءة والجمال ده

((بحيب هدايا لنفسي )))

جميل يابنوتة

انك تحبي نفسك وتراعيها

عشان كده بيحبك الاخرون

تحيتي لاطيب بنوتة

reemaas يقول...

نهر الحب

انا كمان بحبه جدا يا سهاد بصى انا عملت سيرش عليه من كام شهر على جوجل ولقيت حبه صور كتير
ممكن تدورى على باسم amazonاو ابعتيلى لينك الفيس بتاعك وانا اجيبهملك
صباحك سكر:)

reemaas يقول...

ابراهيم رزق

هههههههههههههههه
اييييييييييه النفسنة دى يا استاذنا
هههههههههههههههههه

بس اكيد صباح ساليناز وزياد احلى بكتير
وطبعا قبلهم مامتهم:)

ربنا يخليهوملك
وادعى من قلبك بقى والنبى
هههههههههههههههههههههههه

reemaas يقول...

سواح في ملك اللــــــــــــــــــه-

هههههههه
اعمل ايه بس يا خالد
كتير ببقى محتاجة اغير مودى فبجيب لنفسى هدايا وساعات بيبقى فيه مناسبات بحس ان محتاجة حد يهنينى عليها فبظبط نفسى بقى ;)

amiraali يقول...

بحب الكليب ده اوي ... تسلم ايديكي

Bent Men ElZman Da !! يقول...

تحفه الكليب اوووى

انا بعمل حكايه الشيكولاته دى بردو
ولما بتخنق بردو بحب اشغل نفسى فى اى حاجه وخلاص
وبحب بردو اخترع حاجات فى المطبخ
احساس ان الواحد عامل حاجه من دماغه كده حلو وياسلام بقى لو طلعت حلوه بيبقى احساس اروع

انا نفسى بقى اعمل حكايه العربيه والطريق السريع دى :))

ميرسى على الكليب ده يدى تفائل كده حتى لو مش بتعملى حاجه منه

reemaas يقول...

amiraali

جميل انه عجبك يا ميرو
تسلمى ياقمرايه

reemaas يقول...

Bent Men ElZman Da !!

والله يا دينا لسه كنت بقول اهو نفسى اسوق على الدولى بسرعه
هههههههههههههههههههههههه

مبسوطة انه عجبك حبيبتى

ツSmiLeY AnGeLツ يقول...

كله حاجة بالاعلان شدتي
ياريت اعمل كله
ازيك ياقمر؟؟؟؟؟؟؟؟؟

تقبلي مروري ^_^

دعاء العطار يقول...

روووووووووووووعه

عارفه بقى كان نفسى اعمل ايه امبارح يانور ؟

امبارح الساعه 2:30 بالليل ... كان نفسى اطلع اجرى ف الشااارع

اه وربنا ساعات بيبقى نفسى اجررررى عشان كده لما سمعت الفيديو ده حسيت بحاجتين عايزه اعملهم

اما انى اسوق _ مع انى مبعرفش اسوق _ باقصى سرررررعه ممكنه

او انى العب واتنطط واجرى فى الشارع مع العيال الصغيره " بالغالب بعملها لما الكهربا تقطع ومحدش شايفنى "

عارفه يانور انا لحد دلوقتى سمعته 3 مرات والرابعه بعد مااخلص الكومنت D:

شكرا يانور :)

دعاء العطار يقول...

اه انا جيت تانى يانور عشان نسيت اقولك ان اللى فى الفيديو ده اسمه danbo

لما تحبوا تجيبوا صوره عشان انا كمان بحبه وفضلت وراه لغاية ماعرفت اسمه

حتى فى دانبو شبه بعض يانور D: D:

رحيق الورد يقول...

السلام عليكم ..
بجد حلو .. تسلم ايدك
بالتوفيق لك
تحياتى .. ياسمين

reemaas يقول...

خواطري مع الحياة


نورتينى يا رشا
فى حاجات فيه سهل جدا تعمليها ان ماكنتيش بتعمليها فعلا

reemaas يقول...

دعاء العطار

هههههههههههههه بش بقولك توئمتى هههههههههههههههههه

والله يا دعاء وانا بحط الكليب وبكتب لكلام وعارفه انه هيعجبك جدا;)

تصدقى موضوع دانبو ده فهمنى حاجة خطيره جداااااااااااا وانا اللى كنت فاكرة العيال بيشتغلونى
ههههههههههه
جميل انك رستينى على الدور

reemaas يقول...

رحيق الورد

منورينى يا ياسمين ومبسوطة انه عجبك اوى

غير معرف يقول...

صباح الغاردينيا نور
ايه الإعلان الزيز دا عارفة الشوكولاته
ونوتيلا كمان وااااو جنان اصلا بموت فيها عموما بموت في الشوكولاته بـ البندق بتروقني ههههههه
والميوزك في السرير ياسلام
عارفة انا نفسي في ايه في مكان
في مطر وافضل اجري تحته هههههه
بجد بجد بوست جميل ساعات نكون
محتاجين نعمل حاجات بسيطة نفرح بيها
أنفسنا"
؛؛
؛
لروحك عبق الغاردينيا
كانت هنا
reemaas

reemaas يقول...

ريــــمــــاس

هتلاقى فى الاعلان مطر وكل اللى قلبك يحبه ههههههههههههه

فعلا والله يا ريموسة تفاصيل صغيرة بس بتسعدنا جدا
يسعدلى كل ايامك

دعاء العطار يقول...

نووووور

طب انا رسيتك ع الدور ... رسينى انتى بقى

فهمك اييييييه ؟

انا مش فضوليه خالص ع فكره :D :D

faroukfahmy يقول...

نور
كفاية نورك علينا كلنا فان عداداتنا لا تتحمل فولته العالى
من مدة وانا بعيد عن التدوين وقراىة البوستات وما يستتبعها من تعليقات واجبه فيما خلا الفترة الحديثة
ان نسيت يا نور لا أنسى توحيهكى لى فى بوست كامل يخص مسألة التعليقات
اتصل بى هاتفيا ابو داوووووود ولفت نظرى الى ما وجهتيه لى من لوم وزعل
ارجو توضبحا لهذا الامر حيث سبب لى عدم الارتياح ودمتى
الفاروق

reemaas يقول...

دعاء العطار

اقولك ياستى

واحدة صحبتنا كانت مسمية واحد صاحبنا دانبو وانا كنت فاكرة الاسم اختراع يعنى اتاريه الشخصية دى
واللى يضحك بقى انها قالتله كده وهى جيباله صورة من صور دانبو ده وانا من هبلى ماربطتش خالص بين الاتنين جيتى انتى ونورتى اللمبه
ههههههههههههههههههههههههههه

reemaas يقول...

faroukfahmy58

منورنى ديما يا استاذ فاروق
ابدا كل الحكايه انى لقيت حضرتك مش بتسال خالص وانا مش عارفه اوصلك طبعا بسبب قفل المدونة فقلت لابو داوود

حاولت اتصرف يعنى

يارب ديما حضرتك بخير

Sarah .. يقول...

الكليب دا جزء من مقال ل المخرج عمرو سلامة

المقال اهو
http://visualstoryteller.maktoobblog.com/1162572/%D8%AA%D8%AE%D8%A7%D8%B1%D9%8A%D9%81-%D9%88%D8%A7%D8%AD%D8%AF-%D9%85%D8%A8%D8%B3%D9%88%D8%B7-%D8%AD%D8%A8%D8%AA%D9%8A%D9%86/

شوفت الكليب قبل كدا اكتر من مرة
فيه حاجات حلوة بجد

تحياتى يا نور .. :)

الازهرى يقول...

بأحب البسمة والتغيير
بأحب بكرة يكون أحسن

بأحب يكون يوم جديد كل يوم

تحياتى على الإختيار الجميل

reemaas يقول...

Sarah ..

انا اعرف المخرج عمرو سلامة بس ماكنتش اعرف انه بتاعه
ميرسى ياساره على المعلومة

reemaas يقول...

الازهرى

كل اللى بتحبه يدعوا للتفاؤل

يارب كل ايامك كده
منورى

الاحلام يقول...

ممكن قطعة شيكولاته لو سمحتى
جميل قوى يا نور والجميل هى روحك الجميله الرائعه والبساطه والطيبه الى ظاهره بين احرقك وكتاباتك
دمتى بخير تحياتى الاحـــــــــلام

غير معرف يقول...

صباح الورد نور

بصراحة فيديو بمنتهى الروعة وبالفعل

أشياء بسيطة ولكن لها دور فعال في

إدخال الفرح للنفس بدون قيد أو شرط

بتعرفي نور زمان لما كنت بدرس في

الجامعة كان في مواد صعبة كثير و

خاصة المواد الرياضية مثل الأقتصاد

أو الإحصاء القياسي كنت أوصل لحالة

من الذهول والإحباط من شدة صعوبتها و

كان الشيء الوحيد اللي يرجعني لمودي

الطبيعي قظعة شوكولا مع أغنية وبعدها

أرجع لحالتي الطبيعية فدائما علينا

أن نبحث عن سعادتنا في تفاصيل بسيطة

مهما كانت غريبة وبصراحة أفلام

الكارتون أو حفلة شواء أو مشوار

صغير على رجلي بعد صلاة الفجر على

طول وجميعها تشحذ أرواحنا من جديد ..

بصراحة نصك أكثر من رائع ولقيت نفسي

فيه لأني كنت دائماً أقول لأي شخص

حزين دور على سعادتك حولك حتى في

أبسط التفاصيل ...

مبدعة وأكثر

تحياتي وإحترامي

جايدا العزيزي يقول...

حلوه جدا يابنوته الفكرة

انا بموت فى الشكولا بس دلوقتى بقل منها حكم اشن بقى يا بنتى هههه

والله يانور انت سكر

تحياتى

reemaas يقول...

الاحلام

من عيونى كيلو شيكولاته بحاله ليك يا ابو داوود
تسلم يارب

reemaas يقول...

ريبال بيهس

فعلا معاك حق السعادة حوالينا فى تفاصيل صغيره بس احنا اللى بنكلكعها

ربنا يسعد ايامك

reemaas يقول...

جايدا العزيزي

انتى اللى قمر يا ايدى
سن ايه يابنتى ده تلاقينى اكبر منك
هههههههههههههه

منورانى

eng_semsem يقول...

كل واحد فينا بتقابل مشاكل فيحياته بيدور على اقرب طريق للخروج منها بالقعه على البحر بالمزيكا بالسهر والسرحان والتفكير
بس في الاخر لازم يلاقي طريق يشيل همومه
تحياتي

reemaas يقول...

eng_semsem

معاك جدا
لانه لو استسلم هتركبه الهموم وساعتها حياته انتهت

غير معرف يقول...

انت رووووعه ....و يا سلام علي البنوتات لما يتكلموا دررر و الله
الحياه سكر زياده

reemaas يقول...

غير معرف

ادونا فرصتنا بس ههههههه

منورنى