الأربعاء، 11 مايو 2011

مجرد كلمة

                                            
                                             

                                               الحب
                                             ******
كلمة قليلة الحروف ولكنها احد اسرار الحياة,فالكل يبحث عنها ويتمناها والكل يكتب عنها ويتغنى بها 

كلمة متواجدة فى قاموس حياتنا اليومى بشكل مختلف فى منا اللى بيحكى عنها وفيه منا اللى بيسمع عنها

واد ايه غريبة تعبيرات الوجوه وهى بتتناولها من فرحان بيها لزعلان منها لمجروح بسببها لملهوف عليها لمترقب نتيجتها

كلمة فى كتير بيسعوا وراها علشان تبقى متواجدة فى حياتهم وكتير بردوا منتظرين الصدفة اللى هتجمعهم بيها

كلمة ممكن تبقى بداية السطر لقصة وحياة وممكن بردو تبقى نقطة ونهاية امل 

كلمة بيعتبرها معظم دكاترة الامراض النفسية مفتاح لحل مشاكل روادهم فبسؤالهم اثبتت الدراسات ان الحب اساس لمشاكل نفسية كثيرة

فهناك من يحب نفسه زيادة عن اللزوم وهناك من لايحب نفسه اطلاقا
هناك من يعانى من عدم وجود حد يحبه وهناك اللى مش عارف يحب حد
 هناك من يحب من لايحبه وهناك من تالم بسبب من احب

كلمة اختلفت انواعها وطرق التعبير عنها 

واختلفت ايضا تفسيرتها وتعريفاتها


ورغم كل ذلك تظل مجرد .....كلمة

هناك 20 تعليقًا:

سواح في ملك اللــــــــــــــــــه- يقول...

ولاننا اخطانا في تعريفها
فالتبست علينا الامور
فالحب هو كلمة تعني البهجة
والبهجة فقط ودون ذلك فهي ليست حبا
فالحب نعمة من عند الخالق العظيم
والفراق والالم والعذاب والهجر وكل ذلك
صنيعة البشر الذي لم يستطيع الحفاظ علي
ماوهبه خالقه

مصطفى سيف الدين يقول...

الحب هو منتدى القلوب وائتلاف الارواح
الحب لا يمكن وصفه في حروف فهو احساس لا يوصف
الحب حين تشعر بالراحة والسعادة
ولاننا لا نفهمه فهو انقى من فهمنا لذلك ندنس معناه
تحياتي لقلمك الرائع

عباس ابن فرناس يقول...

نبى الله يوسف عليه السلام قال له رجل وهو فى السجن
يانبى الله انى احبك
فبكى يوسف
فتعجب الرجل وقال اقول لك انى احبك فتبكى
فقال يوسف وهل اشقانى الا الحب !
احبنى ابى فالقونى اخوتى فى الجوب
واحبتنى امراء العزيز فالقونى فى السجن.
الحب احيانا يكون نعمة
واحيانا يكون نقمة

بس عمره مكان مجرد كلمة ! 1

ممكن احنا نحولو لمجرد كلمة

نفقدو معناه ....... جايز

مش بقصد الحب بمعناه الضيق طبعا

انما اقصد الحب بمعناه الشامل

من اول حب النفس وصول الى العشق الالهى

وبالمناسبة تميم البرغوثى فى القصيدة الاخير قال حاجة قريبة من الموضوع
وفى النهاية احيلك الى بن حزم الظاهرى
فى كتاب طوق الحمامة كتاب روعة ياريت تشوفيه
معزرة
شهيتى بتتفتح للرغى فى الموضيع دى خصوصا
تحياتى

faroukfahmy يقول...

reemas
انت فصصت ومحصت الحب ريماس
ففعلا الحب اساس مشاكل كثيرة ولكن ما اطعم حلاوته وماأجمل لسعته فى قلوبنا
بعينيك ما يلقى الفؤاد وما لقى
وللحب ما لم يبق منى وما بقـــــى

ابراهيم رزق يقول...

الحب جميل ..للى عايش فيه
له الف دليل ..اسالونى عليه
بيقوت ع العين .. و يصحيها من عز النوم
وبفوت ع الروح..ويطير بيهاالدنيا فى يوم

الحب فى حد ذاته جميل اما غير ذلك فما نتوهمه انه حب

تحياتى

FAW يقول...

الحب ده مشكلة عويصة
بنستناه ولما ييجي ممكن منعرفوش
ولما يمشي نعرف إنه كان موجود وفرطنا فيه
ممكن يقوم حياتنا كلها في ثانية ويهدها برضو في ثانية

تحياتي . .

rack-yourminds يقول...

اشك في وجود هذه الكلمه في عالمنا

reemaas يقول...

كان فيه هنا ناس سايبة تعليقات والله راحوا فيييييييييييييين

سواح في ملك اللــــــــــــــــــه- يقول...

هههههههههههه طب انتي اتسرقت تعليقاتك
انا اتسرق مني بوست بحاله
ومعنديش نسخة منه
هههههههه

Unknown يقول...

و أنا كمان اتسرق مني 3 تعليقات لمتابعين جداد:(
البوست حلو كالعاده لأنه بيتكلم عن كلمه حيرت الجميع لكننا اجتمعنا على (حبها) و (حب) الكلام عنها و (حب) سيرتها و (حب) كل ما يتعلق بها من أغاني و خواطر و قصص تعيسه و سعيده.
تحياتي لأجمل نور

عباس ابن فرناس يقول...

سلام قول من رب رحيم

هوا البلوجر اتسكن عفريت ولا ايه ياريمو

البوست بتاعك تقريا ان علقت عليه امبارح
ومع ذلك ظهر عندى النهاردة وكمان على انه مكتووب من ربع ساعة بس

تحياتى المستعطرة

FAW يقول...

تعليقي راح فييييييييييييين ؟

ينفع كده طيب !!

بصي أنا مش فاكر بقي أنا كتبت إيه بس هو الحب حلو :)

تحياتي . .

مصطفى سيف الدين يقول...

الحب كلمة من حرفين فقط لكنها حوت كل الكلمات
تحياتي ليكي
ومعلش فداكي مية بوست يتحذفوا وفداكي مليون كومنت

reemaas يقول...

ههههههههههه ايون يا خالد انا حاولت ادخل عندك مش عارفة فعلا

المشكله انى كنت شايفه التعليقات كلها فى الاول والله بس مش عارفة ارد ولما عرفت طارت

reemaas يقول...

شفتى كام كلمة حب كتبتيها وكلها جاى وراها ابداع ياشرين
فعلا كلمة ليها سر عجيب

reemaas يقول...

هههههههههههههههه ايون يا عبس هو فعلا فى يد خفية فى الحكاية دى
نظرية المؤامرة

reemaas يقول...

ههههههههههه يامصطفى البلوجر الكبير تقريبا شارب مقلب من الحب كده هيزعل رسمى

reemaas يقول...

تسلم يا مصطفى يلا فى الاعادة افادة

faroukfahmy يقول...

reemas
نحن الذين نضعها فى اول السطر ونحن الذين نضعها فى آخره
ولكنها ستظل فى حياتنا مهما اختلف مكانها وزمانها

reemaas يقول...

برده صح يا استاذنا احنا الملومين