الأحد، 23 يناير 2011

برافو

اخباركم ايه يا اصحابى وحشتونى كتيييييييييير جدا وبعتذر لو غيبت وقصرت  وماردتش على اى تدوينة من اللى انا متابعاهم بس انا بقراهم كلهم والله

هى تقريبا حاله عامة من الملل والزهق زى ماقالت صديقتنا علا فى اخر تدوينة ليها بتاعه المولد

ومازلت حالة الملل وعدم القدرة على الكلام دى مستمرة عندى فحبيت اكسرها بحاجة حلوة
حابة اقول برافو لبعض المدونين هنا واللى يستهلوها بجد
 زى ماقولتلكم قبل كده انا لست قصاصة او شاعرة ولكن ازعم ان عندى حس حلو ممكن اميز بيه الكلام الجميل اى كان نوعه

وعشان كده قررت انى ادى شهادة تقدير تفضل هنا فى ذاكرتى انا على الاقل لناس بجد كلامها جميل وبجد موهوبة

وللعلم ان كنت سوف اخص بمديحى اشخاص معينين فده مش معناه ان الباقى كتابته  ماعجبتنيش لا طبعا كل اللى ضايفه مدوانتهم عندى بجد موهوبين جدا لكن وبمنتهى البساطة دول كلامهم علق فى دماغى وفى اوقات لما بغمض عينيه بفتكر قصصهم وكلامهم وعشان كده بشكرهم عليها




1\شيرين:عن تدوينةاوهام البنات
                   اد ايه ياشيرى حسيتها قريبة منى ولسه لحد النهاردة معلقه معايا بكل                            تفاصيلها ومش هنسى انها اول ماقريت على فكرة
2\غادة عبد العال: عن كل مدونة عاوزة اتجوز لن انسى يا غادة انك صاحبة فكرة 
                          التدوين بالنسبالى

3\هبة فاروق:بحيكى يا هبه على مدونتك واخص بالذكر تدوينة الناموسة:)
                     مش عاوزة اقولك ياهبه اد ايه معلقه معايا جداااااااا
                      وكمان بهنيكى على مدونة النهاردة بتاعه ادينى عقلك تحفة بجد

4|مدونة باش كاتب:لصاحبها مصطفى متبعاك جيد جدا وحابة اهنيك على تدوينة   
                             نظرة متشائمة  بس اهنيك اكتر واكتر واكتر على تدوينة 
                              The Ugly Truthبجد كانت تحفة


5|الشحات: قصصك روعه بجد وكلها بتنتهى نهاية غير متوقعه باى شكل
                  احلاهم عندى كانت قصة الشاب اللى خطب اكتر من مرة بجد كانت   
                    جميله


6\اسف على الازعاج:دى بقى ماعرفش اقولكم اى عجبنى فيها وايه ماعجبنيش
                             هى كلها على بعضها تحفة وسيمبل جدااااااااا
                              كفايه اقولكم انها حاجة مريحة للاعصاب مدونة من ارق 
                             مايمكن ان جاز التعبير وان شاء الله تفضل كده ديما
                              واتمنى على الله ان صاحبها تيمو يكتب اكتر شوية من كده


لكل دول حبه اقول برافو بجد مجهود اكتر من رائع وموهبة تستحق انها تسيب بصمة

ولكل اصحابى اللى ماذكرتهومش واللى اكيد هيفهموا انى بحترم كتابتهم جدا وبنتظر منهم اجمل ماعندهم ديما احب اقولهم طالما فى بلدنا ناس ده تفكيرها يبقى لسه فيه امل
 
 ولكل اصحابى دول المذكورين وغير المذكورين لكم اجمل الوردات


تحياتى
                                                                     ويجعله عامر

هناك 20 تعليقًا:

faroukfahmy يقول...

آنستى اجمل تقدير فى الدنيا هو الرد على تقدير الناس لتقديرك فهو تقدير يستحق التقدير وانت تستحقى من خلال ودونتك كل تقدير

هبة فاروق يقول...

حبيبة قلبى نور الرقيقة يسعدنى ويشرفنى ان مدونتى من ضمن قائمة المدونات التى تركت بصمة
دة شرف لية يا قمر انك تذكرى مدونتى المتواضعة
تقديرى وحبى لكى على هذا البوست اللى حيسيب بصمة وبسمة وضحكة جوة قلبى وعيونى وعمرى ماحنسى تقديرك فهو تاج على راسى
ولكى منى الف وردة وفلة وياسمينة لعيونك الحلويين

reemaas يقول...

ربنا يخليك يافاروق وهم اكيد يستاهلوا اكتر من كده وان فيهم حد انت لسه ماتابعتوش نصيحة بجد تابعهم هتستمع جدااااااااا بوقتك معاهم

reemaas يقول...

والله ياهبة مافى فى كلامى ادنى نوع من لمجاملات بجد كله حقيقى جدا يعنى مش عاوزة اقولك كل مابسمع ناموسه بفتكرك
ههههههههههههههههههههههه

اسيره الاحزان يقول...

انا معاكى فى كل كلمه قولتيها على مدونه اسف على الازعاج بجد انا بلاقى حاجات كتير عايزه اقولها هو كاتبها ... وفعلا ياريت يكتب اكتر من كده

reemaas يقول...

منورانى يا اسيرة الاحزان وان شاء الله تيمو يسمع الكلام

سواح في ملك اللــــــــــــــــــه- يقول...

احسنتي الاختيار يابنوتة
لكن للاسف مقريتش منهم
غير شيرين وهبة
والاتنين علي مستوي عالي جدا
من الرقي والبراعة
تحيتي

ツSmiLeY AnGeLツ يقول...

حبيت كلامك عن اجمل مدونين
والله بجد لما تدخلي مدوناتهم
تحسي بحاله تانيه
تحسي انك تقرائي لناس عقولهم رزينه
وجميلة
مش كل المدونات الي ذكرتيهم اعرفهم
بس اغلبيتهم
روعة هي كتاباتهم
واحييك انت على حبك لهم واختيارك الجميل لاجمل مدونات
تقبلي مروري
سلامي لاجمل ريماس.

Unknown يقول...

نور الجميله دي أجمل كلمة برافو سمعتها و شهادة تقدير من بنوته مصريه رقيقه و قارئه متعمقه زيك بجد أنا اللي بشكرك من كل قلبي و يا رب دائماً أبقى عند حسن ظنك و على فكره أنا كمان بستنى بوستاتك بفارغ الصبر عشان بلاقي فيها كمية صدق و كلام من القلب
تحياتي الشديده لكي و بشكرك مره تانيه

reemaas يقول...

ايون يا خالد مانا عامله كده علشان تتابعوهم بجد جمال جدااااااااااااااااااا

reemaas يقول...

تسلمى يا رشا يا قمر وزى ماقولت لخالد ياريت تتابعيهم بجد مميزين جدا

reemaas يقول...

تسلمى ياشيرى بتشكرى على ايه يابنتى وربنا انا ما جاملت فى اى حرف ده فعلا رائ فيكم كلكم وربنا يديمها عليكم نعمه

Tamer Moghazy يقول...

يا ري..
يا ري..
والله ما عارف اقولك ايه على الكلام الحلو قوي ده..
(وش مكثوف)
وبعدين يا ريمو انا باختار ديما اللي باكتبه عشان باحترم اللي بيقرا ومش باكتب لمجرد اني ابقى باكتب وبس..
ولو على البوستات فا انا باكتب كتييير جدا بس فيه حاجات باخبيها في صندوق لفريدة لما تيجي عشانها هي وبسسس (';')

مساءك مسك وعنبر :)

reemaas يقول...

مساك احلى من السكر ياتيمو وده يابنى مش مجرد كلام حلو ده والله واقع

طيب ادينا حابه منها والله ياتيمو انا كمان حبيت فريدة
ههههههههههههههههههههه

Tamer Moghazy يقول...

انت كمان حبيت فريدة..؟؟
كده بقينا اتنين :)
يا خبر..!!
هو فيه حد اصلا ممكن مش يحب فريدة..؟
ده اذا كان انا حبيتها من غير ما اشوفها :)

عارفة يا ري..
فريدة دي حتة السكر اللي بتحلي مرارة الحياة :)

reemaas يقول...

ياسلام على التشبيه
حتة السكر اللى بتحلى مرارة الحياة

يارب تظهر بقى ياتيمو

د.ريان يقول...

صباحكم خير وطيبة

مدونة جميلة ورائعة

ツSmiLeY AnGeLツ يقول...

مبرووووووووووووووووووووووك عليك يامصر
مبرووووووووووووووووووووووك عليك ياشعب مصر
بكرة يوم جديد حياة جديده امل جديد
ربنا يحمي مصر وشعبها

reemaas يقول...

تسلم يا د ريان

reemaas يقول...

مبروك علينا يوم جديد يا رشا