الاثنين، 14 فبراير، 2011

رسالة الى.........................

طبعا مش عاوزة اقولكم وحشتونى ازاى وبعتذر عن الغيبة بس هى كانت غيبة للمتابعة وبينى وبينكم ماكنتش طالبه شدة اعصاب من النت كمان يعنى كفاية الاعلام والاحداث المتلاحقة وجدال مع الناس واختلاف اراء موال يعنى

مش هحكى معاكم فى اللى حصل اعتقد ان الكل حاكى فيه بما فيه الكفاية
بس انا حابة اوجه رسايل ممكن ماتوصلش لاصحابها  هبعتهالهم بردة 
                                            
                                              رسالة الى
الرئيس مبارك:
                         والله ههو فى كلام كتير حبة اقوله لحضرتك واسئلة كتير جدا كمان 
                 بس مش وقتها لما تهدى واهدى ونهدى كلنا بس دلوقتى حبة اقولك
                 ان اكيد فى اخطاء بس بردة فى حاجات جميلة وماحدش هيقدر يلغى
                  لا ده ولا ده وزى ماقولت التاريخ هيكتب اللى لينا واللى علينا
                 انت ياسيدى ستظل الرئيس الرابع لمصر مهما حاول البعض ان يمحى
                 وسيظل لك تاريخ مضئ شابه الاخطاء
التليفزيون المصرى: 
                ياراجل كنت فين وحشتنا يعنى الف حمدلله على سلامتك وياريت 
                 ماتربطش نفسك بنظام تانى صالح ام طالح وماتستغبناش
قناة دريم:

                   بحي كل اللى فيها سواء اختلفت معاهم او اتفقت كنتم صادقين 
                   ومحترمين وماتقلبتوش مع تقلب الاحداث
الحياة والمحور:
                حاجة تكسف الصراحةيعنى انتم ينطبق عليكم المثل معاهم معاهم
                      عليهم عليهم
مصطفى بكرى:
                       انت اكيد بتهرج صح؟يعنى انت مع مين بالظبط ليك كلام يوم 25
                       يناير وكلام يوم 28وياسبحان الله كلام تانى يوم 8 فبراير ويتغير 
                        يوم 10 فبراير ويتقلب راس على عقب يوم 11 فبراير
                        ماسك ورق على كل الناس طب كان فين الورق ده زمان
د:فتحى سرور:
                        رجل قانون عالمى يا دكتور ماحدش يقدر ينكر بس فلتت منك
                        اهو عز بيقولك التزوير مش عن طريق الحزب ده من الدولة
                        ههههههههههه
رشيد رشيد:
                      يارب التهم بتاعتك تطلع فشنك مش علشانك اد ماهى علشانى
                     اصل كلهم ممكن يتشك فيهم ياخى كان باين عليهم انت لا 
                      يعنى لو طلعت صح طب دى تتحسب ازاى بعد كده مش عارفة
النائب العام:
                       الله يكون فى عونك الصراحة
وائل غنيم:
                     احترامى ليك ولكل اللى ساهموا معاك اكيد بس يعنى حكاية اننا نشيل 
                     مبارك والسيدة سوزان من على المنشات دى طلعت اوت منك
                     ليه بقى اقولك انا علشان اولا ده مش وقته يعنى فى حاجات اهم
                     ثانيا علشان   ده مش هيمحى تاريخ يا ابنى وهيخليى الموضوع
                     من ثورة ضد نظام زى مابتقول لحاجات شخصية مع فرد
رابطة شباب 25 يناير
                       ظلمتكم لما اعتقدت انكم من ناديتم لمظاهرة مليونية الجمعه الجاية
                       وقولت بالنص اى العيال الخنكة دول"انا اسفة"
                        لما سمعتكم النهاردة فى المصرية وانتم بتقولوا مالناش دعوة بيها
                        قلت تمام بس ياريت توضحوا ده لان بجد طلعوها ده تهريج
الى من كنت معارضة لهم من اصحابى:
                          
                         الخلاف فى الرائ لا يفسد للود قضية احترم رائيكم واحترم
                        احترامكم لرائ كلنا فى الاخر بنحب بلدنا جدا وبندعى انها تبقى 
                          احسن بدعوا كل واحد زعل من واحد فينا بسبب انه احتد عليه 
                          وقت الازمة انه يعذر ويسامح واللى غلط يعتذر اهو اقله اتعالمنا
                          نحاور ونختلف
الى جميع اصحابى:
                             قلت ومازلت اكرر ان التغيير مش بس تغيير انظمة لا لازم احنا
                             نتغير من جوانا واعتقد ماعدش لينا حجة وماعدناش مقهورين
                              فى جروب او اتنين على الفيس بوك
                             مصر اولا و  المصرى الجديد
                              ياريت نشوفهم ونعرف بلدنا محتاجة منا ايه فى الفترة اللى 
                               جاية على ما المسؤلين يقوموا باللى عليهم
القوات المسلحة: 
                             الف تحية وشكر ليكم وفعلا انا فخورة انكم جيشى
                             لكم منى كل التقدير والاحترام

هناك 15 تعليقًا:

سواح في ملك الله- يقول...

نور البنوتة
تلغرافاتك جميلة ومختصرة
ولي ملاحظة واحدة بس
هي مش شخصنة امور ولا حاجة
القهر دائما مايرتبط باشخاص عندماترين
صورهم فانكي تتذكري ماعانيتيه وهذه فطرة
انسانية لادخل لنا فيها

مصطفى سيف يقول...

السلام عليكم
اولا الف مبروك لمصر والمصريين والازمة التي بدات تنفرج بما لها وما عليها
الآن نحن ودعنا عهد ونستقبل عهد جديد نتمنى ان نكون اهلا لذلك التغيير وعلى قدر المسئولية
اعجبتني رسالاتك واتفق معكي فيهم كلهم وبالاخص رسالتك لمصطفى بكري
منذ زمن الاحظ عليه انه يستخدم كلمته ليكسب مصالح شخصية لا اكثر من ذلك
تحياتي وتقديري

faroukfahmy58 يقول...

اعجبتنى رسالاتك وخاصة لما وجه الى رشيد رشيد اشك معك فى خراب نزاهته وزلة مقصده

reemaas يقول...

ماهو ده كمان يا خالد لازم يتغير او لو هنشخصنها يبقى نقول زى ما حسب الله الكفراوى ماقال اول 17 عام من حكمه كان من انزه الزعماء وما ادخل من بطانة زى صفوت الشريف هو اللى خرب بمعنى نشخصن لو دى الفطرة بس فى الجانبين السلبى والايجابى

reemaas يقول...

اه يامصطفى ده راجل غريب فعلا
بس سيبك عجبنى انس الفى لما قاله انا استقلت من الوزارة وفضتلك وبكرة هيبقى عند النائب العام طلب تحقيق فى من اين لمصطفى بكرى هذا
هههههههههههههههههههههههه
ربك بيسلط ناس على ناس

reemaas يقول...

اه يا فاروق الراجل ده كان بيقدم مشاريع فى مجلس الشعب وبتترفض وهى كلها خير طب ازاى ده يتفق مع الفساد
ربنا قادر يظهر الحق

wn يقول...

ريمووووو نشخصنها مانشخصنهاش

مصطفى منافق مش منافش

رشيد كويس ولا مش كويس

المهم ان مصر دخلت عصر جديد وشدا وراها العالم العربى كله وأتمنى ان العصر ده يكون العصر الذهبى للأمه العربيه وتفضل نظرة العالم لينا زى ماهيا لمصر الوقتى كلها رهبه وانبهار

reemaas يقول...

اه طبعا ده مهم جدا جدايا wn بسده مش هيكمل الا لما نبقى صرحاء جدا مع نفسنا ونعرف مين بينافق ونفهم ده ونصلح تصرفات سلبيه كتير جوانا تغيير النظام دى خطوة اولى

هبة فاروق يقول...

انا داخلة اقولك وحشتينى ووحشنى كلامك ومبروك علينا الثورة
متفقة مع رسايلك لكن مبارك اصبح رمز لا نريد الحديث عنة فمهما قدم من اشياء للبلد فهو قدم ايضا نخبة من الفساد لشعبة للاسف لم اتعاطف معة وخاصا بعد رؤيتى لصور الشهداء رحمهم الله
تحياتى لاجمل نور

Ahmed Sabry يقول...
أزال المؤلف هذا التعليق.
Ahmed Sabry يقول...

في الاول بقول الف مبروك لمصر والمصريين
تاني حاجه وهيه :
يا اختي العازيزه يمكن انا من الناس الي حصل بني وبنك اختلف ونقاش حد بس كنت سعيد بي ده ممكن اننا اختلفنا بس ده عمري مقدر ازعل منك ده حاجه و تاني حاجه واني كلامك ده جميل بجدا اوي وانا سعيد انك طلعتي كل الي جواكي بي كلمات حلوه وفي كل كلامك على مصر والمصرين انا معاكي في كده لازم الاول نغير من نفسنا اوكى
وكمان مش عايزين نكلم على حاجه فاتت الي ربنه كتبه لي اي حد كان كويس مع مصر او كان وحش ربنه هو عارف هو عمل ايه بس
انا مش زعلان منك وياريت انتي كمان لو انا زعلتك في حاجه حقك عليا
وتحياتي

شيرين سامي يقول...

ريماس وحشتيني البلوجر نور يا قمر و مصر حره و أنا بعيش أسع أيامي بجد
كلامك كله عجبني أوي و افكره تحفه بس يمكن أنا محسيتش ان الحياه كانت مع النظام أوي يعني كانت محايده شويه و رشيد نفسي يطلع برئ أنا كمان كنت بتطمنله و الجيش طبعاً ستاهل أجمل تحيه و كل الحب و الاحترام.
شكراً يا نور على الموضوع الرائع و الرسائل الجميله اللي رجعت بيها و حمد لله على سلامتك

reemaas يقول...

انتى كمان وحشانى كتييييييييييير يا هوبا وعارفه ان كتير مش هيتفق معايا فى النقطة دى يابنتى ده كان فيه خناقات بسببها
هههههههههههه
بس فعلا التاريخ هيبين كل حاجة

reemaas يقول...

هههههههههههه
ايون يا احمد فعلا انا احتديت عليك حقك عليا ياسيدى
وربنا ابدا مايجيب زعل

reemaas يقول...

انتى كمان وحشانى جداااااااااااااا ياشيرى
يارب الايام الجايه تكون اسعد واجمل