اتخض ونيس لما جاله حالة طلاق الزوج فيها عاوز يطلق مراته علشان اتغيرت بعد الجواز .. مش هى دى اللى اتقدملها وطلب اديها واتجوزها..التانية كانت واخدة بالها من نفسها وكانت ابيض من كده وعنيها لونها غير كده وحاجات تانية كتير بقى ..
ونيس اتخض .. خاف لنادر خطيب هدى بنته يعمل معاها نفس الحركة
جابهم ادامه وخلا هدى تلبس لبس بيت مبهدل وتنكش شعرها.. وبردو خلا نادر يلبس بنطلون بيجامة كستور وفانلة وينكش شعره وحاطهم ادام بعض وقالهم ده هيبقى شكلكوا وانتم صاحيين من النوم او بعد يوم شغل شاق برا البيت او جواه
وبعدين قعدهم على كنبه واحدة وقالهم كل واحد فيكم يشم رجل التانى ويتنفس فى وشه ..
ها .. بعد اللى شفتوه ده لسه مستعدين تكملوا مع بعض؟
بغض النظر.. النظرية صح
مش ديما هتلاقى شريك حياتك بعد الجواز متلمع زى الخطوبة
ومش هيفضل على حاله الحد السامبتيك الرشيق .. ممكن يبقى مرهق او مكتئب او يتخن او يخس او يتغير شكله الخارجى لاى سبب وتحت اى ضغط
اسأل نفسك السؤال اللى ونيس سأله ..
حابب تكمل؟
هناك تعليق واحد:
الزواج علاقة ود ورحمة وحب وتسامح وتكامل
أى هدف تانى للزواج الزواج بيموت معاه بسرعه
لا هى هتفضل شباب ولا هو هيفضل أنيق
المهم الروح الطيبه
أنا إنه يكمل أو لا فممكن فوق التغيرات الجسدية تظهر تغيرات فى طباع الشخص مكنش بيظهرها وقت الخطوبة ووقتها أكيد مش هيكمل لأنه تغير فى الجوهر الداخلى مش الخارجى بس
لو واحد أو واحده عنده استعداد يكمل مع شريك حياته حتى لو إتحرق جسمه خالص أكيد هيكمل بعد كده لأى سبب
إرسال تعليق