الجمعة، 6 مارس، 2015

# حلم







أصحى الصبح على 6 ونص علشان اجهز والحق شغلى الحكومى اللى بيبدأ 8..

الدنيا زحمة والخلق كتير بس المرور ماشى والناس مستحملة بعضها ..

اوصل شغلى فى معادى وامضى فى دفتر الحضور بايدى وامنح مسؤول الدفتر ابتسامة صباحية ردا على ابتسامته الودودة..

اجلس على مكتبى فى غرفة جيدة التهوية وابدأ فى ممارسة عملى باخلاص واثقة ان عملى هذا مفيد لبلدى واقدم به خدمة للناس..

انصرف فى معادى بالدقيقة وامضى فى دفتر الانصراف برده بايدى..

هكذا كل يوم حتى أصل لاخر يوم فى الشهر.. موعد صرف الراتب..

اخد مرتبى المحترم الذى يوفر لى عيشة كريمة .. اخده كله على بعضه مش متجزء حسب اسمارات القبض والكلام الفارغ اللى كان بيحصل زمان ده..

اخد مرتبى وانا راضية عن نفسى .. اشعر انه يكفينى وانى اشتغلت بايه .. والغى من قاموسى تماما كلمة على اد فلوسهم..

أُجد فى عملى اكتر حتى اترقى فى شغلى .. فالترقية ببلادى ليست بالاقدمية ولا بالسن ... لا لا.. دى بالعمل والشغل والانجاز ..

استيقظ من حلمى السعيد واتلفت حولى بجذع..

انا فين؟!!

هناك 4 تعليقات:

Gamal Abu El-ezz يقول...

أهلا بيك على ارض الواقع
بس تعرفى الحلم ده تقريبا عند غالبية الشباب بس فيه البعض بيقى عنده زيادات والمشكله كلما زادت الإحتياجات زاد الطلب على العمله الى هو المرتب الكبير الى بيقبض 100 جنيه عايز 200 والى بيقبض 1000 عايز 2000 وهكذا الغنسان بيتنقل من مستوى لمستوى بيحتاج أكتر بس ميزة الحلم إنك بتقبضى الى يكفيكى ولو خلص بتعدى الشهر بسرعه مهو حلم ههههههه

ربنا يجعل أحلامك حقيقة سعيدة

momken يقول...

كل ده كويس
بس السؤال الحياه بتبدأ عندك امتى ؟
احنا بنشتغل علشان نعيش كويس
مش بنشتغل علشان البلد ولا علشان تحقيق الذات

( مفهمتش يعنى ايه بامضى بايدى - الحضور والانصراف - هو فى احتمال تانى


تحياتى

reemaas يقول...

momken

ايوة مانا ماعترضش انا قلت انك بتاخد مرتب يعيشك حياة كريمة فانت كده هتعيش والبلد تلاقى ناتج من شغلك بدل ماحنا عندنا كادر وظيفى العدد فيه مشاء الله ومافيش انتاج والكل مابيصدق يهرب علشان يشتغل برا شغل يجيبله فلوس

موضوع الامضا ده انا لمساه فى وزارة الصحة والتعليم ناس تروح يومين والباقى بيتمضالها قصاد تنازلات معينة على حسب بقى

محمد سلامة يقول...

الواقع بقى
تشتغل بزمة يتحط عليك كل المسئولية
بدون مقابل
تغلط لكثرة المسئوليات وتتسجن
والتانى فى الطراوة :)
تحياتى