كل ما بنكبر وتعدى بينا السنين كل ما بتزيد مخاوفنا.. احساسنا بالخوف من كل شئ ومن اى شئ بيكبر وبنكبر..
كنت بروى زرع النهاردة واذ بدبور صغير واقف على وردة.. بدأت اهش فيه علشان يطير.. كنت خايفة منه ! .. افتكرت وانا صغيرة كنت بجرى على الدبور الصغير وامسكه عادى.. ماكنتش بخاف من حاجة
دلوقتى بخاف من الفراشة .. من الدبور .. من العصفور.. من الناس.. من اللى عدا.. من اللى جاى.. من الاحلام لما تجيش ولو جت ماتتحققش او تضيع.. بخاف على الفرحة لا متستمرش.. بخاف على اللى فى ايدى ليروح..بخاف من الامل ..بخاف من العمر..
واحنا صغيرين مافيش خوف من اى حاجة.. يارتنا فضلنا صغيرين
واحنا صغيرين مافيش خوف من اى حاجة.. يارتنا فضلنا صغيرين
هناك تعليق واحد:
أنا زيك تمامًا .. تقريبًا عندي فوبيا إسمها "بكره" .. بس لما بوصل للدرجة دي بفتكر إننا أقويا وزي ماقدرنا نتكيف مع النهاردة بمشاكله .. هنقدر نواجه بكره بكل ما فيه .. عيشي النهارده وبس يانوري لأنه كل ما نملك :)
إرسال تعليق