الاثنين، 25 أغسطس 2014

مع نفسى 29








كل شوية بعيد ترتيب قايمة احلامى والحاجات اللى نفسى اعملها واللى بقى عندى شريك  بحلم احققها معاه ..

. نفسى اتعلم سواقة جدا
.نفسى يبقى عندى شقة ولا حتى ستدويو صغير فى اى مدينة فيها بحر
.نفسى اخد اجازة من شغلى واسافر اسكندرية او شرم 
.نفسى اروح تركيا ولبنان وايطاليا وفرنسا الاربع بلاد دول  نفسى يكون ليا ذكريات فيها
.نفسى اركب عجل
.نفسى اتعلم اركب خيل
.نفسى اتعلم العب بيانو وقانون جداا
.نفسى اخلص كل الكتب اللى عندى سواء pdf او ورق
.نفسى اقدم برنامج فى اذاعة نجوم fm
.نفسى اتعلم سباحة
.نفسى ابقى كويسة جدا فى الانجليزى  قراية ونطق زى اهلها
.نفسى اشتغل شغلانة جديدة غير شغلى وليكن مثلا مصممة ازياء
.نفسى اعمل عمرة او احج
.نفسى اصطاد سمك
.نفسى اتعلم التصوير صح واجيب كاميرا كويسة كده وبنت ناس وامارس الهواية دى بقى
.نفسى اواظب على صلاة الفجر حاضر صيف وشتا مش صيف بس
.نفسى يبقى عندى اولاد  جداااااااااااااااااااااااااااااا
.نفسى ادرب نفسى ابقى اهدى  وعصبيتى تقل


ياسلام بقى لو اتحقق دول باقى السنة دى والسنة الجاية مثلا  تبقى فلة ^_^

هناك 4 تعليقات:

النسر المهاجر يقول...

قايمة أمنيات جميله بس ممكن تحقيقها لو حاولتى تتعلمى كل حاجه على حده ومع الممارسه هتتقنيها
وأتمنى أن تصلى الى كل ما تتمنى
تحياتى

ابراهيم رزق يقول...

احلمى
ربنا يحقق كل احلامك و على فكرة كلها احلام مشروعة و ممكن تحقيقها
و حتى لو متحققش بعضها يكفيكى انك تحلمى و على راى جاهين
نا اللى بالامر المحال اغتوى ..
شفت القمر نطيت لفوق ف الهوى
طلته مطلتوش ايه انا يهمنى؟ .. و ليه؟
مادام قلبى بالنشوة ارتوى ...
و عجبى
ايه يهمك مادام قلبك بالحلم ارتوى

Amal A.Elmoneam يقول...

الله حلوة اووووووى الأحلام دى ربنا يحققلك كل أحلامك ياااااارب ....

Do3aa El_attar يقول...

هييييييييح

في أحلام كتيرة مشتركة بينا :)

احلمي ي نوري وافتكري ان منير قال "وجايز يبقى الحلم اتنين ونحققهم قبل دقايق" ^^