الخميس، 31 يوليو 2014

the proposal






على عكسك لو تفتكر كنت ديما بفكر فى تفاصيل اليوم ده..

كنت ديما تقولى ماتفكريش فيها علشان تبقى مفجأة..

 ما قدرتش الصراحة.. تخيلت كل تفصيلة .. تخيلت شكلى بالفستان اللى كان نفسك تعرف شكله وانا ماردتش :)
تخيلت شكلك بالبدلة .. تخيلت وانت بتلبسنى الدبلة..
 تخيلت نظرات الناس لينا..
تخيلت حتى نظرتك ليا ..
تخيلت فرحتى.. تخيلت ضحكتى
تخيلت فرحة الناس وحتى الناس المتغاظين تخيلت شكلهم..
 تخيلت كل حاجة .. وكانت حلوة اوى

بس المفجأة بقى ان كل حاجة كانت احلى مليون مرة من اللى تخيلته..
كل تفصيلة ماكنتش تشبه اللى فى دماغى غير فى الاسم بس

نظرتك ليا كانت حلوة اوى
احلى بوكيه ورد فى الدنيا جبتهولى..
فرحتى كانت تساع العالم كله..
فرحة الناس كانت كبيرة اوى.. وماشفتش اصلا الناس اللى مش فرحانين..
كان نفسى تسمع دقات قلبى وانت بتلبسنى الدبلة..
 ضحكة عيونك كانت منورة الدنيا كلها..
وضحكتى انا بقى كانت مرسومة فى قلبى قبل ملامحى..
بحبك ..
 
 

هناك 8 تعليقات:

P A S H A يقول...

ألف ألف مليون مبروك يا دكتورة وربنا يتمم بخير إن شاء الله
:))
ألف ألف مليون مبروك يا عريس
:))
خالص تحياتنا

نهر الحب يقول...

ربنا يفرح قلبكوا ويحميكوا ويسعدكم ديما امين يا رب
ابقي اعملي الفرح هنا بقي ف اسكندرية
:)))))))))

بحبك

Bent Men ElZman Da !! يقول...

فرحانة ليكِ أوووووي
ومتخيلة شكلك زي القمر رغم إني مش شوفتك
وعاجبني أوي فستانك اللي شايفة منه كام حته كدة
ربنا يسعدك ويكملك علي خير يااارب <3

reemaas يقول...

P A S H A

الله يبارك فيك يا باشا تسلم :)

reemaas يقول...

نهر الحب

يااااااااااريت يا سهاد والله نفسى فى كده

reemaas يقول...

Bent Men ElZman Da !!

تسلميلى يا دينا هيجى يوم واورهولك ان شاء الله :)

E73 يقول...

ريمي..............

لالالا بجد؟!!!!

ألف مبرووووووووووووووووك ربنا يتمملكم على خير يا رب ونسمع قريبا زغرودة الزفاف

reemaas يقول...

E73

تسلميلى يااااااااارب :)