الأربعاء، 5 فبراير 2014

يوم من العمر :)





اول مرة فى حياتى اروح معرض الكتاب  تبقى هى اول مرة برده فى حياتى اعمل حفل توقيع.. وتصادف انه يكون حفل توقيع معطف من القيود وده اقرب الكتب الجماعية اللى شاركت فيها لقبى  لانى اشتركت فى الفكرة وشاركت فى التحضير والتجميع وفى الحلم بيه فحساه مختلف عن اى كتاب جماعى تانى..
وتكون بردو اول مرة اشوف فيها ناس اعرفهم من سنين.. الجمييييله دعاء العطار  اخيييرا يا دودو اتقابلنا انا مش مصدقة اصلا اصلا :).. اه بس لو كنتى جيتى بدرى كنا عملنا شغل رائع

 ابو زياد(ابراهيم رزق) واولاده زياد وساليناز.. وخالد(سواح فى ملك الله) وشيرين سامى  اللى فرحت بيها وبكتابها وبالاهداء اللى كتبتهولى عليه وكنت اول حد تقريبا تكتبله اهداءها الجديد اليوم ده :).. اسامة ناصر والرائعة شمس النهار اللى ادتنى شيكولاتاية من اروع ما يكون :)
الدكتورصابر عبد القادر واولاده الجمال جدا ربنا يحميهم
كان يوم فيه كل حاجة بعملها لاول مرة وده كان احد اسرار حلاوته
كنت فرحانة من قلبى بجد وميرسى جدا لكل اللى شرفونا وخصوصا جوجو ورامى واسامة الازهرى اللى حساه تعب معانا من اول الانفتيشن :)
مصطفى سيف .. كان نفسى تحضر جدااااااااا .. انت الوحيد تقريبا اللى كلنا كتبنالك اهداء على كتابك بالرغم من انك شريك اساسى فيه :)

طب بالزمة كل الحاجات الحلوة دى مش تخلى اليوم ده يتحفر فى ذاكرتى ^_^
 

هناك 7 تعليقات:

غير معرف يقول...

ربنا يحلى كل ايامك

ابراهيم رزق يقول...

اليوم كان جميل بيكى
و بكل الموجودين
يا نووووووووووووور

Tamer Moghazy يقول...

مبروك يا نور.
ويارب تحققي كل احلامك ديما :)

النسر المهاجر يقول...

ألف مبروك توقيع الكتاب
وربنا يجعل أيامك كلها سعيدة

شمس النهار يقول...

اليوم كان رائع جداااا بس ماعرفتش اقعد معاكي خااااالص
بس لازم ان شاء الله اشوفك تاني واقعد معاكي ولو عملتي حفل توقيع عندك في المنصورة ان شاء الله هاجي :)

سواح في ملك اللــــــــــــــــــه- يقول...

مبرووووووك يابنوتة للكتاب

سعدت جدااا بالتعرف عليكي

ويالا بقي شدي حيلك

عااوزين نحضر حفل توقيع كتابك

تحيتي لاطيب بنوتة

sendbad يقول...

مبروك ومن نجاح الي نجاح ان شاء الله
وان شاء الله حاجات حلوة كتير تتحفر في الذاكرة
تقبلي مروري
سندباد