السبت، 8 فبراير، 2014

#الاحلام







# الأحلام


مش هى خالص لقطات الافلام اللى بتجيلك وانت نايم.. لا بتاتا وخصوصا معايا لانها فى الغالب بتبقى افلام اكشن مابقتش بحاول افكر فيها .. ولا بفتكرها اصلا ده لو حلمت من الاساس

الحلم عندى فكرة مجنونة تطق فى بالى مرة واحدة وماتكنش فى حساباتى..
أمل فى حاجة مش عارفة احققها دلوقتى لاى اسباب وابقى عاوزة احققها..
اللحظات اللى تغمض عينك وسط زحمة اليوم ومشاكله وضغوطاته وتلاقيها نطت ادام عنيك ولو لثوانى علشان ترسم ابتسامة على وشك وتخليك تقدر تكمل اللى انت فيه ده..
حلمك ده ممكن يكون مكان نفسك تروحه او حاجة نفسك تملكها او احساس نفسك تعيشه او انسان نفسك تبقى معاه ..او حتى كل دول مع بعض..
حلمك ده لو عرف يرسم على وشك الابتسامة اللى قلت عليها يبقى حلم صح جدا حاول على اد ماتقدر تحققه..
ولو ماتحققش لاى سبب (خارج عن ارادتك ) اوعى تخليه هم شايل همه وهم انك ماحققتوش.. اوعى تشوهه كده
خليه زى ماهو حلم .. اعمل اللى عليك وخلى الباقى على ربنا
ويكفيه شرفا ان فرحك فى لحظة من اللحظات 

هناك 4 تعليقات:

Amal A.Elmoneam يقول...

ولو ماتحققش لاى سبب (خارج عن ارادتك ) اوعى تخليه هم شايل همه وهم انك ماحققتوش.. اوعى تشوهه كده
جامده يا نور

نيللي علي يقول...

جميل كلمات عن الحلم..

الحلم إبتسامة ..وأكبر غلط أننا نحوله لهم كبير..

جميل نور:)

نيللي علي يقول...

كلام عن الحلم ..خلني إبتسم:)

doaa elattar يقول...

صح جدا يانوري .. الحلم المفروض انه البلسم في الحياة .. مش ناقصين هموم عشان احلامنا كمان نحولها لهموم .. عجبتني الفكرة :)