الخميس، 12 سبتمبر، 2013

عنها .. 7









قالتله .. انا مخنوقة اوى 
قالها .. من ايه بس !
قالتله من المجتمع.. خانقنى ومكتفنى .. مش عارفة اعمل اى حاجة.. لا عارفة اسافر فى مكان احبه وقت ما احب.. ولا عارفة اتحرك ولا حتى افكر بصوت عالى فى اى حاجة تخطر فى دماغى.. ديما فيه اصول وقواعد ونظرة ناس بتحجمنى ولازم اعمل حسابها.. نظرة بتوقفنى مكانى!!

قالها : ممكن.. انتى بنت وطبيعى فى مجتمعنا فيه قيود على البنت..  بس القيود دى مش مصدرها الناس بس.. لو عاوزة الحقيقة انتى كمان مصدر  للقيود دى.. انتى كمان هماكى نظرة الناس وبتعمللها حساب وعاوزة تكونى فى نظرهم مثال التربية الاخلاق وبمقاييسهم.. 
انت كمان من الناس..
على اد ماهم مكتفينك وبيشدوا الحبل انتى بتشدى الطرف التانى. !
 

هناك 16 تعليقًا:

Gamal Abu El-ezz يقول...

الأخلاق والإحترام مفروض للولد والبنت
وإن كان المجتمع عنده فكره ان الولد اقل تضرر من البنت بس ده احتمال نسبى

شكرا على موضوعك الجميل والنقطه الى لمستيها والى بتعتبر مشكله احيانا كثيره

P A S H A يقول...

هو سؤال ممكن ما يكونش ليه علاقة بالبوست .. الأمورة اللي في الصورة ؛ رايحة ولا جاية ؟؟ يعني ده وشها اللي في وشنا ولا قفاها لا موأخذة ؟؟
أنا بصراحة مش عارف أحدد اتجاهها !! هي أصلها واقفة متطبقة :D
بس بالنظر لبوز الشوز والرُكب يبقى وشها لينا .. إنما شعرها ودراعاتها بيقولوا إنها باصة الناحية التانية !!
البت دي مخاوية يا دكتورة !!
ممكن تكون توأم ملتصق بالعرض D:
أفيدونا
:))

لاشئ يقول...

مدونه جميله

sun of free dom يقول...

فعلا كلنا بنضايق من كلام الناس .. وبنضايق الناس من كلامنا

reemaas يقول...

Gamal Abu El-ezz

هو فعلا انا شيفاها كده بس المجتمع مخلى الحريات عند الولد حريات وعند البنت قلة ادب

reemaas يقول...

P A S H A

ههههههههههههههههههههههههه ده فى صلب الموضوع على فكرة
هو ده وشها حضرتك والمجتمع سبتها مكانها كده لا تعرف رايحة ولا جاية ;)

reemaas يقول...

لاشئ

تسلمى :)

reemaas يقول...

sun of free dom

(Y)

mahmoud khalaf يقول...

يارب الحبل يتقطع ونخلص بقى

ابراهيم رزق يقول...

بصى يا نوووووووووووووور

لازم نكون احنا

غير كده بتبقى امراض نفسية بالهبل

بس خلاص

AhMeD RaDy يقول...

مش عارف ... مش لاقى حاجة اعلق بها ... اقولك ... البوست حلو .. بس فى حاجة مهمة المفروض تتقال .. اممممممم تقريبا .. احنا مش فاهمين الحرية .. فى خط فاصل .. فى وهم معين مرسوم فينا .. فى حاجة غلط قى قوالب الفكرة اساسا ... احنا المفروض نموت لان فات وقت تعديل الافكار !

reemaas يقول...

mahmoud khalaf

:)

reemaas يقول...

ابراهيم رزق

مانا عمالة اقول كده

reemaas يقول...

AhMeD RaDy

الحدود الفاصلة عندنا مضروبة من زمان على فكرة

doaa elattar يقول...

ريمووووو

الفكرة فعلاً إننا إحنا اللي بنعمل لكلام الناس قيمة رغم إنك متأكدة إنك عمرك ما هتقدري ترضي حد ... إذًا فليذهب العالم للجحيم طالما انتي صح :)

reemaas يقول...

doaa elattar
ماهو المشكلة انه مش راضى يذهب للجحيم هو .. لازق ومتبت