*كتير بحس ان كلامى محتاج محامى يدافع عنه.. لما بكتب عن الحب او عن اى احساس تانى الناس بتفتكر انى عايشة حالته.. اه صحيح ان الواحد بيعبر عن احساسه بالكلام بس مش شرط ديما يكون كده ممكن اكتب عن الحب وانا مابحبش عادى ممكن اكتب عن الخيانة او الفراق وانا ماحصليش كده المشكلة دى بدأت احس بيها لما ناس قريبين منى بدأوا يتعاملوا على اساس انى مخبية عنهم اخبارى...
حسيت وقتها انى محتاجة محامى!!
********
* انا نفسى اطير.. نفسى اطير قوى.. لما قلت كده لصاحبتى قالتلى خالى بالك لتقعى ..
بقيت عاوزة اضربها وقتها..
يابنتى يا حبيبتى الحقائق العلمية على عينى وراسى بس لازم حبة خيال علشان حياتنا ماتبقاش زى الارض الناشفة المشققة..
وبالتالى انا عاوزة اطير واللى هيقولى حاسبى تقعى هزعله !!
**********
بما انى بحب الشيكولاتة اوى وبتحسنلى مودى بشكل خرافى .. فانا نفسى اكل شيكولاتة دلوقتى..
بس مش اى شيكولاتة لا... الشيكولاتة اللى كانت موجودة زمان دى .. اللى هى لما تيجى تفتحها تلاقى جواها ورقة صغيرة فيه حكمة او نصيحة ليه
اهو انا عاوزة واحدة منهم دلوقتى !!
**************
سمعت مرة انك لو اتخنقت مرة واحدة كده بدون سبب يبقى فيه حاجة صغننة اوى حصلت لدرجة انك مش واخد بالك منها وزعلتك ..عمالة انا انكش عنها ومش عارفة الاقيها..
شكلى محتاجة عدسة مكبرة!
هناك 14 تعليقًا:
قدرتك على التعبير عن احساسيس رغم انك مش بتعيشها بيدل على انك عندك قدرة على التعاطف مع الاخرين وحبك للخيال كمان حاجة جميلة واحنا مجتاجين الخيال في الزمن ده جدا
تحياتي ليكي
إكتبى الى تحبيه ومش مهم الناس تفهمه إزاى يعنى اعملى زى الرسام السريالى بيشخبط وكل واحد يفهم اللوحة زى مهو عايز المهم تكونى عارفه انتى رسمتى ايه
تحياتى لكى
بالنسبة لأخر سطرين ممكن تكون الحاجة اللى تخنق كبيرة أوى لدرجة ان احنا مش قادرين نجمع أطرافها فمش شايفينها
بس تدوينة روعة
فارس احلامي حبيب قلبي وحبيب ايامي عايزاك تفهمني وتحقق صورة احلامي تعاملني بقسوة وحنية تجرحني وتداري علييا ونقضي ساعات في الملاغية زي الافلام الغراميةعايزا حياتنا تكون مشحونة عواطف جد وهزل ورعد وبرق وريح وعواصف عايزا احس بحب صاغي نور ونار حب مالي فراغي ليل نهار وساعتها حاقول انت حبيبي فارس احلامي وحبيب ايامي انا عايزة الناس يتكلموا عنك يشاورو عليك ويخافوا منك واسمع عنك الف مغامرة والف حكاية كل مغامرة يكتبو عنها الف رواية تسهر الامل وتضيع الملل وتخلي كل يوم وياك شهر عسل وساعتها حاقول انت حبيبي فارس احلامي حبيب قلبي وحبيب ايامي ياحبيب ايامي يا حبيب احلاميانا مش بقولك الكلام دة يعني بهرب من حياتي دانت حب عمري واحلي ذكرياتي اناوياك علي عهدي وحيات حبك عندي بس حاحبك اكتر لو حتفهم قصدي وساعتها حاقول انت حيبي انت حبيبي فارس احلامي حبيب قلبي وحبيب ايامي
مش عارف يا نووووووووووووووور
العبقرى حسين السيد لما كتب الاغنية دى لشادية من 50 سنة حاسس انه بيعبر عن كل اغلب البنات المصرية الحالمة
ممكن ميكنش ليه علاقة بالبوست بس انا حاسس انه بيكمله
تحياتى
نور البنوتة الرقيقة البريئة
مااجمل ان يعيش الآنسان علي فطرته
الجميلة
وأنتي كذلك فحافظي عليها ولاتلوثيها
بمشاكل الدنيا
فأروع مافيكي فطرتك البريئة
تحيتي لآطيب نور
سمعت مرة انك لو اتخنقت مرة واحدة كده بدون سبب يبقى فيه حاجة صغننة اوى حصلت لدرجة انك مش واخد بالك منها وزعلتك ..عمالة انا انكش عنها ومش عارفة الاقيها..
شكلى محتاجة عدسة مكبرة!
المعلومة دي صحيحة اوووي ، انكشي كويس، لما انكش كويس الاقي الحاجة دي
ياسمين خليفة
تسلميلى على الراى الايجابى :)
Gamal Abu El-ezz
هحاول اعمل ده بصراحة مافيش قدامى حل تانى غلبت اشرح ومش مصدقين !
mahmoud khalaf
عجبتنى الفكرة :)
ابراهيم رزق
انا عن نفسى عاوزة من ده وشايفة ان فيه علاقة بين الاغنية والبوست :)
سواح في ملك اللــــــــــــــــــه-
:) بتكسفنى ديما كدهون
زينب علي
انا ورااها والزمن طويل :)
الجزء بتاع نفسي اطير فكرتيني بالجزء في فيلم تايتانيك لما وقفوا علي اول المركب وحست انها طايرة
اندهي علي جاك بس
:D
جزء الشوكولاتة فكرتيني بفيلم موعد غرام
"قسمتك قدامك لا تتردد" وهي يطلعلها نفس المثل وتلاقي الراجل كاتب كلهم زي بعض
:D
نهر الحب
يا جااااااااااااااااااااااااااااك
انا بحب الغش وياريت يطلعوا زى بعض بس يجى جاك بس هههههههههههههههههه
إرسال تعليق