الناس نوعين..نوع ماشى فى الدنيا بيعافر فيها..تلطشله وبيعاند فيها لدرجة انه مش شايف تفاصيلها,شغلاه تفاصيله هو اكتر..
ونوع تانى زى حلاتى راكب قطر او عربية على حسب ريتم حياته وبيتفرج على الدنيا من شباكها بيتابع تفاصيلها ومبهور بيها ونفسه ينزل يعيش زى اللى عايشيين بس خايف..خايف يبقى جوة الصورة
******************
احساس غريب لما تكون فرحان علشان المفروض تبقى فرحان,متفائل علشان الكل بيقولك المفروض تبقى متفائل..بتحلم علشان فيه حلم ادامك والمفروض تكمله تيجى تدخله تحس ان هو حلمك العنوان بيقول كده بس التفاصيل مش تفاصيلك مش عارف تتعرف عليها..فيه شبه اه بس مش تفاصيلك
*****************
هناك 25 تعليقًا:
انا مثلك يانور احب اتفرج من بعيد على الاحداث وشعورى اننى بعيدا عن مشاكلها وللاسف هذا الشعوربالبعد لا يستمر كثيرا وطبيعيا يقترب صداهامن دائرتى ولا استطيع عنه فكاكا ولا تراجعا واجد نفسى اخيرا مع من شعرت باننى بعيدا
الفاروق
صلى على النبى
زيدى النبى صلاه
كمان مرة زيدى النبى صلاه
الجلوس على مقاعد المتفرجين اكثر راحة لكن المجد والشهرة والتصفيق من نصيب الواقفين على المسرح
دائما جمال الحلم فى عدم تحقيقه لانه ان تحقق اصبح واقع واصبح لزاما علينا نحلم بحلم جديد
تحياتى
اول حاجة مبسوطة عشان اخيرا عرفت اقرا:)
تاني حاجة بقا هتلاقي نوعين الناس دول ساعات بيبدلوا الادوار الحياة بتجبر اللي بيتفرج يدخل ف الصورة و اللي في الصورة يطلع يتفرج
انا بحب اتفرج ممكن اكون خايفة ادخل جوا بس الحياة بتجبرني ادخل غصم و اقتدار :)
تحياتي
نور البلوجر الطيبة
انا كده برضه
استريح اكثر في مقعد المتفرج رغم
اجادتي قواعد اللعبة
اما بالنسبة للجزء الاخر مهما بحثتي
لازم تعرفي ان الكمال لله وحده
فلكل تجربة تخوضينها هناك شيئا ينقص
الخوف ... مشكلتي المؤرقه
خوف من كل التجارب عاوزه حد يزؤني عشان اجرب
بفضل اعيش حياه تقليديه وبتمنى المخاطر
جميله ياا نور :)
عندك حق بس انتي شيفه نفسك ايه من الحجات ده ؟
انا بحب اتفرج وليا حياتي بي مشكلها وحلوها اها بتشغلني سعات الدنيا ده بس فيها حجات كتير بتزعل اوي والحلو فيها مش كتير سعات اقول مش مهم بس في حجات صعب اني اقول مش مهم ﻻزم يكون ليا فيها دور بس
تسلم ايدك يا دكتورة
ريمى..
بتحصل في احسن العائلات يا اختي
والرد الورتيني اللي هيجيلك زي الصدى
وهو مين اللي بيلاقي حلمه زي ماهو متخيله :(
>_< حاجة تجيب حول يا اختي
خايف يدخل الصورة ولا خايف يدخل الحياةبس هو كده كده فى الصورة (الحياة)أماالتفاصيل فلازم ندخل من العنوان ما ينفعش نشوف التفاصيل من برة العنوان
بالتوفيق
الواحد ساعات بيكون متفرج وساعات بيتمنى أنه يشــارك فى الأحداث وساعات بيجبر على انه يشارك فعلا
وساعات برده بيجبر على انه يتفرج وبس.
وزى ما قلت فعلا الفرح بيكون مفروض علينا أحيانًا واللى يزعل أكثر لو إن أحلامنا هى كمان تفرض علينا وقتها مش ينفع نسميها أحلام :(
بمناسبة ان الواحد بيشوف الدنيا من ورا وسيلة المواصلات ! احب اقولك انا بشوفها من المترو كتييييييييييير وبحب اقف على الباب عشان خاطر كدا . بيكون احساس فعلا مختلف بجد !!
انا بقى بنزل اعافر في الدنيا وهي تعافر معايا لحد لما اتعب اركب في القطر واريح شويه واتفرج على اللي حواليا بس مش بعرف احس بالراحه بنزل واكمل تاني
تحياتي
خايف يبقى جوة الصورة
هى دى
:)
faroukfahmy58
:) ياريت بادينا نبعد ديما
ابراهيم رزق
عليه افضل الصلاة والسلام
عجبتنى حكاية المجد دى مغرية على فكرة :)
افكار مبعثرة
مانا حاسة انى محتاجة ابقى مرغمه :)
مبسوطة انك عرفتى
سواح في ملك اللــــــــــــــــــه-
نفسى اجيدها بصراحة
Amira Yusuf ي
شوفيلى حد يزق معاكى
غير معرف
طالما عايشها كده ومبسوط يبقى تمام
E73
انا مابحبش الرد ده بيحسسنى اننا بنلف فى الفاضى
غير معرف
ماهى ماينفعش دى اللى مش عارفة ليه مش بتطبق عليا
habiba ي
صح كل ده صح متعب بس صح
AhMeD RaDy
كنت بعمل كده مع القطر وخصوصا حكاية الباب دى بس بطلت قطورات بصراحة اامن
eng_semsem
بحييك جدا على ده على فكرة
nesma hatem
ودى مشكلة
لازم تنطبق عليكي يا نور لان دى حاجة مكتسبة مش جبرية يعنى منطق وزى ما بيعرفوا المنطق يعنى قواعد التفكير الصحيح
بالتوفيق
إرسال تعليق