السبت، 5 يناير 2013

مع نفسى 14





احيانا الواحد بياخد على حالة الحيرة اللى عاش فيها وقت طويل لدرجة انه لما يصادف حالة استقرار..بيحتاس بيها!!..بيخاف منها..وبياخد وقت على مايتعود عليها..
المهم تصبر هى عليه بقى!
**************

من اصعب الحاجات انك تبقى مفروض تاخد قرار اقف ولا امشى؟..افضل زى مانا ولا اتحرك؟!..
انا كده كويسة..طيب لو غيرت كده ده هفضل كويسة ؟ ولا هبقى احسن؟ ولا هخسر؟
وكتير كتير من علامات الاستفهام!!
 علشان اعرف اجابتها لازم  اقرر الاول...صعبة اوى بجد

هناك 31 تعليقًا:

AbEeR يقول...

صبآحكِ خير بنووته ،،

لابد و أن لكل منا مواقف مشابهه لتلك التي ذكرتها .. إن كانت الحيرة في أمور العمل مثلاً فلنختار ما يمليه علينا العقل .. و إن كانت الحيرة في مشاعرنا فنتبع القلب .. أما إن كنا نقف أمام أمور كبيرة ومصيريه وستحدد مسار بقية حياتنا فالأفضل أن نصلي صلاة الاستخاره .. وما خاب من طلب العون من الله .. وما اختاره الله لنا سيكون الأفضل حتماً

دمتِ بخير

...
عبير الكويت كانت هنا

هبة فاروق يقول...

اين انت يا نور حمد الله على السلامة الغياب طال وحشتينا يا جميل يبدو ان الحيرة هى من بعدتك عنا كل سنه وانت طيبه يا قمر ه

سواح في ملك اللــــــــــــــــــه- يقول...

اصعب الخطوات الخطوة الاولي يانور

عيبك يابنوتة انك سابقة زمانك

ابراهيم رزق يقول...

حمد الله على السلامة يا نوووووووووور

وحشتينى قوى بجد

-----------------------------------

جربى يا نور لازم تاخدى خبرة التجربة بالشكل ده مش هنتحرك و مش هنستفيد بالحياة
اكتسبى روح المغامرة و غوصى فى التجارب واكيد هتستفيدى سواء كانت التجربة سلبية او ايجابية

تحياتى

E73 يقول...

الموضوع معقد فعلا يا ريمى والمشكلمة بقى اني بمر بالحالة دي بقالي فترة طويلة وفكل مرة يحتدم الصراع تلاقيني اخترت القصور الذاتي او البقاء على ما انا عليه :(

بسبب خوفي من المجهول

;كارولين فاروق يقول...

وحشاني يانورررررر
انت فين
حمد لله علي السلامه
حاولي تتجرأي شويه في قراراتك
وجربي:)
تحياتي القلبيه

Casper يقول...

دايما الاقلاع عن اي حاجة بيبقى صعب حتى لو كانت الحاجة دي مؤلمة زي الحيرة مثلا


تقبلي مروري
Casper

شيرين سامي يقول...

وحشتيني يا نور :)
بصي أنا عن نفسي بحب متردده جداً
لكن بميل للمجازفه
خصوصاً لو الخساير مش هتبقى كبيره

ربنا يعملك الخير

افكار مبعثرة يقول...

انا جاية اسلم و اقولك وحشاني جدا و مش عارفه ليه كل ما بدخل على المدونة بلاقي التدوينات مكتوبة بكلام و حروف غريبة مش عربي خالص و بعمل ريفريش ومفيش فايدة :((((((((((((((
مليش دعوة انا مش عارفة اقرااااااا
تحياتي

Amira Yusuf يقول...

بقلق اوي لما بستقر
فعلا اتعودت عالحيره :(
عارفه يا نور لما باجي اخد اي قرار نفسيتي بتبقا زي الزفت وكأن الدنيا هتتهد لما اوصل للقرار ده
ماما طول عمرها بتقوللي انتي قلوقه ... اهدي شويه
بس مسيرنا نستريح صدقيني

Bent Men ElZman Da !! يقول...

فينك يا نور
وفين فضفضتك دى اللى وحشتنى
مبسوطة أنك رجعتى
يارب مش تتأخرى كده تانى :)

zeze يقول...

ازيك يا نور وحشاني
تتصوري بتحصل الواحد شكله خد علي دوشة الدماغ
بس يعني هو هيحصل ايه اكتر من اللي بيحصلنا اعقليها وتوكلي علي الله
ربنا يسعد قلبك وينورلك طريقك يا حبيبتي
بارك الله فيكي

doaa elattar يقول...

بيتهيألي يانور إن الحياة لازملها مجازفة عشان أصلاً إحنا فيها عشان نتعلم فلو خططنا لكل حاجة ودرسنا النتايج يبقى هنتعلم ازاي

دوسي وحتى لو في خساير فصدقيني هتلاقي في قلبها مكسب :)

ــــــــــــــــ

وحشتني تدويناتك ياأحلى بنوتة :)

reemaas يقول...

AbEeR

القلب ده ملك الحيرة

reemaas يقول...

هبة فاروق

وانتى والله يا هوبا معلش هى ظروف وانتى بالف خير حبيبتى

reemaas يقول...

سواح في ملك اللــــــــــــــــــه-


ديما شايفنى طيبة انت يا خالد

reemaas يقول...

ابراهيم رزق

والله وانت كمان يا ابو زياد

هو الخوف السبب

reemaas يقول...

E73

مانا خايفة اعمل كده

reemaas يقول...

كارولين فاروق

والله وانتى يا كوكى

بحاول اهون

reemaas يقول...

Casper
ده صحيح على فكرة

reemaas يقول...

شيرين سامي

ماهو لو الخساير محسوبة تبقى سهله

وانا كمان وحشتينى كتير يا شيريى والله

reemaas يقول...

افكار مبعثرة

يارب تكونى عرفتى المشكلة فين يا شوشو

reemaas يقول...

افكار مبعثرة

يارب تكونى عرفتى المشكلة فين يا شوشو

reemaas يقول...

Amira Yusuf

زى حلاى كانى باخد قرار بفتح عكة ماتفهميش فى ايه

reemaas يقول...

Bent Men ElZman Da !

بحاول اهو يا دينا :)

reemaas يقول...

zeze

ونعم بالله انتى كمان وحشانى كتير يا زيزى والله

reemaas يقول...

doaa elattar

يارب اقدر اجازف يا دود وحشانى كتيييييييييييييييير

نهر الحب يقول...

عارفة الاحساس ده اوووي يا ريمو
:(

ان شاء الله خير

reemaas يقول...

نهر الحب

يااااااااااااااارب

faroukfahmy58 يقول...

ارسلت لكى يا نور لماذا لم ينشر بالرغم انى سججت الاشتراك

reemaas يقول...

faroukfahmy58

مش عارفة يا استاذنا اصلى كنت بلعب فى اعدادات المدونة ماعرفش شكلى لبخت الدنيا