الثلاثاء، 21 أغسطس 2012

مع نفسى 11




لما هند صبرى قالتفى اخر حلقة فى فريتيجو انها كانت فاكرة ان الواحد بيرتاح لما بيبقى لوحده واكتشفت ان ده غلط واننا بنرتاح فى الزحمة..الكلمة دى علقت معايا جدا وامبارح اثبتلى انها صح لابعد الحدود
فى الزحمة ممكن تصرخ وممكن تضحك بصوت عالى وممكن تزغرط لو حابب
ممكن كمان عينك تدمع من الضحك بقى من التأثر ولا حد هياخد باله..
فى الزحمة واللمة انا كمان باخد راحتى
**************

ديما لما بتعلق بحد   باى درجة من الدرجات سواء كانت صداقة او انتمة او خلافه...
مابيكونش قرار البعد قرارى..ديما بفضل ماسكة فى طرف الشعرة لحد ماللى قدامى يقطعها هو..عارفة انهاحاجة حلوة وجميلة ..بس مؤلمة
مش عارفة تفتكروا هبقى شريرة لو تمنيت انىانا اللى افارق؟! 

*******************

ببقى حلوة اوى وخفيفة وكأنى طايرة من على الارض لما بعيش لحظة لسعان
 وانا للاسف من زمان مالسعتش
ياااااااارب ارزقنى لحظة كده

********************
عندى نوع من الذكريات لما بتيجى فى دماغى ببتسم وادمع فى نفس ذات الوقت!!

********************
لما قريت مقال النقط لعبد الوهاب مطاوع اكتشفت انى انا كمان بستخدم النقط كتير وانا بكتب ..
حاولت اتعامل مع الموضوع بحرفية زى ما نصحه رئيس تحريره وقتهاولكن ماعرفتش
ايون....انا بحب النقط :)
*******************

هناك 32 تعليقًا:

Bent Men ElZman Da !! يقول...

لوحدنا بناخد بالنا اوووى من اللى جوانا
انما فى الزحمه احنا بندارى فيها

لا انا مش حساها شر والله يا نور
عشان من حقنا نعرف الناس دى بتفكر ازاى !!

يارب تلسعى :D



ابراهيم رزق يقول...

يا وردة قلبي معاكي في الريح لعب
لا تعبتي م الريح و لا قلبي تعـب
احنا كده : نرتاح في صخب الجنون
و في السكون بنخاف قوي و نترعب
عجبي !!!
ــــــــــــــــــــــــ
2
العملية نسبية و تختلف من موقف لموقف
ــــــــــــــــــــــــ
3
اللهم ارزقك بلحضة من لحظات اللسعان
اللهم ارزقها بحالة من حالات الجنان
بس براحة عليها شوية من البتنجان
ــــــــــــــــــــــــ
4
انه الشجن
ـــــــــــــــــــــــ
5
ربنا يكفيكى شر النقطة

تحياتى

ابراهيم رزق يقول...
أزال المؤلف هذا التعليق.
faroukfahmy يقول...

الزجمه يا نوز حلوة بس تكون مع الحبايب
فاكرة غنوة عدوية زحمه يا دنيا زحمه زحمه و معانا الحبايب صدقينى حسب التعود لما كنت فى باب الشعرية كنت بفرح بالزحمه ولما انتقلت المعادى وآجى مثلا انزل دار السلام فى الزحمه احس انى هتخنق كله بصراحة يثتوقف على الحالة النفسية
المهم كل سنه وانت طيبه

نهر الحب يقول...

ريمو
انا لولا اني قدام الكمبيوتر وفيه العائلة الكريمة حواليا كنت عيطت بس كدة الدموع دخلت لجوه
اصلي انتي عارفة طبعا لما الكلام يلمس القلب بيعمل ايه
.............

بنرتاح في الزحمة...
ممكن..بس الزحمة وسط ناس منعرفهمش اوي او ميفهموش نظرتنا اللي مهما ضحكنا حيفهوا قد ايه جوانا موجوع
............

بتتمني انتي اللي تفارقي
آآآآآآآه يا قلبي
وانا كمان..انا بفكر في الحكاية دي كتير
عايزاكي تقري البوست اللي قبل اللي انتي قريتيه حتلاقيني كاتبة نفس الكلام خير اللهم اجعله خير
صدقيني مش حتعرفي تسيبي الحبل غير لما اللي قدامك يسيبه..يمكن بنحب ننام مظلومين مش ظالمين..

...............
انا كمان عاوزة السع بس مبقتش بعرف اتبسط في اي حال شكلي محتاجة معجزة
......

بفكر في الذكريات كتير وشكلي حكتب بوست دلوقتي بسببك
:DD

...........
انا بعشق النقط
وفيه حاجات حببتني فيها اكتر
...........

لما بكتب تعليق عندك بحس انه بوست لوحده وبقول ايه ده مش كنت كتبته عندي في المدونة اسهل
.......

انا بتفق عليكي اتفاق جامد جدا حظبطه وحقولك عليه ويا رب متخزلنيش
:DDD

reemaas يقول...

Bent Men ElZman Da !!

مانا لما باخد بالى من اللى جواى بتعب :(


هجرب بس يارب اقدر

سواح في ملك اللــــــــــــــــــه- يقول...

كلام من القلب فعلا يانور

ربنا يانور يكرمك لآنك طيبة جدا

تحيتي

reemaas يقول...

ابراهيم رزق

بحب اوى اوى لما بتجيبلى حاجة لايقة على كلامى من جاهين :)


بمووووووووت فى البتنجان

reemaas يقول...

faroukfahmy58

متفقةمعاك جدا جدا يا استذنا حسب الحالة النفسية والحبايب الموجودين

reemaas يقول...

سواح في ملك اللــــــــــــــــــه-

يسمع منك ربنا ياخالد يااااااارب

reemaas يقول...

نهر الحب

بحب اقرا تعليقاتك عندى جداااااااااااا وبحبها تكون طويله على ادماتقدرى :)


اوباااااااااا مؤامرة ...بموت فى الخطط ..عمرى ما اخذلك ابدا يا حبى

موناليزا يقول...

"مابيكونش قرار البعد قرارى..ديما بفضل ماسكة فى طرف الشعرة لحد ماللى قدامى يقطعها هو"

وأنا كمان :(

AhMeD RaDy يقول...

عزيزتى الصيدلانية

احب اقولك انى انا كمان بستخدم النقط .. ومش عارف ليه !! .
بستخدم النقط كتير فعلا .. وبدور على السبب مشعارف

بالنسبة لموضوع انك مش بتسيبى حد .. لا مش هقولك عليكى شريرة هقول عليكى جدعة لان انا برده نفسى ابقى شرير !! تفتكرى ممكن يارب

بوستات مع نفسى بتبقى حلوة اوى يا صيدلانية .. رجاء زودى الجرعة ما تبقيش بخيلة كدا

gmr14 يقول...

> ممكن تكون الزحمة حلوة بس حسب اللي فيها..
> البعد لا يكون الا لقريب للقلب والا ما للبعد من اثر وغالبا لا يكون باختيار..
> لحظة اللسعان!! لم يسبق ان عشتها ولا تعليق..
> الذكريات المفرحة المبكية غالبا حسرة على ماضي جميل واسى ع رحيله..
> لم اقرأ مقال النقط ولكي ان تتخيلي الكتابة من غير نقط!!.. لالالا لازم نحط النقط.. ع الحروف :]
هذا رأي شخصي لا اكثر... بوست جميل بالتوفيق

افكار مبعثرة يقول...

تصدقي انا كمان اكتشفت اني طول ما انا ف الزحمة برتاح اكتر ما ببقى مع نفسي اما ببقى لوحدي بحس ان زي ما تكون كل الافكار و الذكريات و المشاعر تسابقت لتهاجمني دفعة واحدة و مش بتسيبني غير منهكة القوى
انا كمان نفسي في لحظة لسعان من فترة كبيرة اوي :)
تحياتي

reemaas يقول...

موناليزا

حاجة تغيظ على فكرة يا مونى

reemaas يقول...

AhMeD RaDy

عارف يا احمد ساعات بحس انها بتوصل معلومة او بتاكدها مش عارفه


انا تعبت من الجدعنه هههههههه

حاضر والله على اد ماقدر اصل مشكلتها انها بتيجى كده

reemaas يقول...

gmr14

سعيدة برايك جدا بس هو انا اقصد نقط الفواصل وليس نقط الحروف

وفعلا الزحمة بناسها

لو جربتها هتدعيلى :)

reemaas يقول...

افكار مبعثرة

اهو كده انتى عرفتىانا ليه بحب الزحمة ;)

ربنا يرزقنابيها

eng_semsem يقول...

عارفه حكاية اللسعان ده شاغله دماغي قووي من فتره حاسس اني معدتش اعرف اعملها او اني كبرت عليها برغم ان نفسي بيها يمكن هموم الدنيا صعبتها علينا
تحياتي

حنين محمد يقول...

صباح الغاردينيا يانور
كل سنة وانتي طيبة يارب
عارفة معاكي حق الزحمة بتخليكي تبكي وتضحكي وتصرخي وماحدش حاسس لان صوتك ضاع بينهم ،
عارفة يانور انا بشبهك اوي في حكاية الفراق عمري ماقدر اختار الفراق والبعد ،
اللسعة دي ضرورية هههههه،
الذكريات دايما بضحكنا وتبكينا في نفس لحظة الحنين ،
اممممم وانا كمان مش بعرف احل حكاية النقط :( "
؛؛
؛
لروحك هبق الغاردينيا
كانت هنا
Reemaas

غير معرف يقول...

مساء الورد ريماس

كل عام وانت بخير وأعاده الله عليك

أعوام عديدة وأزمنة مديدة ...

لا أحد يحب الجلوس وحيد ففي زحمة البشر

تسلية للنفس لا يعرفها إلا من عاش

وحيد وبعيد عن زحمة الناس ...

كلمات جميلة ومقتطفات رائعة كما

عهدناك :)

تحياتي وإحترامي

FAW يقول...

إحم

أنا بقي شايف إني بحب أبقي لوحدي ، في وسط الزحمه !

متعة الفرجه عالآخرين في صمت :)

والنقط تحفه :)

إزيك يا نور ..

reemaas يقول...

eng_semsem

كبررررررررت؟

لالا مافيش حد بيكبر على اللسعان صدقنى

reemaas يقول...

ريـــمـــاس

وانتى بالف خير حبيبتى مبسوطة انك شبهى :)

reemaas يقول...

ريبال بيهس

فعلا..يارب يجمعنا ديما باللى نحبهم

reemaas يقول...

FAW

مش ممممممكن ...انت فين يا درش ليك وحشةوالله

كل سنة وانت طيب يا باش..كاتب :)


عجبتنى جدا حكايه الفرجة على الاخرين دى..ادتنى موضوع جديد

زينب علي حبيب يقول...

حلوووة اوووي

و على فكرة كلنا عندنا النوع دا من الذكريات ... او بالاحرى انا بشاركك فيها ...

:)

هبة فاروق يقول...

بحب الزحمه وبحب الهدوء بصراحه بأخد راحتى فى الاثنين وبنسى الناس خالص
الفراق لا عمرى ما فكرت افارق او اهجر دايما بحاول امسك فى الخيط لحد الاخر زيك تمام
اما اللسعان فبيحصل كثيير متأخديش فى بالك
خواطر من الواقع كلنا بنعشها

reemaas يقول...

قطرة وفا

مش عارفه اهنيكى ولا اواسيكى فى المشاركة يا وفا تختارى ايه :)

reemaas يقول...

هبة فاروق

انتى دمااااااغ يا هوبتى ...فى التنين ههههههههههه

E73 يقول...

الظاهر ان كلنا فاكرين الوحيدة هي الحل مع ان العكس صحيح

يا رب يرزقك بلحظة من لحظات اللسعان

يا رب يجعل كل ذكرياتك سعادة وفرح

انا برضه أثر فيا المقال دا جداااااااا