الأحد، 19 أغسطس، 2012

عن....الزن





اولا وقبل ماندخل فى موضوعنا احب اعيد على كل المدونين والمدونات اصحابى الاعزاء
كل سنة عيد وانتم بالف خيروسعادة يارب وبدعى ربنا انه يتقبل مننا كلنا سائر اعمالنا فى الشهر الكريم
وبعتذر كعادتى المزمنة عن اى تقصير بس يوم رمضان كان يدوبك ينى
ووحشتونى جدا
******************
ندخل بقى فى موضوعنا
لما حد يتصل بحد 8 او 9 مرات ومايردش..تفتكروا ايه الاحتمالات القائمة؟
يااما الحد ده نايم_____المفروض مانصحهوش
يا اما مشغول_____المفروض مانخوتوش
ياما مش عاوز يرد____يبقى مش هيرد
يبقى ليه الزن؟؟لما هى الاجابة واحدة من التلاته يبقى ليه نتصل ورا بعض ورا بعض عشرومية مرة...ليه الزن ده
المشكلة انهاكتير بتيجىمنناس قريبين للواحد وبتنتهى بمشكلة لانها فى الغالب بتتفسر علىانها تناكة او تنفيض..او اى حاجة مش كويسة!!
احقاقا للحق الحركة دى بتتعمل من الستات والبنات كتيييييييير ..بس ده مايمنعش ان الرجالة استاذه برده فى الزن
كتير من المشاكل اللى بسمعها بتبقى بسبب ده
مع انى شيفاها بسيطة..لما مايردش على التليفون بعد مرتين بسيطة..هيشوف اتصالك واكيد هيتصل..
لو ماكلمكيش عاتبيه..ولو برده
ماكلمكيش مش الحل انك تكونى زنانة وتطلعى فرستك على زراير الموبايل!!
وانت يا اخى..طالما مش عاوزة ترد عليك دلوقتى سيبها ماتطبقش على نفسها!!
دى الحكاية وصلت للكماين.!! اه والله تكلمه من موبايلها ولو ماردش تكلمه من الكشك او من نمرة قريبتها او صحبتها!!..لدرجة ان فيه ناس بقت بتخاف ترد علىالتليفون اصلا
وفى ناس بتسجل كل ارقام القرايب والاصحاب علشان لو جربت اى موبايل يبقى واخد احتياطاته!!
ومش بس بالتليفونات ..ده حتى لو عاوزة حاجة هومش عاوزها خروجة بقى ولامناقشة ولا اى حاجة تلاقى الودان اتمسكت والزن اشتغل وعيش حياتك..
قبل العيد كنا فى مشوار انا وواحد صاحبتى لمصلحة الضرايب واتفقنا مع صحبتناالتالته تستنانا لما نخلص..دخلنا المكان وعملت الموبايل سايلنت..
بكلم الموظف طلب منى اوراق..بلمهاله من الشنطة لقيت الموبايل عمال ينور..وكان فيه اتنين ميسد من صحبتنا
بعد ربع ساعه على ما خلصنا بجيب الموبايل لقيت عليه 94 ميسد من نفس صحبتنا
وانا بشوفهم رنت تانى فتحت وبنرفزة ..ايه يابنتى في ايه؟!!
وبكل براءة..خلصتم ولا لسه؟!!!!!!!
ياسلااااااااام..طب والمصحف مانا راده
 

هناك 27 تعليقًا:

موناليزا يقول...

كل سنة وانتِ طيبة يا نور ويارب يكون عيد سعيد علينا كلنا
-----------------
أنا بقى بعانى من التنفيض
واحدة تتصل وانا ماردش لأى سبب تزعل بقى وتتقمص وأنااتصلت بيكِ وانتى ما رديتيش
رغم انها اتصلت مرة واحدة بس
و دى بالنسبة لى مش مهمة أوى علشان اتصل بيها لانها لو عايزانى فى حاجة مهمة كانت هتتصل كذا مرة

اما عن الزن اللى انتى تقصديه ففى أشخاص بعينها ممكن علشانهم اقفل الموبايل.. بس دول أصلاً ببقى مخرجاهم من حياتى وهما اللى عايزين يدخلوا تانى
لكن الناس الطبيعية اللى انا راضية عن وجودهم فى حياتى ليهم حق يزنوا ويتصلوا وانا يا هرد يا اما هطيب خاطرهم

سواح في ملك اللــــــــــــــــــه- يقول...

ههههههه

طبعا لازم تتنرفزي ***انتي مش في مصلحة الضرايب ؟؟

يعهني بتدفعي فلووووووس ::

يبقي لاااااازم تتنرفزي حتي لو اللي رنت رنة واخدة بس

بصي يانور فيه ناس كدة لحوحة

معندهمش دم

يعني الواحد يرن مرة او مرتين واكيد لو الآنسان مهم عند اللي بيرن عليه

اول مايفضي ويشوف نمرته هيرد

ولو مش مهم الطرف اللي بيطلب ينقذ ماء وجهة وميعملهاش مشكلة

كل سنة وانتي طيبة يانور

واسرتك بخير



ابن السور يقول...

الاحتمالات ال 3 هي الصح
لكن هناك سبب علمي يخلي المتصل
يعيد اتصالاته ورا بعض
اولا .. علينا ان نفهم سبب المتصل
لابد وان يكون هناك سببا بغض النظر
عن اهميته او بساطته
هذا السبب تحول الى امر من قبل المخ
مما دفع الاعضاء بتنفيذه
ولان المخ لم يضع زمنا
فان الاعضاء تقوم بالاتصال دون انقطاع
تنفيذا لمن .. الجواب لامر المخ
طيب .. حتى نفهم هذا الشي بشكل جيد
نبسط المسألة كالتالي
فاي شخص يأ:ل او يشرب اي شيء ليس
موجودا في قائمة الذاكرة
فان مجرد دخول هذا الشي في الفم
يتم اخطار المخ بان هناك طعم غريب
موجود بالفهم ويعرض على المخ كل تفاصيل هذا الطعم مثل اذا كان به سكر
او طعمه مر او لين او خشن الخ
فالمخ عندما يدرك ان هذا الطعم
لم يؤذ الفم يأمر بتناوله
فيتم شربه او أكله
وفي المره الثانيه اذا اكل او شرب
نفس هذا الشخص هذا الطعم
يتم اخطار المخ فيأمر بتناوله
لكن في المرات المقبله
يصدر المخ امرا نهائيا بتناوله
فلا تعود الاعضاء تسأله
وهذا هو الادمان
طيب في مسألتنا التي عرضتها علينا كاتبتنا الغالية ريماس
فاننا نعلم في هذه الحالة ان امر المخ قائم فماذا تكون النتيجه
الجواب النتيجه ان الاعضاء تستمر بالاتصال .. ليه .. تنفيذا لامر المخ
لكن ماهو الحل .. الجواب .. نخطر المخ بانه تم الاتصال
كيف .. الجواب .. نجلس بهدوء وننظر للهاتف نظرة يقينية ونقوم بالاتصال ثم نتكلم بصوت نسمعه انه تم الاتصال
طيب .. ليه .. لان النظرة المتمعنه تصل للمخ .. والكلام الذي نفهم معناه ونستوعبه يصل للمخ .. وخلاص تنتهي المشكلة
هناك طائر من الفصيلة الفرعية البغباء بينسى كثير .. فيعمل ايه .. بيظل يبص للحاجة لين يحفظها .. واذا طار لمكان معين بيظل يرجع ويطير يرجع ويطير حتى يحفظ المكان .. ليه .. عشان يوصل المعلومه ويحفظها
طيب بنوصل الملعومه للمخ ان خلاص تم الاتصل ونريح بالنا

faroukfahmy58 يقول...

اولا بنعيد
ثانيا الظاهر يا نور ان الرد عندك صعب
انا ملاحظ انى بنتظر بلهفه اى حاجة تكتبيها واسرع بالتعايق عليها وانتى مهما نكتب لاتعيرينا اى اهتمام
الظاهر المسالة مش فى الموبايل وبس دى التعليقات اتعدت منه هههههه

AhMeD RaDy يقول...

الصيدلانية

ازيك الاول يا فندم
وعيد سعيد عليكى برديك يارب كدا

المهم بقى بخصوص الموضوع دا حاجة صراحة اوفر اوى

بس انا ساعات بزن .. مش لدرجة 94 ميسد كول دى هههههههههههه دا مش زن دا فى حاجاة غلط فى الشبكة اساسا

بس انا بزن لما بقلق !! يعنى لما يكون فى حاجة مهمة

عموما ربنا يارب ما يجعلنا من الزنانين اصحاب الميسد كول الكتير

عيد سعيد عليكى تانى يارب

Timo.. يقول...

بكل اييييييييه..؟؟
براءة...؟؟

ده انا يومي كله اتكهرب لمجرد اني قريت الرقم (94) وياااااااريت عشان كانت بتموت وآخر امنيه في حياتها انها تسمع صوتك وساعتها احتمال اغفر لها والاحتمال الاكبر لأ...!!

بصي يا نور..
البنت دي عقابها انك تعرفيني عليها..
:)

Timo.. يقول...

منها لله ..
خلتني انسى اقولك:
1-كل سنة وانت طيبة
2--كل سنة وانت طيبة
3--كل سنة وانت طيبة
4--كل سنة وانت طيبة
5--كل سنة وانت طيبة
6-كل سنة وانت طيبة
7-كل سنة وانت طيبة
8-كل سنة وانت طيبة
9-..
10..
11..
...
...
...
...
32-..
33-..
...
...
...
..
57-...
58-..
..
..
....
....
...
90-..
91-..
92-كل سنة وانت طيبة
93-كل سنة وانت طيبة
94-كل سنة وانت طيبة

(وش بريء)

ابراهيم رزق يقول...

نووووووووووووووووووووووووور

ادينا هزن واقولك كل سنة وانتى طيبة
عيد سعيد عليكى
و السنة الجاية ترتاحى من الزن اللى فى البيت
وتلبسى الفستان الابيض

تحياتى

نهر الحب يقول...

مهلاً رونالدو قلبي الصغير لا يحتمل
مرارتي كمان لا تحتمل....
اه ياني
انا بتتعمل فيا الحركة دي كتيير بس 94 مرة دي خضيتني بصراحة

لما ابقي نازلة اصلي وسايبة الموبيل في البيت وارجع الاقي حد متصل 8.32وبعدها
8.33
8.34
8.35
8.36
وبعدين رسالة فيها
شكرا علي زوقك لو مش عايزة تردي
كنت عاوزة اقولك كذا كذا

السؤال اللي بيطرح نفسه بقي
هو اللي ماردش اول دقيقة وتاني دقيقة وتالت دقيقة مش حيرد والطبيعي في البني اديمن المحترمين انهم معاهم رصيد واول ما يشوف المسدات حيتكلم والله

ولو ردك بقي ايه فيه يا بنتي فيه حاجة حصلت يتقالك انتي كمان متضايقة اني قلقت عليكي عشان مبترديش طيب مش متصلة بيكي تاني
اااااااااااااه يا مرارتي

انا شوفت من ده كتير
حكاية التليفون دي اخدت فيها مبدأ من زمان هو بتصل مرة واحد لو الحد رد اوك لو ما ردش المفروض يتصل بيا لما يشوف المسد لو ماردش براحته بقي خلاص مش حتحايل عليه

ارحمونا من الزن بقي

عارفة
كنت عاوزة اكتب عن الحكاية دي من زمان
:DD

habiba يقول...

السلام عليكم
كل سنة وانت طيبة طبعًا فى الأول
وبالنسبة للموضوع هو ينرفز فعلا بس لو انت مش عايزة حد يتصل بيكى فى وقت ما أنسب طريقة هى غلق الموبايل.
بالنسبة لى الموضوع عادى ممكن أقلق شوية من كترة الرن ده واتضايق بس مش أوى.
دمت بخير حال :)

شيرين سامي يقول...

كل سنة و إنت طيبة يا نور و بألف خير
عادي يا نور
إنتِ في مصر يا أمي :))

E73 يقول...

يا نهار احوس 94 في ربع ساعة !!!

لألألأ دي كانت بتسلي وقتها بقى

انا مش من النوع اللي بيحب الزن خالص

بس لما بعز حد ممكن ازن عليه

افتكر المرة الوحيدة اللي تقلت العيار فيها على واحدة صحبتي قوي ولأنها كانت متعمدة تثير فضولي وقفلت قبل ما تشفي نار فضولي فضلت اتصل عليها 75 مرة بس دا كان خلال 3 ساعات مش ربع ساعة هههههههه هي تقريبا كانت بترن وتقفل بتتسلى يعني

المهم صحبتي دي قالتلي انها كانت حاطة الموبايل تحت المخدة ومش سامعاه ولما جت تلمس المخدة لقتها سخنااااااااااا هههههههههههه

دي تقريبا كانت المرة الاولى والاخيرة اللي ازن فيها

لكن غير كدا هي مرة واحدة لحد ما التليفون يفصل رن وبعد ربع ساعة مثلا لو الموضوع مهم هتصل تاني ولو الحد دا مردش مش هتصل تاني اصلا

P A S H A يقول...

94 ده بيروح العتبة D:
لأ بجد !!
94 مرة إزاي ؟؟
طب ما جالهاش إرتجاج في الإبهام من كتر الإتصال ؟؟
- الزن ده غالباً بيبقى طبع ، وفراغ !!
ربنا يهدي :)

كل سنة وأنتِ طيبة وبألف خير وصحة وسعادة إن شاء الله أنتِ وأسرتك الكريمة وإن شاء الله يكون عيد سعيد عليكم جميعاً بإذن الله :)

تحياتنا

فتاة من عالم آخر يقول...

كل سنة وانتى طيبة الأول
على فكرة انتى اللى معصبة نفسك متعملى سايلنت وكبرى وحد كلمك بعدها سورى كنت مشغولة بعمل كذا واللى يزعل فى اربع جدران فى كل اوضة يخبطو دماغهم فى اللى يعجبهم
بصراحة الرقم يضاااااااااااااااااايق أوى بس فعلا كبرى
سعيدة أوى انى فى مدونتك هنا
سلام

reemaas يقول...

موناليزا
القمص ده اقل واجب يا مونى والتنفيض ده بقىتهمة هيعملولها عقوبه قريب

كل سنةوانتىبالف خير يارب

reemaas يقول...

سواح في ملك اللــــــــــــــــــه-

لا يا خالد مانا اخدت اعفا الصيدلية واخدة شريحة دنيا هههههههههههههههه


كل سنة وانت بالف خير يارب

reemaas يقول...

ابن السور

:)

طيب انا اشرحلهم ده ازااااااى بس

هحاول ابسطلهم


كل سنةوانت بالف خير يارب

reemaas يقول...

faroukfahmy58

كل عيد وحضرتك بالف خيروصحة وسعادة يارب

انا لسه جاية من عندك حالا بالا والله

قريب اوى هجيب اللاب توب وهتزهقوا من وجودى يا استاذنا :)

reemaas يقول...

AhMeD RaDy

طالما ماوصلتش ل94 يبقى انتى لسه فى الامان يا ابو حميد

كل عيد وانت بالف خير يارب

reemaas يقول...

Timo..

ههههههههههههههههههههه لو ده هيحل الازمة ماشى ;)

كل سنة وانت اسعد الناس ياتيمو

كنت لسه فى سيرتك امبارح :)

reemaas يقول...

ابراهيم رزق

امييييييييييين
لو كل الزن كده ماشى :)

كل عيد وانت وكل الاسرة بخير با ابو زياد

عملت ايه فى العيديات :)

reemaas يقول...

نهر الحب

ههههههههههههههه حبيبتى يا سهاد ماحنا واحد

ايون الكارثه انهم بيحسسونا ان مفروض ضميرنا يوجعنا

reemaas يقول...

habiba

امنية حياتى اقفله

بحاول اعمل ده من مده ومش بعرف

كل عيد وانتى فرحانة يارب

reemaas يقول...

شيرين سامي

هههههههههههههه مصر دى امى
ههههههههههههههه

كل عيد وانتى والاسرة بسعادة يا شيرين

reemaas يقول...

E73

ايون شكلهاكانت بتتسلى فعلا
انا لما طلعتلها سالتها سؤال واحد بس
انتى عملتيها ازااااااااااااااااى

reemaas يقول...

P A S H A

هههههههههههههههههه حلوة اوى ارتجاج فى الابهام دى

هى بتتسلى تقريبا صح

كل عيد وانت بالف خير وسعادة

reemaas يقول...

فتاة من عالم آخر


ايون ماهوده الحل فى الفترة العصيبة الللى جايه

مبسوطة اوى انك هنا
وكل عيدوانتى بخير