الاثنين، 16 يوليو 2012

عن...حبيبى لما الاقيه




انا دبت وجزمتى نعلها داب
من كتر التدوير على الاحباب
ياسلالم لو اعتر فى حبيب
دنا ارقص من كتر الاعجاب
واتنطط واتعفرت واترقص
كدهو ..كدهو..كدهو

انا قلبى مزيكا بمفاتيح
من لمسة يغنيلك تفاريح
مع انى مافطرتش وجعان
ومعذب ومتيم وجريح
باتنطط واتعفرت واترقص
كدهو..كدهو..كدهو

بيانولا والابندا وحركات
اطلعى بقى يانصاص يافرنكات
انا عازمك ياحبيبى لما الاقيك
على فسحة فى جميع الطرقات
نتنطط نتعفرت نترقص
كدهو..كدهو..كدهو

 

هناك 38 تعليقًا:

هبة فاروق يقول...

هههههههههههههه تصدقى والله حسيت ان الكلام بيرقص هو كمان
كدهو كدهو كدهو
عسل يا نور بس ان شاء الله حتلاقيه قبل ما كعب جزمتك يدوب
وحشتينا يا نور اين انتى يا جميل غايبه عننا ليييييييه بقى

غير معرف يقول...

مساء الورد ريماس

نص خفيف وحلو وراح تذوقي الحب

لما يدق بابك مستعجل ...

كل عام وانتِ بخير

rona ali يقول...

هو جزء من كلامك مرتبط باغنيه لصلاح جاهين او على سلامه مجرد احساس انى سمعتها قبل كده :))))

بس انتى عسل بيجد يا ريمو :)

reemaas يقول...

هبة فاروق

يارب يا هوبا يارب

معلش عارفة انى مابدخلش من زمان وبيبنى وبينك مش عارفه بعملكده ليه

reemaas يقول...

ريبال بيهس

وانت بالف خير يارب

reemaas يقول...

rona ali

دى بيانولا بتاعه ابو صلاح يا رونى :)

nour alqamar يقول...

مساء الخير حبيبتى ريماس ..
ليكم وحشه واللهي العظيم .. كيف حالك ان شاء الله بخير وسامحونى على التقصير لسا انا كيف مخلصه امتحناتى :))
وربي يوفقك ياغاليه ..
تحياتى لك
نور

نهر الحب يقول...

جميلة اوي كدهو كدهو كدهو
:))))

Casper يقول...

جميل اوي البوست
وعجبني طريقة استخدامك للعامية
وللعلم الكتابة بالعامية مش سهلة وقليل من يبدع في استخدامها وانتي ابدعتي فعلا

خالص التقدير لفكرك وقلمك
تقبلي مروري

Casper

سواح في ملك اللــــــــــــــــــه- يقول...

والله يانور يابنتي

بكرة تندمي علي لحظة حرية انتي عايشاها دلوقتي

ولا هتتطنططي والا هتتعفرتي

ده انتي هتتنكدي

وهتتعكنني

وهتتنرفزي ههههههه

وبعدين تعالي هنا انتي مقرتيش الواجب ليييييه

سندباد يقول...

بوست لذيذ وكله شقاوة ودلع
بسم الله ما شاء الله عليكي
تحياتي لقلمك الرشيق جدا
لقد استمتعت هنا

reemaas يقول...

نور القمر

ليكى وحشة كبيرة يانور والله وان شاء الله نسمع اخبار حلوة عن النتيجة

reemaas يقول...

نهر الحب

:D

reemaas يقول...

Casper

العامية فى راى بتوصل الاحساس اسرع
بس دى للرائع جهاين يااسامة

reemaas يقول...

سواح في ملك اللــــــــــــــــــه-
ارعبنى بقى يا خالد ههههههههههههههههههه


معلش حقك عليا رايحة اهون

reemaas يقول...

سندباد
تسلم يا سندباد
انا مجرد ناقلة وعايشة الحالة بس ده عمنا صلاح بقى

حنين محمد يقول...

صباح الغاردينيا يانور
الف الحمدلله على سلامتك
هههههههههههه
نص عسل ودمه خفيف زيك
وان شاء الله هييجي
ويترقص كدهو كدهو كدهو :)"
؛؛
؛
لروحك عبق الغاردينيا
كانت هنا
reemaas

faroukfahmy يقول...

جميل جميل جميل يا نور
هو بكلامك ده فوانيسنا كلها هتنور
قربنا نوصل خلاص
فى لسمة تغنينا تفاريح
دى برمجه صينى مش مصرى اللى كل لمساتها احزان متلاحقه
يارب فرحنا وشاركنا فرحة نور مع قدوم نور الشهر المبارك
الفاروق

;كارولين فاروق يقول...

هههههههه
جميله يا ريماس بس لم توضحي بالظبط
كدهو ولا كدهو :)
انا مش معزومه في العزومه دي ولا أيه:)
اتمني السعاده يا نور تخبط ع الباب
وانا افرحلك كدهو كدهو كدهو
تحياتي

E73 يقول...

بنوتة

أحب اسجل اعجابي باللوجو بتاع المدونة بتاعك الجديد ^_^

كيوت خالص

reemaas يقول...

ريـــمـــاس

يااااااااارب يا ريموسة يارب

reemaas يقول...

faroukfahmy58

اللهم امين يارب العالمين
كل سنة وحضرتك طيب يا استاذنا

reemaas يقول...

;كارولين فاروق

هههههههههههه ازاى بقى ده انتى اول المعزومين

reemaas يقول...

E73

:)

تسلمى يا قمراية اهو بحاول اجدد بس لسه مش عارفه استخدم كل الاوبشن اللى فيها

نيسآان يقول...

هههههههههه ...دمك عسل

الاحسن انك تلبسي جزمه مريحه وكعبها كريب و تفطري قبل ما تخرجي وتاخدي معاكِ قزازة ميه ساقعه :) المشوار طويل ومش حتلاقي اللي بتدوري عليه بالساهل.

كل سنه وانتي طيبه وعسل ....رمضان كريم عليكِ وعلى احبتك يا رب

افكار مبعثرة يقول...

جامده جداااااا كدهو كدهو كدهووووو
ده لما الاقيه هيفرح اوي كدهووو كدهووو كدهوووو
:)

EMA يقول...

هههههههه عافية هي و لا ايه

حلوة اوى يا ريمو

تسلم ايديكي و قلبك

كل سنة و انتى طيبة يا غالية

تحياتي

eng_semsem يقول...

هههههههههههههههههههه
صباح الروقان وربنا يرزقك بابن الحلال
وربنا يعينه بقى
كل سنه وانت طيبه يا نور

دعاء العطار يقول...

ايه ده هو انا اغيب عنك شويتين ألاقيكي بتكتبي شعر يانور

يارب يجي بقى عشان اشوفك عروسة عثوووووووولة كدهو كدهو كدهو :)

وحشتيني قد كدهوووو:)

AhMeD RaDy يقول...

ريماس الصيدلانية

ازيك الاول ورمضان كريم بقى علييكى

لما تبقى تلاقيه بقى

هههههههههههههههههههههه انتى عندك امل !!!!!

غير معرف يقول...

من أجمل ما كتب صلاح جاهين

reemaas يقول...

نيسآان

:)

نلاقيه احنا بس

reemaas يقول...

افكار مبعثرة

هنعمل فرح جماااااااعى

reemaas يقول...

EMA EMA

شكلها مابتجيش الاعافية

reemaas يقول...

eng_semsem
اه الصراحة محتاج دعا

reemaas يقول...

دعاء العطار

ده ابو صلاح
هههههههههه

وحشانى اكتر بكتير

reemaas يقول...

AhMeD RaDy

يلهوى هو مافيش امل ولا ايه

reemaas يقول...

donkejota
ده حقيقى جدا