خلاااااااص انا قربت اجيب اخرى رمضان ده مش عارفة الواحد يلاقيها منين ولا منين
من الناس العجيبة اللى الواحد بيتعامل معاهم فى الشغل ولا من افلام الرعب اللى بقيت بعيشها مؤخرا
ولا من التليفزيون وسنيييه.....
وبمناسبة التليفزيون ..بالنوسبة للسيد المحترم اللى عمل اعلان استرجل واشرب بريل الستات اتغيروا بعد الثورة واسترجلوا..............نعم؟يعنى ايه؟ مش فاهمة وجهة نظر جنابك انا
ثم ايه بلادى بلادى بلادى.....هععععععععع دى؟
بالنوسبة للاخ المحترم اللى حاطط مسابقة الاسئلة الدينية ماهو اسم السورة اللى فيها الاية دى"قل هو الله احد الله الصمد"؟.............لا وكمان مدى خيارات 1\الاخلاص 2\الناس 3\الفلق
هااااااااااااااااااا عرفتوها ولا ابسطهالكم؟
بالنوسبة بقى للاخ المحترم جدااااااااا اللى عامل اعلان قطونيل.........نعم........بوكسرات وفنلات ايه اللى زى الاصحاب؟ثم انت عاوز شباب مصر يمشوا مسقطين البناطيل علشان تبان ماركة البوكسر
يعنى هى ناقصااااااااااااااااااااااكم
وغيره وغيره وكله كوووم بقى والمحترم اللى عامل اعلان شيبى جديد كده اسمه ترو شيبسى
يعنى ايه"الحق مايزعلش حق"؟ها يعنى ايه؟
ثم بزمتك يا اخى جايب بت حلوة وكاتب فيها شعر حلمنتيشى تقولها ما اطول منخارك؟
ثم يعنى ايييييييييييييييييييييييييييه "زقلطينى" .........حد يفهمنى معنى الكلمة دى اييييييييه؟؟!!
وبعدين ايه هوجة الشيبسى اللى مكتسحة التليفزيون والبلد كلها دى؟كل رمضان يطلعلى كام منتج جديد ياشيبسى ياسمنة يا زيت........اى بقى!! مش هنصنع غير كده ولا ايه ؟هنبقى ملوك العالم فى الشبيسى؟
وبمناسبة الصناعة.....الاخ المبجل المحترم اللى عامل اعلان منتجات "فريش" ..سياتك بتصدر منتجاتك لاكتر من 35 دولة؟طب مش حرام الكدب فى رمضان؟ يا مؤمن ده احنا جيبنا 3 مراوح فريش بتاعتك دى فى يوم واحد والتلاته باظوا فى يوم واحد وبنفس العيب زى مايكون انتم محفظينهم يعملوا العملة السودة دى.......ماهو حاجة من الاتنين يا انتم كدابين كدب الابل يا اما بتعملوا للمواطن منتج غير منتج التصدير....يا اما وياخوفى من يا اما دى انتم بوظتوا الصناعه فى 35 دولة
ربنا يستر
اااااااااه يا مراتى المفقوعه يانى..........
هناك 43 تعليقًا:
السلام عليكم
ازيك يا بنوته
انا تقريبا اول مره اجي هنا
والله كل الي بتقولي عليه مظبوط
الاعلانات فعلا مستفزه بصورة تتعب الاعصاب
بيريل استرجل
والله من اول اعلان لحد الي بعد الثورة ده والواحد مش فاهم يعني بردو هما يقصدو ايه
والاسئله الدينيه
اخواتي الصغيرين بتوع كي جي بيتريقو عليها اصلا
كله بقى كووم وقطونيل ده كوم تاني
اعلان عجيب بكل معنى الكلمه ولا تعليق اكثر
وغيره وغيره
ومش الاعلانات بس والله
كل سنه وانتي طيبه
با النسبة للناس اللى معاكى فى الشغل مش عارف عامله معاكى ايه
بالنسبة للاخ بتاع بريل اقوله استرجل انت الاول
بالنسبة للاخ بتاع الاسئلة الدينية هى البيزنس و انعدام الثقافة و التجارة بكل شىء حتى الدين
با النسبة للاخ بتاع اعلان قطونيل وصلت التفاهة للركب و يارب تمسكه الداخلية و يتحط فى سجن اضيق من البوكسر بتاعهم
با النسبة لاعلانات الشبسى اصبحنا لا نتعامل الا مع كل ما هو تافه
با النسبة لاعلانات فريش لو انا منك ابتزه اذهب الى ميدان التحرير و ارفع يافطة بما حدث و ابقى ادعيلى هيجروا وراكى
سلامة مرارتك الف سلامة عليكى
مش هيبقى الضغط و المرارة
محسوبك جاله الحصبة
تحياتى
أقولك ع حاجه حلوه يانور مريحه جدااااااً
أنا عن نفسى مستريحه جداً من ساعة مابقيت أعملها
اعتززززززززززززززلى التليفزيون خالص
انا مريحه دماغى من زمااان مش فى رمضان بس
دلوقتى كل حاجه نت
بس بصراحه ضحكتينى أووى ع دى
"
بالنوسبة للاخ المحترم اللى حاطط مسابقة الاسئلة الدينية ماهو اسم السورة اللى فيها الاية دى"قل هو الله احد الله الصمد"؟.............لا وكمان مدى خيارات 1\الاخلاص 2\الناس 3\الفلق
هااااااااااااااااااا عرفتوها ولا ابسطهالكم؟ "
صعبه أوى يانور ماتبسطيها شويه D: D:
فيها اييييه بس لما الواحد (يسترجل) ويلبس بوكسر ويسقط البنطلون وياكل تروشيبسي قدام التليفزيون...؟؟
هاه...؟؟
فيها ايه..؟؟
وبعدين ما تسيب البت تسكر يا بيومي افندي..
احنا مش في عصر انفتااح ولاااا ايييييه..؟؟
بجد موتيني من الضحك..
حاسس انه فيه تسعة ماسكين دراعك عشان يبعدوكي عن الراجل بتاع الاعلان :)
بالنوسبة لاعلانات الاسئلة الدينية
"بصرااااحة.. اسئلتك صعبة جووووي يا استاذ طارج"
:)
تعرفي يابنوتة
انتي اللي غلطانة في الموضوع ده
ااااه متستغربيش انتي اللي غلطانة
فيه حد يابنوتة يتفرررج علي اعلانات
ومسلسلات التلفزيون المصري فيه رمضان
ويبقي ناوي صيام
تعرفي يابنوتة انا في رمضان مش متابع
غير مسلسل الحسن والحسين ومسلسل (ش عبد
العزيز )
وبعد كدة بقي برامج دينية علي
اخبار ية
انتي نسيتي اهم اعلان
بتاع الراجل السكران اللي بيقول اي لوف دايم
معلش بقى يعني هي جت على الاعلانات
ما البلد كلها ماشية لورا
كل سنة وانتي طيبة ومتنرفزيش نفسك ده العادي من بنك مصر
تحياتي
هههههههههههههههههههه
انا مقاطعة التلفزيون ومريحة دماغي
اللي عايزة اشوفه بشوفه ع النت منغير اعلانات ولا غيره
هههه سلامة مرارتك D:
مساء الغاردينيا نور
مين ده بس الي رفع ضغط ومرارتك
دنا كنت امسك في زمارة رقبته <<< بت جدعة بس بتخاف من خيالها هههههههههه
سيبك مني دنا لا بهش ولا بنش بس كله الا زعل نور :)
عارفة انا مريحه دماغي زي دودو حبيبتي لا مسلسلات ولا اعلانات اعملي زينا وريحي دماغك اما الي معاكي في الشغل ربنا يصبرك هتعملي ايه مايتغيروش بالريموت هههههههههه "
؛؛
؛
لروحك عبق الغاردينيا
reemaas
الهبل وصل الاعلام من زمان وحابب اقول ان الاعلام بتاعنا طول عمره بطيخ قبل الثورة وبعد الثورة كمان ومش هينصلح حاله الا في وجود رقابة قوية وواعية
من اول استرجل واشرب بيريل
وبوكسراتك زي اصحابك
والمسابقات العقيمة
الخ الخ الخ
في النهاية اما بشوف اعلان زي كده بحول القناة على طول حتى لا اصاب بارتفاع الضغط
=========
تحياتي
فعلا هيافة الاعلام المصرى .. متغيرتش .. حاجة تقرف ..
لسه والله كنت بتتريق علي موضوع الشيبسي ده . . شيبسي إيه وزفت إيه !!
بالنسبة لفريش , هم أكيد عرّونا في 35 دولة :))
sweet angel
وانتى بالف خير يارب
انا بجد اتنقطت منهممممممم
يارب تكون عجبتك وتيجى ديما :)
ابراهيم رزق
الف سلامة من الحصبه يا استاذنا
عجبتنى فكرتك جدا بتاع الراجل بتاع فريش
جارى الدراسة
دعاء العطار
شفتى الاستفزاز يابنتى
حاجة تنقط
ماهو انا مشكلتى القاعده فى الصيدليه كده كده مفتوح
Timo.
يعنى قصدك تقولى وانتى مالك يا ريمو دعى الخلق للخالق
لاااااااااااا ممكن ابدا دى عالم مستفزة يامين يطولنى رقبتتتهم
سواح في ملك اللــــــــــــــــــه-
طب فدنى بقى افادك الله المسلسل بتاع الحسن ده كويس؟
مصطفى سيف
اااااااااه وده كمان
ههههههههههه
بس بينى وبينك العيال الصغيرين دمهم خفيف فيه
ربنا يسترها
εïз Semsema εïз
طب والله جدعه
بفكر جديا فى حكايه النت دى بس اظبط سرعته الاول
ريــــمــــاس
لا اللى فى الشغل دول حدوتة تانيه هبقى احكيلكم عليهم
فيلم وربنا
Casper
ده انا عندى احساس ان هو مصدر الهبل الموجود كله يا اسامة
sun of free dom
وتغييييييييييييييييييييييييييظ
FAW
انا برده بقول كده ماهو استحاله احنا اللى حظنا فى 3 مراوح بايظين وباقى خط الانتاج فله
اه يابنوتة
بيعرفنا اسباب الفتنة اللي حصلت بين المسلمين
والخوارج
وبيحكي التاريخ كما هو
"ثم يعنى ايييييييييييييييييييييييييييه "زقلطينى" .........حد يفهمنى معنى الكلمة دى اييييييييه؟؟!!"
انا مت من الضحك على دى :D :D
الاحسن بجد ان الواحد مايتفرجش على التلفزيون اصلا
المسلسلات تشل
والاعلانات تجيب هبل للواحد فى دماغه
الموضوع بقى لا يطاق يعنى
ومين سمعك
انا الحمد لله مرارتى انفجرت بس ركبت غيرها
وبرضو انفجرت تانى !
قلبى عندك والله
الف سلامة على مرارتك . . !
المشكلة الملاحظة في إعلاناتنا الفترة الإخيرة
مش رمضان بس
ان الإعلانات بقت زي الأفيه ( زي أتنين بينكتوا علي بعض ) بس الفرق هنا أن اللي بيتنكت عليه هنا هو الشعب اللي لا يملك حق درء هذه الخزعبلات
أصبح ذكر مساوئ المجتمع هو الطبيعي أو الطبيعية زي ما بيسموها
طبيعية الأداء يعني
في مسلسل أسمه شارع عبد العزيز
مش متابعه اوي لأني مش من هواة الميديا العربي اي كان نوعها
في إفيهات بقي ذكرت في المسلسل ده + طبعاً مسلسل الكبير
أكتر من أي مسرحية في مسرح
وكأن الشعب المصري كله أصبح بتاع إفيهات
اللي أقصده أن ده إتجاه عام في كل وسائل الميديا
أفلام مسلسلات إعلانات .... كله كده
سواح في ملك اللــــــــــــــــــه-
هو انا الصراحة نفسى اعرف تفاصيل الفتنه بس ماعرفش مخنوقه من تجسيد الشخصيتين جدا
عباس ابن فرناس
طب ايه كده المرارات هتخلص حسبى الله ونعم الوكيل فيهم
Bent Men ElZaman Da !!
ايون يابنوتة خدتى بالك انتى كل اللى علقوا على البوست طنشوا الموضوع ده
يعنى اييييييييه زقلطينى
haneen adam
تسلمى يا قمرايه
ههههههههههههههههههه
ضحكتيني جداااا
انا كل ما تيجي الاعلانات بسد وداني واقعد اقول لاختي ايه الاعلانات المتخلفة عقلياًَ دي
بجد صحيح كلها مستفزة اوي وبتعصبني انا كمان
ده طلع مش انا لوحدي اللي محروق دمي منهم
الاعلان المفروض يبقي فيه ابتكار لا دول باين عملوا مسابقة لاكتر ناس تفكر في افكار باردة
منهم لله بقي
اول مرة اجي
:)
ومش الاخيرة ان شاء الله
يعنى تغينى تغيبى يا احلى بنوته مصريه وتتحفينا فمقالاتك النقديه الرائعه
والله اختى الغاليه التليفزيون باعلاناته عاوز الحرق فعلا اعلانات مع انى مقصر منها كثيرا جدا لكن بتيجى امام عينى غصب عنى اعلانات استخفاف بعقل المشاهد وبها سؤ النيه واضح جدا هذا بالاضافه للبرامج والمسلسلات الى هتجيب الضغط للمشاهد
رحمنا الله من هذا التليفزيون ومن سلوكياته الهابطه
جزاكى الله خيرا اختى تحياتى الاحـــــلام
نهر الحب
اه والله بجد انا بشوفها بتفقع
منورانى ديما يارب
الاحلام
اصلهم استفذونى جدا يا استاذ محمد
منورنى ديما يارب
السلام عليكم ورحمة الله وبركاته
اهو انا اول مرة اجي هنا انا كمان برضه بس حبيت ادخل اعلق على الموضوع ده بالذات لان في اعلانات كدا بتتعب قلبي ومنهم اعلان ال MMU لو تعرفوه بتاع البنت اللي خطيبها باين بعتلها صورة وعاوزين يبعتوها لواحده صاحبتهم في اسكندرية وواحدة تقولهم مينفعش بلوتوث ؟ ده على اساس انه البلوتوث ده عابر للقارات مثلاً .. ربنا يشفي بجد :D
MeDo ALi
ايييييييه النور ده
اه والله الاعلان دع كمان يفقع
بس قولى ايه رائيك بقى فى المدونة؟
مدونة جميلة شوية ومطرقعة شوية بس كفاية انها محبوبة .. حبيت اهنيكي عليها بس دخلت بالتعليق الأول وانتي اكيد منوراها بوجودك
MeDo ALi
منورها ديما يا محمد
بجد بجد حاجة موستفزة جدااااااااااااااااااااااااااا معاكي حق عجبني جدا كلامك و دي أول مرة أجي هنا و أتمني متكونش آخر مرة و السلام عليكم و رحمة الله و بركاته
فتاه في زمن غريب
ان شاء الله ماتكنش الاخيره ابدا
نورتينى وكل سنة وانتى بخير يارب
هههههههههههههههههههه
أنا كمان مرارتي جابت أخرها بصراحة
كمان مش عاوزاهم يجيبوا اعلانات كوكاكولا بالنهار والجو حر والناس صايمة والراجل قاعد يسرب واعا بتاعتهم دي بتغيظني عاااااااااااااا
لا ولا إعلان دايم يااااااااااالهوي ايه الأب اللي باصص لعياله في الأكل ده
آآآآآآآه يا شللي
إرسال تعليق