الخميس، 18 أغسطس 2011

تخاريف 2




*مؤخرا اصبحت لا اسمح لاحد بدخول عالمى ويقترب منى بسهولة....ليس تكبر او غرور كما يتهمنى البعض........انه محافظة على قلبى من الجرح ليس اكثر

*اسوء شخص فى الدنيا هو اللى يحسسك ان حبك ليه كان غلطتك انت......


*نقطة ومن اول السطر..............

*هو الحب فعلا بيعمل المعجزات؟؟

*مؤخرا يراودنى سؤال عجيب..هو انا بشتغل علشان اعيش ولا بعيش علشان اشتغل؟؟

*عذرا ايها الحب اعلم انى احملك كل ذنوب البشر.....سامحنى فانا مجرد بشر

*عذرا  سيدى فكرامتى مثل الدواء اضعها دائما بعيدا عن متناول الاطفال.......

*بنفرح احنا اوى معشر البنات بمن يقول لنا خدى بالك من نفسك....بس لو حطينا رومنسيتنا دى على جنب هنحس انه لو قال هاخد بالى منك هتبقى احلى بكتير

*بتعجبنى اوى فكرة الاستغباء....كم جميلا ان تكون غبيا وقت اللزوم

*اعدك بانى ساستمر بالتزام الصمت.........

*الكتمان صعب حقيقى..ولكنه الحل الوحيد لما مانلاقيش اللى نبوح له...........

*من قال ان الذى يحب لا يكره كان اولى به ان يقول ان الذى يحب لا يجرح........

*كم هى مؤلمة تلك الاسئلة التى ليس لها اجابات...ارجوكم كفوا عن ايلامى

*ان الاطفال اطهر من فى الكون.....فعذرا لن اصدق سواهم

*دائما احاول ان اعرف حدودى حتى لا اتعداها........

*كان هذا اختيارك فلماذا تلومنى على ردود افعالى؟؟

هناك 34 تعليقًا:

سواح في ملك اللــــــــــــــــــه- يقول...

وداوني بالتي كانت هي الداء

الانسان يفضل يعاتب ويلوم ويلعن سنسفيل

جدود المحبوب طالما ينظر علي امتداد

البصر فلايجد البديل (محبوب اخر )

وحكاية اخري تصنعها اوهامنا

التي طاما استعذبت الالم

تحيتي يانور

دعاء العطار يقول...

"
*بنفرح احنا اوى معشر البنات بمن يقول لنا خدى بالك من نفسك....بس لو حطينا رومنسيتنا دى على جنب هنحس انه لو قال هاخد بالى منك هتبقى احلى بكتير "

الله عليكى يانور بجد .. عجبتنى جداااً

تصدقى بقى ان هاخد بالى منك فى رومانسيتها تفوووق خدى بالك من نفسك

.......

" بتعجبنى اوى فكرة الاستغباء....كم جميلا ان تكون غبيا وقت اللزوم "

ساعات كتير بعمل نفسى غبيه .. او بعمل فيها عبده العبيط وماتسألنيش مين عبده ده D: D:

......

" من قال ان الذى يحب لا يكره كان اولى به ان يقول ان الذى يحب لا يجرح........ "

عندك حق والله يانور .. ولو ماجرحش عمره ماهيتكره (: (:

رغم ان الكلام يبان بسيط الا ان جواه معانى كتييييييير عميقه .. وانا بحب كده أوى

تصبحى ع خير بقى ياأنا (: (:

Bent Men ElZman Da !! يقول...

"*بنفرح احنا اوى معشر البنات بمن يقول لنا خدى بالك من نفسك....بس لو حطينا رومنسيتنا دى على جنب هنحس انه لو قال هاخد بالى منك هتبقى احلى بكتير "
عجبتنى دى اووووى
بس تقريبا احنا بتلكك اننا نسمع اى حاجه حلوه حتى لو كانت ممكن تتقال بطريقه احلى

ابراهيم رزق يقول...

هى مش تخاريف هى صراحة مع النفس
لكن انتى عارفة ايه اللى يخليها تكون تخاريف انها مش مترتبة ترتيب صحيح لان النهاية يجي ان تكون

هو صحيح الحب بيعمل المعجزات

لو جاوبتى على هذا السؤال ستنتهى كل التخاريف

تحياتى

Unknown يقول...

ساعات فعلاً الإنسان بياخد جنب عان بيبقى نفسه يكون لوحده أو بيكون بيداري إحساس باين عليه أو بيحافظ على قلبه زي ما قلتي لكن الناس للأسف بيفضلوا يحاوطوه بالأسئلة اللي مالهاش إجابات.

جميله تخاريفك يا نور
و إبقي خلي بالك من نفسك :)

reemaas يقول...

سواح في ملك اللــــــــــــــــــه-

حل فعال جدااااااااا
ايدى على كتفك

reemaas يقول...

دعاء العطار

اصلى كتباه وانا قاعده مده يا دودو وماكنش فيه حد ورايقه
ههههههههههههه

اول جمله عجبتك دى كاتباها بغيظ جدا على فكرةماعرفش ليه

مين عبده؟:p

reemaas يقول...

Bent Men ElZaman Da !!

من ناحيه احنا بنتلكك فاه جدا كمان
المشكله بقى انهم عارفين اننا بنتلكك وبيستغلوا ده
نفسى نطلع ازكى منهم بقى

reemaas يقول...

ابراهيم رزق

ماهو انا مشكلتى انى مابعرفش ارتب يعنى اللى بيجى فى دماغى بكتبه

الكلام ده له حدوتة اصلا ده كلام بجمعه من على ورق بلاقيه قدامى كل شويه فى الاوضة او بين صفحات الكتب كنت كتباه لييييييييه

تلك قصة اخرى

فعلا لو عرفت الاجابه كانت انتهت

reemaas يقول...

شيرين سامي

السؤال بقى
لاوم احنا نفسرلهم سر اخدنا الجنب ده ولا مش مهم؟

مصطفى سيف الدين يقول...

والله مش عارف اقتبس ايه ولا اعلق على ايه
من احلى البوستات اللي قريتها النهاردة
عجبتني افكارك وتخاريفك اللي مش بسميها تخاريف اوي
تسلم ايدك

عباس ابن فرناس يقول...

وحده وحده وبهداوة ههههه (امزح)
بجد كل نقطة عايزة حسبة لوحديها
يعنى مثلا الحب بيصنع المعجزات ؟
اه بيصنع المعجزات وبيصنع كمان المأسى

ويمناسبة الحديث عن معشر البنات والاقتراح بوضع الرومانسية على جنب
والاستعانة بالمنطق هو اقتراح مناسب
لكن العبرة بالقدرة على التحمل

وعلى ذكر الغباء الكثير يفضل المراءة غبية ولكن لم اكن اظن انكم سوف تثتسمرو هذه الصفة بصورة ايجابية

اما الذى قال ان الذى يحب لا يكره ولم يقول لايجرح
لان الحب والكره لايجتمعان
لكن الحب والجروح متلازمان !
فالحب مثل امراض السكر
ويجب ان نكون حذرين ونحن نقف فوق ارضه الحادة

بتاكيد مؤلمة تلك الاسائلة التى ليس لها اجابات لكن على الاقل هى ديناميكية
شديدة الدفع وفى كل اتجاه

انتهى

نأسف للاطلة
وقد استعنا بالوقت
لكنه لم يمكنا من الايجاز !

reemaas يقول...

مصطفى سيف ي

فرحانه جدااااااااااااا انها عجبتك

غير معرف يقول...

مساء الغاردينيا نور
اولاً اعتذر عن تأخيري
ومهما تأخرت اكيد هكون هنا
دي مش تخاريف والله درر وكل سطر عجبني اكتر من التاني بس حبيتها اوي خدي بالك من نفسك بجد لمست احساسي :) "
؛؛
؛
لروحك عبق الغاردينيا
reemaas

Amira Yusuf يقول...

*بتعجبنى اوى فكرة الاستغباء....كم جميلا ان تكون غبيا وقت اللزوم

هههههههههههه بتنفعني اوي الحته دي

reemaas يقول...

عباس ابن فرناس
اطاله جميله منك يا عبس ومنتظرة اشوف معجزاته دى

عجبتنى اجابه سؤالك فى حكايه الجرح والكره رغم انها مش منصفه

بالنوسبة لحكايه الغباء فنفسى افهم ليه بيحبوها غبيه ؟مش واثقين من نفسهم مثلا؟
عموما انا اقصد الاستغباء وليس الغباء;)

reemaas يقول...

ريــــمــــاس

تنورينى ديما يا ريمو المهم التاخير يكون بسبب خير

كل البنات المفروض تاخد بالها من النقطة دى

reemaas يقول...

mira@

طبعاااااااااااااااا ياميرو ليها وقتها

الجوكر يقول...

أجدتِ التخريف

فإنها تخاريف بطعم الشهد

وكنسيم الصباح

مودتى

reemaas يقول...

الجوكر

تسلم يا جوكر واكييييييييييد منورنى

نهر الحب يقول...

بحب اوي الكتابة دي
بحسهاطالعة من القلب علي طول
عشان كدة بتوصل للقلب علي طول برضه
.........
اسوء شخص فى الدنيا هو اللى يحسسك ان حبك ليه كان غلطتك انت
......بس ممكن بجد احنا اللي نكون غلط وهو مغلطش لما محسش حبنا ده..يمكن
........
هو الحب فعلا بيعمل المعجزات؟؟

انا شايفه كدة مع ان كل الدنيا والناس حواليا بيثبتولي عكس ده بس برضه انا مصممة علي رأيي
.........
مفيش حد بيقول حاخد بالي منك....مفيش للأسف...واحان عشان بنات ورومانسيين زيادة عن اللزوم بندقق في كل حرف كلمة..:))
.....

كم هى مؤلمة تلك الاسئلة التى ليس لها اجابات...ارجوكم كفوا عن ايلامى

الاسئلة اللي ملهاش اجابات مؤلمة اوي اوي صحيح...لكن الحيرة لازم تكون موجودة ديما

........*ان الاطفال اطهر من فى الكون.....فعذرا لن اصدق سواهم

انا كمان
...
عجبني البوست ده اوي عشان فيه كتير مني
:))

آخر العنقــــــود يقول...

*عذرا سيدى فكرامتى مثل الدواء اضعها دائما بعيدا عن متناول الاطفال

*بتعجبنى اوى فكرة الاستغباء....كم جميلا ان تكون غبيا وقت اللزوم

رائعة رائعة رائعة
أبدعتِ يا ريماس
وما أحلى تلك التخاريف :)

شط اسكندرية يقول...

ريماس يمكن ده اول تعليق ليا بس شدنى اوى
التوبيك بتاعك بس وحبيت اعلق :
احلى كلام هو اللى من القلب حتى لو مش مرتب اكيد اللى هيقراه هيحس بيه , واحب ارد على سؤالك ان الحب بيعمل المعجزات ؟
فعلا فهو يصنع المعجزات!*بتعجبنى اوى فكرة الاستغباء....كم جميلا ان تكون غبيا وقت اللزوم
ان ما يسميه البعض غباء هو فى الاصل حب ولكنه ليس ضعف فقوة المرأة فى ضعفها.
وفى النهاية احب ابدى اعجابى بقلمك وتخاريفك الرقيقة اكيد زيك

فى امان الله

الاحلام يقول...

الخب هو الحب ريماس فلابد ان يجرح القلب حتى وان كان هناك حاجز فالحب يكسر كل الحواجز ويدخل بدون استئذان
تحياتى بسرعة دقات القلب
الاحــــــــــلام

شهراذاد يقول...

ممكن أكون الانسانه أللي تحكيلها ووعد لو منفعتكيش مش حضرك

ابراهيم رزق يقول...

كل سنة و انتى طيبة
كل سنة و انتى اكثر تحقيقا لذاتك

عيد سعيد عليكى

reemaas يقول...

نهر الحب

نورتينى وكل سنة وانتى بخير يارب

مبسوطة انه عجبك والله اهى حبه افكار على الماشى كده

reemaas يقول...

شط اسكندرية

نورتينى جداااااااااااا وفعلا اوقات الغباء يبقى كده بس تقولى لمين

reemaas يقول...

آخر العنقــــــود

طبعا يا بنوتة عمو العبيط ده بينفع
كل سنة وانتى طيوبة

reemaas يقول...

الاحلام

يكسر زى ما يحب بس ما يجرحش
كل سنة وحضرتك طيب

reemaas يقول...

شهراذاد

منورانى وتسلمى

reemaas يقول...

ابراهيم رزق
الاحلام

كل سنة وانتم بالف خير يارب وعيد سعيد عليكم وعلى حبايبكم

reemaas يقول...

جايدا العزيزي

وانتى بالف خير يا قمرايه ينعاد عليكى بكل خير يارب

هينو يقول...

كما أعتدت هأعلق على كل منها
معلش بقى استحميليني



*مؤخرا اصبحت لا اسمح لاحد بدخول عالمى ويقترب منى بسهولة....ليس تكبر او غرور كما يتهمنى البعض........انه محافظة على قلبى من الجرح ليس اكثر


في دي عندك حق وهأحاول أطبقها

*اسوء شخص فى الدنيا هو اللى يحسسك ان حبك ليه كان غلطتك انت......

ده شخص بيضحك ع نفسه


*نقطة ومن اول السطر..............


بأقولها كتيـــــــــــــر بس بأكتشف اني بأرجع وأكتب نفس السطر أكيد ده غباء مني بس ايه الحل مش عارفة ؟؟؟؟؟يا ريت تقدري تفيديني

*هو الحب فعلا بيعمل المعجزات؟؟
لأ ........لأن زمن المعجزات انتهى :)

*مؤخرا يراودنى سؤال عجيب..هو انا بشتغل علشان اعيش ولا بعيش علشان اشتغل؟؟

لأ بنشتغل عشان منفكرش كتيــــر لأن الفراغ أسوأ مرض من وجهة نظري

*عذرا ايها الحب اعلم انى احملك كل ذنوب البشر.....سامحنى فانا مجرد بشر

البشر هم اللي أذنبوا في حق الحب وانتي جاية تعتذري مكانهم ......للأسف مش انتي اللي غلطتي في حقه

*عذرا سيدى فكرامتى مثل الدواء اضعها دائما بعيدا عن متناول الاطفال.......

هههههههههههههههههههه حلوة جدا متتخيليش مدى إعجابي....ساعات القعدة مع الدوا بتفيد الخيال برده :)

*بنفرح احنا اوى معشر البنات بمن يقول لنا خدى بالك من نفسك....بس لو حطينا رومنسيتنا دى على جنب هنحس انه لو قال هاخد بالى منك هتبقى احلى بكتير

تصدقي صح إحنا فعلا سزج برومنسيتنا دي .....
*بتعجبنى اوى فكرة الاستغباء....كم جميلا ان تكون غبيا وقت اللزوم
هههههههههههههههههههههه سبحان الله بتيجي معايا بالصدفة هههههههه يمكن الغباء ده العادي عندي ؟؟؟؟؟


*الكتمان صعب حقيقى..ولكنه الحل الوحيد لما مانلاقيش اللى نبوح له...........

امممممممم المشكلة انه بيبان عليا


*من قال ان الذى يحب لا يكره كان اولى به ان يقول ان الذى يحب لا يجرح........

حلو جدا .....

*كم هى مؤلمة تلك الاسئلة التى ليس لها اجابات...ارجوكم كفوا عن ايلامى

منهم لله اللي بيتحشروا في اللي مالهمش فيه

*ان الاطفال اطهر من فى الكون.....فعذرا لن اصدق سواهم


طب انا طفلة موافقة ولا لأ؟؟؟؟؟؟؟؟


*كان هذا اختيارك فلماذا تلومنى على ردود افعالى؟؟

هأقولك غباء منه