شوفت النهاردة فيلم حلو اوى اسمه eternal sunshine of te spotless mind
الفيلم ده فيه اتنين بيحبوا بعض واختلفوا وانفصلوا واتوجعوا فراحوا لدكتور بيقدر يمسح الذكريات المؤلمة والاشخاص من المخ .. بيخليك تجيب كل الحاجات المشتركة بينكم هدايا وخلافه وبتعمل خريطة لذكرياتكم ويركب فوق دماغك جاهز ويمشى ورا كل ذكرى ويمسحها فتصحى خالى من الشخص اللى وجعك بذكرياته الحلوة والوحشة بحيث لو شفته ولاتعرفه!
الفكرة بغض النظر عن نهاية الفيلم غريبة وشدتنى .. لو فعلا ممكن ده ومش مجرد خيال ..هل ممكن نعملها؟! هل عندنا الجرأة نخوض التجربة؟ هل التجارب لو سيئة تستاهل تتمحى كدة ؟ طب هنتعلم ازاى؟! طب لو التجربة سيئة والشخص سيئ ماكنش فيه ذكرى حلوة تستاهل تفضل؟
طب فرضا اننا مسحناه ورجعنا قبلناه تانى هل ممكن نقرب ونحبه تانى ؟ هل ممكن تشدنا نفس الصفات ونكرر نفس التجربة ؟ اسئلة كتيرة فكرت فيها طول الفيلم وابقى كدابة لو قلت ان فيه اجابات قاطعة ليها عندى
الفيلم حلو
هناك تعليق واحد:
ياريت نقدر نعمل كدا
كنا بقينا فى مكان وزمان مخنلف تماما
إرسال تعليق