الأحد، 8 مايو 2016

# الحلم










28\4\2016

يوم مش عادى ولا هيكون ذكرى زفاف عادى..
ده يوم تحقيق الحلم..
حلم قلبين..
عارف يعنى ايه تحلم حلم وتعيش تتمناه وتحاول تتخيل تفاصيله من 3 سنين تقريبا..!!
عايش فى الحالة دى وانت اصلا مش عارف اليوم ده هيتحقق ولا لأ..
وتعدى سنة ..وتتحدد ملامح الحلم اللى كنت خايف عليه..
فتخاف عليه اكتر..
وتحاول تحميه اكتر..
طبيعى أصله خلاص خرج من حيز الاحلام المستحيلة لحيز الاحلام الممكنة..
وكل ما تقرب خطوة من الحلم كل مايكبر اكتر وتخاف عليه اكتر ..
ويعدوا السنتين وانت بتعافر.. مابقاش مجرد حلم بتسعى لتحقيقه ده بقى هدف عايش علشان تحققه بتفاصيله..
ويتحدد يوم الحلم ..
ويبدأ العد التنازلى اللى كان بيمر ببطء الحقيقة..
وبتصبر,وصبرك بيعلقك اكتر وبيربط كل احلامك اللى بعد كده بالحلم ده.. بيربط كل حياتك بيه..
توترات وشد وجذب وضحك ودموع وحاجات كتير بتمهد لفرحة عمرك..
يمكن علشان تخلينا نعرف ان تمن الفرحة دى ماكنش بالساهل ولازم نحافظ عليها..
وكان اليوم وكانت اللحظة..
ولبستلك اخيرا الفستان الابيض وكنتلك زهرة نيسان..
وكان فرحنا وكانت الفرحة المعدية اللى اتنقلت من قلوبنا لعيونَا لعيون كل اللى حوالينا..
وبقى لينا بيتنا اللى رتبناه بإدينا واختارنا كل تفاصيله على زوقنا..
بقى لينا حياتنا اللى أوعدك انى اخليهالك جنة تستحق التعب اللى تعبناه علشان نوصلها.

هناك 5 تعليقات:

غير معرف يقول...

يازيدى يازيدى
ربنا يسعدكم
ويخلينى ليكم h@a

P A S H A يقول...

ألف ألف مليون مبروك يا دكتورة وألف ألف مليون مبروك يا عريس
:))
بارك الله لكما وبارك عليكما وجمع بينكما في خير ورزقكما بالذرية الصالحة إن شاء الله
:))
خبر جميل جداً وفرحنا قوي والله
ربنا يسعدكم ويفرح قلوبكم ويبعد عنكم كل شر ويحفظكم من العين
:))

E73 يقول...

ربنا يفرح قلبك يا ريمي ويحققلك كل احلامك
بارك الله لكما وبارك عليكما وجمع بينكما في خير
وانت تستاهلي كل خير

E73 يقول...

دا احتفالك بيوم ميلادي ^_^
نشنتي D:

reemaas يقول...

الله يبارك فيكم يا جماعة ميرسى كتيييييير