الأحد، 17 أبريل 2016

رسالة 41 (رسايل الى مجهول)













(41)

استعد علشان انت بقيت مصباح علاء الدين السحرى بالنسبالى..

كل لما اطلب حاجة منهم فى البيت يقلولى لما تتخطبى!

يعنى مثلا اقربها امبارح.. كنت عاوزة اروح القاهرة وماما خافت عليا وقالت لما تبقى مسؤولة من راجل ابقى روحى وتعالى !

انا عاوزة اصبغ شعرى .. لما تتخطبى

عاوزة اتعلم السواقة واجيب عربية.. لما تتخطبى يبقى يعلمك وعينى فلوسك لجهازك

وهكذا.. 

قيس بقى كل احلامى او امنياتى او خططى..

كل شئ بقى مربوط بيك..

بصراحة اوقات بحس انك صعبان عليا وراك حاجات كتير اوى بس هعمل اى

صدقنى حاولت احققها لوحدى بس ماحدش سامح..

 استحمل بقى
مرسلة بواسطة في

هناك تعليق واحد:

P A S H A يقول...

ينفع الواحد يسلم عادي من غير ما يعلق؟؟
D:

وبعدين فيه حد برضه يروح القاهرة يا دكتورة؟؟؟؟
تحياتي واحترامي

20 أبريل 2016 في 5:30 م

إرسال تعليق

الاشتراك في: تعليقات الرسالة (Atom)