الأحد، 4 مايو 2014

أن تكون سنجل ..








أن يحسدك كل مرتبط يواجه مشكلة ما حتى ولو كان مسمار دخل فى رجله..فتجرب أن تواسيه فيقول لك بحقد طبعا مانت رايق وملك زمانك مش شايف الهم اللى انا شايفه!
أن يحسدك كل مرتبط لم يوفق فى اختياره ويرى انه قيد نفسه لاخر العمر وانهى مرحلة الشباب بدرى بدرى بتحمل مسؤلية من لا يقدر ويقول لك فى حقد طلعت أروبة ومستنى لما تقع واقف مش زى أهبل !
ان يلجأ اليك كل مرتبط ليبثك أحزانه وألامه وبلاويه.. واذا سولت لك نفسك ان تقوم بالمثل فانت شخص تافه انت ومشاكلك..اين انت من مسؤلياته الجسام؟! اين انت من شكوى شريك الحياة وزنه وملاحقته له بالطلبات؟! اين انت من اسهال الواد ولا رشح وسخونية البنت ولا الدروس الخصوصية ولا اقساط الشقة؟!
 أن توصم دائما بانك حاسد.. او تُحسد على روقان البال او تتهم بانك مش فاهم حاجة فى الدنيا او تواسى لانك لسة ماعشتش الدنيا وانك لسه على البر!


هناك 3 تعليقات:

Do3aa El_attar يقول...

لا سينجل مرتاح ولا مرتبط مرتاح :D

الدنيا باختصار تخلي فترة مشاكل عشان تدخلي فترة تانية من المشاكل .. اللي بيفهم بقى هو اللي يشوف حلو كل فترة مش يقضي عمره بيتحسر على فترة عدت كان مش طايقها :D

وحشني هنا :*

Nour يقول...

أن توصم دائما بانك حاسد.. او تُحسد على روقان البال
جبتي المفيد :D

Unknown يقول...

حبيبت قلبي مصيبتنا ان كل واحد مبيشفش غير نفسة محدشبيحط نفسة مكان اللى قدامة للاسف كل وا بيقتكر ان همة نهايت العالم ومبيفكرش فى اللى حواليه