الجمعة، 16 مايو 2014

عنها..24







استيقظت ذلك اليوم وهى لاتدرى ما بها.. تتحرك لا اراديا لتنفيذ خطوات تكاد تكون مرسومة..احساس رهيب بالتيه.. احساس يلازمها منذ فترة ليست بالقصيرة..

اخذت تعد الطعام لاطفالها وزوجها قبل عودتهم للمنزل.. عندما اتصلت بها امها..
اخذت تحكى لها حكايات كثيرة وهى تستجيب بهمهمات لامعنى لها ولا انفعال بها ينم عن فهم لما يقال.. سألتها امها ما بها
فقالت:مافيش حاجة يا ماما
قالت الام: ازاى ده انتى فى دنيا تانية مش سامعة ولا مركزة ولا بتردى
قالت: لا سامعة بس هرد اقول اى يعنى
فوجئت الام بالاجابة فقالت: شكل حكاياتى بقت مملة  .. قالتها بحزن افاقها  فاسرعت تجيب : لا طبعا يا ماما ماقصدش انا بس صاحية مرهقة  ومش مركزة
قالت الام بحنان طيب اسيبك دلوقتى وهطمن عليكى كمان شوية!

اغقلت الخط وهى نادمة لانها ضايقت امها بدون سبب .. اتصلت بصديقتها لتبحث لديها عن تفسير لحالتها وعندما سمعت صديقتها صوتها على الهاتف قالت لها: انتى بنت حلال كنت هكلمك حالا احكيلك على اللى عمله البيه جوزى ........
وكلام كثير لم تسمع منه شيئا.. كل مالفت انتباها انها لم تنطق.. لم تنتبه الا على صوت صديقتها تسألها عن رأيها فى جرم ما ارتكبه زوجها... لم تجد ماتجيبها به فاعتذرت لعدم انتباهها لانهامصابة بصداع
سكتت صديقتها ثم قالت: اسفة صدعتك .. فسارعت تعتذر: لا لا مش قصدى انا كده من الصبح.. وانتهت المكالمة وهى شاردة
صارت اعتذارتها كثيرة فى الايام الاخيرة.. اعتذرات عن شرودها وعن اقوال او تصرفات تخرج منها بقصد وتصل للاخرين بشكل اخر  مما يدفعها لتكرار كلمة معلش ماكنش قصدى.. اصبحت كالاناء الممتلئ لا تستطيع استيعاب اى شخص ..
هل فقدت القدرة على ايصال مشاعرها وافكارها ام من حولها هم من فقدوا القدرة على فهمها؟ هل تقصد فعلا ماتقول وتعتذر فقط عن نتائجه ام هى بالفعل لا تقصد .. وتفاجأ مثلهم بما تقول!

هناك 9 تعليقات:

P A S H A يقول...

جميل البوست ده يا دكتورة ومعبر جدا ، عبرتي عن حالة كتير مننا بيعيشها وإن كنا غالبا ما بندورش على أسبابها ولا بنعتذر لنفسنا عنها قبل ما نعتذر للأخرين عن تصرفاتنا اللي غالبا بتكون مرآة لما نشعر به تجاههم.
:)
خالص تحياتي

Do3aa El_attar يقول...

هي زي ما قولتي ي نوري إناء ممتليء .. محتاج يفضى شوية عشان يعرف يستوعب بعد كده .. محتاجة سكينة وهدوء وخلوة بنفسها عشان تقدر تستجمع قوتها وتقدر تواصل :)

Do3aa El_attar يقول...
أزال المؤلف هذا التعليق.
نهر الحب يقول...

بتحصل ساعات ان الواحد ميبقاش عارف يعبر عن المشاعر اللي جواه ودي اصعب مرحلة بنوصلها

وووبس
:)
وحشتيني

اسماء عبدالعزيز يقول...

جميل اوي اوي لمست حاجات كتير جوانا ..ممكن فعلا وصلت لحالة تشبع لم يعد في الامكان التحمل .. شويه اجازه وتجديد للعوده من جديد
دام الابداع

reemaas يقول...

P A S H A

مبسوطة انه عجبك ياباشا

reemaas يقول...

Do3aa El_attar

مانا بقول كدهون :)

reemaas يقول...

نهر الحب

وحشانى جدا

reemaas يقول...

اسماء عبدالعزيز

منورانى :)