السبت، 4 يناير، 2014

كلمات..










الحب

* انك تلاقى راحة قلبك وبالك

*انك تلاقى سند.. امان.. ضهر تتحامى فيه

*انك تواجه اى مشكلة وانت عارف فى حد هيدافع عنك او عقل هيفكر معاك او حتى يسمعك وانت بتفكر بصوت عالى

*انك تبطل تفكر فى الماضى وجراحه والامه وفجأة تلاقيك بتبص بأمل للمستقبل

*انك تحلم.. وتبقى عندك ثقة ان اللى بتحبه على الاقل هيحاول يحققلك حلمك.. وتبقى سعيد كمان بمجرد المحاولة دى

*انك فجأة تبقى حد بيهتم بالتفاصيل

* ان عنيك تلمع ووشك ينور

*انك تلاقى نفسك بتحب حاجات وبتتقبل حاجات ماكنتش بتيجى فى دماغك ولا بتحبها لمجرد تشاركه بس فيها

*انك تحاول تستغل كل دقيقة علشان تكون فيها ذكريات حلوة على اد ماتقدر

هناك 6 تعليقات:

نهر الحب يقول...

مش عارفة ليه من شوية جه علي بالي وسألت نفسي هو ايه هو الحب؟
مش عارفة بجد
خفت فجأة نبقى حاسين الحب وبنقول بحبك وهو مش حب
مش عارفة حتفهميني واللا لأ

بس كلامك عن الحب عجبني....وطمني
:)

Gamal Abu El-ezz يقول...

وصف جميل ودقيق لمعنى الحب
وقد ايه بيكون جميل لو كان فيه تبادل للحب بين الحبيبين



تحياتى

الأمير يقول...

السلام عليكم وكل سنة وانتي طيبة

الحقيقة عجبني في البوست إخر جملتين أوي

رغم ان عندي نقد لكام جملة كده
بس مش لازم من أول زيارة كده :)


تقبلوا مرورنا .

reemaas يقول...

نهر الحب

توارد افكار كالعادة يا دودى مبسوطة انها فادتك

reemaas يقول...

Gamal Abu El-ezz

ربنا يوعدنا :)

reemaas يقول...

الأمير

مبسوطة انى فى حاجتين عجبوك بداية حلوة :)