اسفة
فى حياتى كلها ماتخيلتش انى ههتم بزعل حد كده .. ولا عمرى حسيت انى لما بكون سبب فى فرحة حد هبقى انجزت كده..
عمرى ما دورت على طرق علشان اصالح حد زعلته.. كنت دايما شايفة ان مجرد الاعتذار كاف..
معاك .. كل ده اختلف زى ما اختلفت حياتى كلها من يوم ما ظهرت فيها .. بقيت بحس انك طبطبة ربنا عليا.. زعلك بيوقفنى عاجزة بحس انى مش بس عاوزة اصالحك او ارسم الابتسامة الصافية تانى على ملامحك .. لاء.. مش كفاية .. انا عاوزة امحى من ذاكرتك اى لمحة حزن .. ماتفتكرهاش اساسا.. بس ياريت كان ده ممكن.. ياريتنا نقدر نمحى اخطأئنا ولا كأنها حصلت
هناك 10 تعليقات:
بصي يا ستي
الناس اللي بنعمل عشانهم دع بيبقوا حاجة من اتنين يا اما حد وحيد حبيناه من قلبنا
يا اما ناس قليلين اوي في حياتنا زي الاهل والصحاب الغاليين اوووي عندنا
وانا شايفة دي اعلي درجات الحب
وده المعني الحقيقي للحب
انك تبقي عاوزة اللي بتحبه بس يبتسم ومتقدرش تشوفه زعلان منك او من حد تاني ويمكن لو حصل ده متنامش ولا تاكل ولا تشرب
الوحيد اللي ممكن قبل ما عيد ميلاده ييجي بست سبع شهور تقعد تفكر في فكرة جديدة ومميزة تعملها عشان تفرحه
حاجات كتير شبه دي
صدقيني الناس اللي بنحس معاهم ده مينقعش ابدا نسيبهم يضيعوا بسهولة من ايدينا مينفعش نتخلى عنهم ابدا
عشان بيخولنا نعيش
عارفة كمان
بيعيشونا حتى لو هما ميعرفوش غلاوتهم دي
:)
واخيييييييييرا
هاااااااااااااااحححححححححححح
نهر الحب
صح جدا والله تعرفى اوقات حتى مابنعرفش نقولهم هم غاليين اد ايه من كتر ماهم غاليين
بس حلو التنهيدة هههههههههههههههههههههه
فهماتى انتى يا دودو
قبل فترة أقرب صديقة ليّا زعلت مني، وبجد حسيت معنى كلامك دا .. مكنتش متوقعة خااااااالص انها ممكن تزعل، ومكنتش متوقعة خااااالص اني ممكن للدرجاتي أتأثر بزعلها ..
وبعد كدا حلفت مية يمين انو خلاص هي الخسرانة وليه مسامحتنيش وكدا، ولما تصاالحني عيطت من الفرحة، انا نفسي معرفتنيش .. معقولة في ناس للدرجاتي معزتهم قوية فقلبنا؟
والأسمى من كل دا انهم اصدقاء وإخوات .. مش أحباب ولا في بيننا أي مصلحة
ياريت نقدر
بجد
ياريت
تصدقي فعلا مبعرفش اعتذر واكتشفت دا في موقف كان مجرد كلمة آسفة غير مرضية للطرف الآخر
بأمانة احترت ومعرفتش المفروض اعمل ايه!!
يـــــــــــــاااااااااااااه يا نور
طب لو قلبنا الموضوع
وخلينا الطرف التاني مخطئ بإعتذاره هيبقى كأن شئ لم يكن و لا لأ ....؟؟؟؟
زينب علي
حصلتلى فعلا انا كمان مع اعز صحباتى :(
E73
ههههههههه اهلا بيكى فى عالمى :)
هينو
اانا عن نفسى بسامح بسرعة :)
الأخطاء في اوقات كتير بتكون هي السبيل الوحيد عشان الواحد يعرف الصح نوصله أزاى
شوية أخطاء بنهاية كويسة مفيهاش ضرر :)
إرسال تعليق