الثلاثاء، 5 فبراير 2013

عن ..الشتا






عن كوباية النيسكافيه السخنة..

عن الشرابات والجوانتيات ام الوان زاهية..

عن لبس الشتا اللى بيحسسك بالهيبة..

عن تخزين الهدوم الصيفى وتنزيل الشتوى ..

عن لمة العيلة على سرير واحد والفرجة على التليفزيون..

عن تمن الفول وتمن اللب اللى بتشتريه وانت مروح علشان السهرة تحلى..

عن شربة العدس بنكهتها الشتوية جدا..

عن ازاز الشباك اللى بيتكثف عليه البخار وبتلاقى نفسك بترسم عليه اول حرف من اللى بالى بالك..

عن ليلة راس السنة ..

عن الوقوف ورا الشباك والفرجة على المطر والدعوة المستجابة وقتها..

عن احساس الدفا بعد التكتكة..

عن الالوان اللى كل ما بتغمق كل ما بتدفيك..

عن الوضوء بمية ساقعة علشان تكسب ثواب..

عن التمشية على الكورنيش تحت المطرة الخفيفة وريحة المطر اللى بتملى بيها صدرك فى شهيق  بتحاول تحتفظ بيه جواك على اد ما تقدر..

عن الايس كريم اللى بيحلالك تشتريه فى عز البرد..

عن الكوفية اياها..

هناك 24 تعليقًا:

ابراهيم رزق يقول...

يا سلام يا نوووووووووور
حببتينى فى الشتا و انا مش بحبه
مش بحب ليله ليله طويل و موحش

بس انا فهمت كل حاجة فى البوست الا اللى بالى بالك
ههههههههههههه

تحياتى

Unknown يقول...

تمن فول ولب ماشى هعديها !!!!!!!!!!!!!
ههههههههه

SHARKawi يقول...

تسلم اديكي . جميلة جدا كلماتك .
بسيطة لذيذة وليها مذاق شتوي بارد ودافيء في آن واحد .
اسلوب سهل وله نغمه ممزوجة بمشهد خيالي حقيقي .
وتلك الابتسامة المرسومة من بين الكلمات . اقتباس ( .. اول حرف من اللى بالى بالك.. ) ، ( عن الكوفية اياها.. ) .

تشكراتي ، كامل تقديري واحترامي . لكي مني تحياتي ودعواتي

موناليزا يقول...

"عن لبس الشتا اللى بيحسسك بالهيبة.. "

تصدقى اول مرة آخد بالى فعلاً ^_^

"عن الوقوف ورا الشباك والفرجة على المطر والدعوة المستجابة وقتها.. "

أنا بتفرج على المطر وأنا تحته :) ماينفعش اقابله من ورا الشباك :)


"عن الوضوء بمية ساقعة علشان تكسب ثواب.."

مين قال ان المية الساقعة فيها ثواب طيب والسخنة مفيهاش !!!

الله على رائحة المطر لا أمِل من استنشاقها وودت لو وضعت فى قنينة كما توضع أزكى الروائح ♥

E73 يقول...

كل سنة وانتي طيبة يا بنوتة ^_^

سواح في ملك اللــــــــــــــــــه- يقول...

وصفتي الجمال يانور في كلمات بسيطة

Do3aa El_attar يقول...

هو انتي بقيتي تحبي الشتا من ورايا ولا دي تهيئات :D

بس على فكرة طعم البوست حلو :)

Unknown يقول...

"عن لبس الشتا اللى بيحسسك بالهيبة.. "

مُعبره :)

reemaas يقول...

ابراهيم رزق
هههههههههههه دى يا ابو زياد للى عنده بالى بالك بقى

reemaas يقول...

mahmoud khalaf

هههههههههههههه يا محمود انت عارف اللى فيها

reemaas يقول...

SHARKawi

تسلم يا شرقاوى يارب ديما يعجبك اللى اكتبه

reemaas يقول...

موناليزا

ماهم يا مونى اللى بيقولك لو استعحملتى مشقة المية الساقعه الثواب يكبر بقى وكده لكن ربك كبير اكيد بيحتسبلنا المية السخنة بردو

reemaas يقول...

E73
وانتى طيوووووووووووووووبة ياقمراية

reemaas يقول...

سواح في ملك اللــــــــــــــــــه- ي

ربنا يخليك يا خالد

reemaas يقول...

doaa elattar

يا دودو يا حبيبتى انا بحب التفاصيل بس لكن انا عند موقفى هههههههههه

reemaas يقول...

Bassam elsayed

بسام باشا منورنى والله

نهر الحب يقول...

عن وعن وعن.....عن كوووووووول ده
فيه حاجات منهم كتير وحشاني
المشي ع البحر وريحة المطر
القعدة في البيت....
:)))

وحشني كلامك

افكار مبعثرة يقول...

تصدقي انا مش هواة الشتا ابدا و بيجيلي اكتئاب فيه
حبيته من كلامك اويييييييييييييييي
وزدوي بقا كباية حمص شام مشطشطة
و قاعدة تحت البطانية بكتاب و مج كاكاو
تسلم ايديكي:)

reemaas يقول...

نهر الحب

ده انا حاسة انى بقيت رغاية يا سوسو والله ههههههههههههههه

reemaas يقول...

افكار مبعثرة

تصدقى انى نفسى ادوق حمص الشام ده :)

Mahmoued Omar يقول...

عن وعن وعن .. عن كل حاجه حلوه بنحبها بنعشها بحلاوتها وقسوتها :)

reemaas يقول...

Mahmoued Omar

صح عن كل الحاجات دى
منورنى يا كينج

Tamer Moghazy يقول...

عن..
عن..
عن.. الدفا..
اللي ما بنحسش بيه..
الا مع لسعة البرد..

صباحك شمس ودفا نور :))

reemaas يقول...

Timo..

صباحك احلى من السكر