بحب انا جدا اتامل البحر او النيل وده على حسب مودى.. اوقات ببقى فى مود احب اشوف فيه البحر بموجه العالى وهو فى عز ثورته..وفى مود تانى بحب اشوفه وهو هادى كده وصافى ومش مزعبب
وعندى مود بحب فيه اشوف النيل وهدوؤه وسكونه وتقله ورتابته وملله لو جازلى التعبير...انا حاليا بقى فى مود النيل...
شفت مشهد فى التليفزيون بينقل البطل وهو واقف فى مكان على النيل فى القاهرة وقاعد على سور منخفض كده وشه للنيل الهادى وضهره للناس والزحمهة ..ضهره للدنيا كلها..
اتمنيت وقتها الاقى مكان زيه بس اجيب القاهرة منين انا دلوقتى؟!!
طب انا احير نفسى ليه مانا عندى نيل فى المنصورة بردو..نزلت اتمشى على المشاية وادور على المكان اياه..لقيت زيه بس للاسف...مكان مشوه
سور عالى ماينفعش يتقعد عليه..ولو قضتها واقفه هلاقى تحت نظرى زباله ..زبالة ..زباله..على طول المشاية زبالة.. مشيت على امل انى الاقى مكان خالى منها..على الفاضى !
ذنب الناس اللى رمت الزبالة ولا ذنب الحكومة اللى مابتشلش الزبالة واللى مابتمنعش رميها..البيضة الاول ولا الفرخة...مش فارقة معايا وقتها المهم ان المنظر باظ ولو غضيت النظر والشم فاستحالة هغض السمع عن اللى يمشى ويلاقى بنت واقفة لوحدها مش ماشية مع محرم او مع شلة بنات خارجين مع بعض يحموا بعض اكتر منهم يتسلوا
باظت القاعدة وباظت الواقفة واخدتها من قاصرها وحطيت نفسى فى تاكسى مشغل نشرة الاخبار !!
وروحت ....
هناك 18 تعليقًا:
نور مدوناتنا
كيف يروق لك التأمل ومصر باكية تذرف دمعا بحجم ماء النيل
اقسم بالله اننى اول امس كنت مستقلا راكبه وانا فى طريقى من العتبه الخضراء الى المعادى مارا بكورنيش النيل وكانى ارى النيل يرمى قطرات دمعه على عتبة الكونيش كدما وندما على ما وصلت اليه مصرنا الحبيبه
لك الله يا مصر
تحياتى يا نور
الفاروق
شيء صعب فعلا ان يوصل بنا الحال لكدا .
ويوصل النيل للشكل دا .
وزي ما قال الجخ . يعني اية تبقي انتي هبة النيل . بس المرة دي وتبقى الزبالة ملياه . وف كل حتة التراب نلاقيه .
تعرفي انا كنت فعلا عملت زيك في مرة . وقعدت اتمعنت وبحب جدا هدوء النيل .
بس لاقيت اللي اصعب من اللي انتي لقاتية . لاقيت حمار في النيل .
كتبت موضوع عن الشيء دا .
http://sha5abit-shr2wi.blogspot.com/2010/12/blog-post_9455.html
بالتأكيد قدرتي ان انتي بكلماتك توصفي مدى المعاناة اللي بيحسها حد ما لما يروح يشوف الجمال ويلاقيه متحول لمنتهى القبح .
تقبلي تشكراتي . تحياتي . تقديري وكامل احترامي .
مش عارف اقولك ايه يا نووووووور
دايما الخيال اجمل من الواقع
و لو تحول الخيال لواقع لفقد بريقه
تعرفى يا نور ان النيل فى المنصورة اجمل من القاهرة لكن دائما الطبيعة جميلة قبل ان تعبث بها ايدى البشر
هقولك على حاجة انا دايما اليومين دول بسهر واستقبل نسمة الصباح بعد الفجر
فعلا الواحد بيشم هواء مختلف لم يلوث بعد
ربنا يبعد عنه الناس و ميصحوش بدرى
هههههههههههههه
تحياتى
السلام عليكم
شوفى
انا عمرى كله فى اسكندرية واسكندرية يعنى البحر
إلا إنى ما فيش مرة اتمشيت على البحر واسمتعت فعلا لوحدى
لا صيف ولا شتا
على أد ما بفرح انى عندنا بحر إلا انى بزعل انى مش بزوره كتير :(
تحياتى ودمت بخير حال :)
اصبح كل شىء حولنا مشوه ومسخ
ذهبت الى الاسكندرية فى العام الماضى ولم استمتع برؤية البحر كان لون ترابى اختفى لونة الازرق الجميل
فقدنا المتعة والاحساس بالاشياء الجميلة
صباحك هنا وسعادة يا نور ووحشتينا اوى
البنوتة الطيبة احلي حاجة فيكي يانور انك بتسلمي امرك لله وووبتمشي وادينا عايشين يانور
مش انتي لوحدك يا نور:(
روحي الفيوم يا ريمى
احمدي ربنا انك قادرة تشوفي النيل
في ناس حتي المنظر دا محرومة منه
ربنا يهدينا ونصلح بقي
ساعات بحس انه الصور اللي في التليفزيون عن بلدي دي مش موجودة
faroukfahmy58
ماهو من كتر ما الواحد اتخنق يا استاذنا بيحاول يشوف مكان يعيد فيه شحن بطاريته
SHARKawi
يارب تبقى زى مابنحلم بيها
هروح اشوفها حاضر
منورنى
ابراهيم رزق
ههههههههه خليها سكيتى يابو زياد لو سمعوا هيبوظولك الدنيا
habiba
يمكن علشان عارفة انه هيبقى موجود ديما بحكم مكن سكنك ..الحقى اتمتعى بيه قبل مايحصل النيل
هبة فاروق
صباحك سكر يا هوبا
مياه راس البر السابقة والاسكندرية للاسف هى اللاحقة
سواح في ملك اللــــــــــــــــــه-
ونعم بالله يا خالد لولا كده كنت اتجنيت من زمان
;كارولين فاروق
:(
E73
على ضمانتك؟
zeze
اهى الصورة دى اللى هتجننى ..لو اقدر اعمل لكل حياتى فوتو شوب
إرسال تعليق