الاثنين، 18 فبراير 2013

عن..عنها 2








عارف..كنت زمان بخاف اعاتبك لاخسرك..
عارف..كنت بخاف اخاصمك لاماتصالحنيش واخسرك..
عارف..كنت بخاف ازعق معاك رغم انى بيبقى نفسى اصرخ فيك مش بس ازعق بس كنت بخاف اخسرك..
عارف..كنت بخاف ماردش عليك لما تتصل لانى كنت ببقى زعلانة جدا ومش طايقة لامبالاتك بس كنت بخاف تتقمص و اخسرك..
عارف..كان بيبقى نفسى الومك لانك مش مهتم واتغيرت بدون سبب حتى مش بتتصل الا لما تبقى فاضى بس  كنت بخاف اخسرك..
ماكنتش عارفة انى كده كده هخسرك..
ماكنتش عارفة انك كده كده  ومن غير كل ده كنت ناوى تخسرنى...
اااااه لو كنت اعرف...
*******************************


ملحوظة : حاجة مالهاش علاقة بالتدوينة يا جماعة ماتعرفوش لو عاوزة اغير شكل المدونة او الخلفية بحاجة غير التصميمات الثابت ممكن اعمل اى؟؟؟

هناك 27 تعليقًا:

سواح في ملك اللــــــــــــــــــه- يقول...

الآمان

اصعب حاجة ان الواحد يعيش حياتهمن غير امان

بقوللك ايه يانور يابنتي

انتي طيبةجدا

تخلصي من بعض الطيبةوتحللي ببعض الكيد

تحيتي لاطيب نور

سواح في ملك اللــــــــــــــــــه- يقول...

اه بالنسبة للمدونة

في حاجة في الصفحة الرئيسية جمب رسمة الورقة اللي علي الشمال

بتدوسي علي سهم خيارات

اختاري كلمة تخطيط

ومنها تدخلي علي تصميم

واختاري الشكل اللي يعجبك بقي لمدونتك

reemaas يقول...

سواح في ملك اللــــــــــــــــــه-

هههههههههههه لا لا انا اروبة دى عنها هى يا خالد

بالنوسبة لللتخطيط فانا عاوزة حاجة تانية غير التصميمات دى يعى حاجة من عندى انا ينفع؟

حنين محمد يقول...

صباح الغاردينيا نور
دايماً بندوس على حاجات وبتجاهل حاجات وبنعدي حاجات عشان مانخسرش الشخص الي بنحبه من غير مانعرف انه كل دا مش هينفع لانه ساعة مايبقى فيه وداع بيبقى في مقدمات كتيرة آوي بتودينا للطريق دا "
؛؛
؛
بالنسبة للمدونة ياست الكل طبعاً تقدري تعملي اي حاجة انتي عاوزاها مش شرط التصميمات الموجودة تروحي تخطيط وهتلاقي فوق باللون الاورنج " مصمم النماذج " من هناك تقدري تعملي اي خلفيه لمدونتك حتى لو من برا "
؛؛
؛
لروحك عبق الغاردينيا
كانت هنا
reemaas

موناليزا يقول...

ماهو محدش بيتعلم ببلاش
أبسط قواعد الذوق لو ماتعملتش فى أى علاقة يبقى عدمها أحسن

AhMeD RaDy يقول...

فى حاجات يتقال عليها جميلة ... لانها بس جميلة
البوست دا جميل .. فيه حاجة انا شخصيا حسيتها اوى .. شكرا يا صيدلانية

faroukfahmy يقول...

اللى يحب يا تور ميخفشى واللى يخاف ممكن يحب بس ميظهرشى
ايهما افضل الاول او الثانى انت بقى صاحبة الملعب

E73 يقول...

اللي يعيش اللي بيحبوه في كل القلق دا يبقى فعلا صعب الواحد يثق انه يديله قلبه لأنه في أي لحظة لن يتورع أن يخسره
________________________
اكتبي على جووجل blogger templates
وافتحي اي موقع من اللي بيجيبوا قوالب مدونات جاهزة ونقي اللي يعجبك
وهاتي من لوحة التحكم القالب وبدل ما تختاري تصميم اختاري تحرير HTML
وامسحي كل الكود الموجود وحطي بداله الكود اللي جبتيه من موقع القوالب

لكن خدي بالك ان الكود الجهاز مش بيكون فيه اضافات الشريط الجانبي يعني لازم تاخدي بالك من الاضافات بتاعتك تحفظيها في حتة تانية على ما تعدلي القالب او وانتي بتضيفيه هتلاقيه بيسألك هل تود الاحتفاظ بالأدوات قوليله اه

وبالتوفيق ^_^

E73 يقول...

http://btemplates.com/

الموقع دا تحديدًا عليه قوالب عسولة قوي وكتير تقدري تختاري منها براحتك ^_^

أسماء فتحي يقول...

خوفك من انك هتخسريه هو ده اللي هيخليكي تخسريه

مش مبرر ابدا اننا نفضل نضغط علي نفسنا علشان منخسرش الطرف الآخر

لاننا ببساطه كد لا هنكون مبسوطين ولا هنقدر نبسط الآخر

كلماتك صعبة

بالنسبة بقى للتغير في المدونة فهو ينفع

بس معرفش ازاى
هههههههههههههه
ياريت لو عرفتي تعرفيني

تحيـــــــــــاتي
كانت هنا ورحلت
Asmaa Fathy

ابراهيم رزق يقول...

معلش يا نووووووووووووووووووووو ر

اديكى عرفتى
تقدرى تقولى هتعملى ايه دلوقتى

هههههههههههههههههه

تحياتى

reemaas يقول...


ريـــمـــاس

ماهو اوقات مابنحبش نشوف المقدمات دى

عملت زى ما قولتليلى بس طلعت محتاجة صورة بحجم معين

reemaas يقول...

موناليزا

اه والله

reemaas يقول...

AhMeD RaDy

كلامك رفعلى روحى المعنوية والله

reemaas يقول...

faroukfahmy58

مش عارفة يا استاذنا اعتقد الاحسن ان اللى قدمنا يحسسنا بامان

reemaas يقول...

E73

انا برده بقول كده

رحت الموقع وفعلا جميل جدا بس اختك خيبة مش عارفة اعملهم ابلاى ازاااااااااى

reemaas يقول...

asmaa fathy

الضغط النفسى ده ابشع حاجة فى الدنيا

ادينى بحاول اهو

reemaas يقول...

ابراهيم رزق

هههههههه ياسااااااااتر

طب انا مالى يا سيدى هى اللى هتتصرف بقى

Tarkieb يقول...

طالما من الاول حاسبه كل التنازلات وبتكوميهم اكوام اكوام مش بس ح تخسريه ده إنت ح تخسري اعصابك وممكن كمان على أي حاجة هايفة تنفجري ويبقي مش هو بس اللي حيخسرك يبقى كلنا اللي ح نخسرك...خلفيات البلوج سبوت جميله جدا وممكن تعملي كل حاجة فيها وعلى مزاجك حتى لو عايزة صورة باكجروند..نصيحتي بلاش تحولى المدونة لفرح بلدي واحسن حاجة البساطه واديها وش ابيض تبقى ميه فل واربعتاشر وسيبك من السواد

E73 يقول...

بصي يا ريمى بعد ما بتعملي داونلود للكود هتلاقيه نزل عندك على شكل ملف مضغوط انتي هتفتحي الزب وتضغطي كلك يمين عالملف اللي جواه بتاع الكود وتختاري كلمة View source او كود مش فاكرة المهم انك هتختاري عرض المحتوى

بعد ما تعرضيه بقى خديه كبي وروحي عالبلوج فالاتش تي ام ال وحطيه مكان القالب القديم وكل سنة وانتي طيبة ^_^


اتمنى اكون افدتك ولو حسيتي انها ضلمت خالص والموضوع متأزم ابقي ضيفيني مشرف على المدونة اركبلك القالب وبعدين شيليني بعدها :)

eng_semsem يقول...

دايما لما بنحب بجد مش بنشوف حاجات كتير وندور على اي مبرر يقنعنا ان مفيش مشكله
ولما تحصل مشكله نبدا نفهم كل اللي فات وكاننا كنا اغبيا
تحياتي

نهر الحب يقول...

اولا عاجبني شكل المدونة الجديد
جميل الاسود
اصلي بحب الغوامق
:D

ثانيا
لو كنت اعرف.........كنت حعمل كدة برضه


وحشاني

reemaas يقول...

Tarkieb

:)

عجبتنى اكوام اكوام دى ههههههههه

صح بس مش انا على فكرة

والله حاولت ماعمل الفرح اهو بسيطة خالص بس سودا بقى معلش

reemaas يقول...

E73

اه طبعا افدتينى جدااااااااااااااا ماتحرمش منك يا رب :*

reemaas يقول...

eng_semsem

:(

reemaas يقول...

نهر الحب

ههههههههههه فهمانى انتى يا سوسو اه مانا برده كنت هعمل كدهون

Ahmed Sabry يقول...

ليه الخوف ده كله مكنتش اعرف انك كده بس الخوف شى طبعي لو مكنش حد يخاف يبقى انسان مش طبعي انا عايز اقول انك تخلي بالك من مشاعر الاخرين ده مش خوف ده تقدير كبير جداوجميل بس مش معنا كده انك يكون التقدير ده لي ناس اساسا مش من المفروض انك تعملي حساب ليهم
ربنا يسعدك ويارب يكون دايما تقديرك للناس او مشاعر يكون ليه اهتمام وتقدير من الي حوليكي
بنسبه للبيج جميل وانا بحب لون الاسود كتير وجميل حلو زوقك حلوه♥