الفترة اللى فاتت كان فيها حاجات حلوة وحاجات كويسة وحاجات مش ظريفة وحاجات وحشة... حاجات حاجات ..كانت فترة زحمة الحقيقة مع واحدة زى حلاتى مش واخدة على الزحمة دى فحاسة انها مصدعانى وعاوزة اركنها على جنب واحط نقطة..ومن اول السطر
***************
انا مابحلمش..ايون لما بنام مش بحلم او علشان اكون حقانية مافتكرش انا حلمت ايه ومابعرفش ان كنت حلمت ولا لاء
وبتغاظ جدا من الناس اللى بتحكى عن الحلم بتفاصيله لا وايه بيبقوا زعلانين كماان لما يكونوا بيحلموا حلم وحد يصحيهم قبل ما يجيبوا اخره او يعرفوا نهايته...ببقى عاوزة اقولهم ياسلااااااااااام على اساس انكم بتتفرجوا على فيلم !!
*****************
قضيت انا يوم حلو من كام يوم..اكتشفت فيه اننا مش محتاجين معجزة علشان نفرح وان زى ما ممكن حاجات صغيرة تتراكم على بعضها وتزعلنا او تضايقنا ممكن بردو حاجات اصغر منها تفرحنا وببساطة كده..
*****************
هناك 22 تعليقًا:
اولا دوام الحال محـــــــــال
والدنيا يوم حلو ويومين لا ههههههه
ثانيا انا كمان من النوع اللي مش بيحلم مش عارفه ليه ؟؟ بس كتير بحسد الناس اللي بتحلم خصوصا انهم ممكن يشوفوا ناس مفتقدينهم فعلا ونفسنا نشوفهم ولو في حلم
واخيرا فعلا مش محتاجين معجزة علشان نفرح ونبقى في مود حلو
لان كتير ممكن تعيشي يوم جميل بسبب كلمة حلوه من حد بتحبية صحبتك حبيبك اهلك كلمة تخلي مودك حلو طول اليوم ومبسوطة وكلمة تضايك وتنكد عليكي باقى اليوم شفتى الموضوع بسيط ازاي
تحيـــــــــــاتي
ASMAA FATHY
ريمووو
أحيان كتيرة بنحتاج نفضي دماغنا من كل حاجة ونعيش في هدوووووووء ولو للحظات بس الزحمة دي ضرورية عشان مايصيبناش الملل
ــــــــــــ
ههههههههههههه أنا ساعات كتيرة مش بفتكر الأحلام بس ساعات برضه لما حد بيصحيني من حلم حلو بتضايق
ــــــــــــــــ
يارب كل أيامك تبقى حلوة .. امسكي في الحاجات الصغيرة لأن دي هتبقى كبيرة لما نفتكرها بعدين :)
انا من الناس اللى بتتفرج على فلم وهى نايمة دى
وبتغاظ بقى لما احلم حلم ومش ابقى فهماه كمان هههههه
بس بقالى فترة مش بفتكر احلامى مش عارفة ليه
واحنا فعلا مش محتاجين معجزة علشان نفرح
احنا بس نحاول نعمل حاجة بنحبها او نساعد حد هنفرح على طول
صباح الغاردينيا نور
:)
بجد وحشتيني ووحشني مع نفسي جداً عارفة انا بجد بقيت حاسه بزحمة كدا وكل حاجة حواليا مش مدياني وقت لنفسي ..
حكاية الحلم فعلاً بتحصل ساعات تلاقي ناس بتحكي عن حلمها وكأنها شايفاه حقيقه قدامها وكأنه فيلم فعلا وناس بتتمنى تحلم ..
اما السعادة بتبقى موجودة ومستخبيه في ابسط الحاجات والتفاصيل الي بتخلينا نبتسم ونفرح بيها ،
؛؛
؛
لروحك عبق الغاردينيا
كانت هنا
Reemaas
تعرفى يا نور اننا نغفل اشياء كثيرة فى حياتنا
لماذا نكره الزعل وهو طريقنا الى الفرح
لمذا نكره الظلام وهو طريقنا الى النور
لماذا نكره النوم وفيه تفريغ للمكبوت داخلنا
مش مهم الاحلام طالما اننا بعيدين عن الكوابيس
سلمت يا نور من كل سوء
الفاروق
ازيك يا نورعاش من شافك....اشك انك مش بتحلمي اكيد بتحلمي اول ما تحطي دماغك ع المخدة...ودي بتتنسي بسرعة غير مرحلة قبل الصحيان.....كلنا
بالنسبة للأحلام - ومش قاصد أغيظك يا دكتورة والله - بس أنا فعلاً باتضايق لما باصحى في وسط الحلم وبالذات لو فيه إثارة ومغامرات .. مش عاوز أقول لك يمكن بانام مخصوص تاني علشان أكمله :)
بس في الغالب ما بافتكرش تفاصيل الحلم أول ما باصحى !!
على فكرة ممكن يكون السبب - والله أعلى وأعلم - إنك مضغوطة وبتجهدي نفسك أكتر من اللازم !!
جربي كده تقري مثلاً ميكي وبطوط أو شوفي فيلم كرتون يمكن الحكاية دي تجيب نتيجة !!
دمتي في خير وسعادة
انا بحلم قليل و غالبا احلامي مش مفهومة ببقى نفسي ف حكاية الفيلم دي اللي اتفرج عليه و افهمه ههههههه
الفرح فعلا بسيط و نقدر نخلق من اقل حاجة فرحة بسيطة بس ممكن نكون من كتر الزحمة اللي عايشينها و التعب مش قادرين حتى نحاول
تحياتي :)
مفيش حد مبيحلمش يانور بس انتي مبتفتكريش حلمك
دى الحياة يا صيدلانية
.
.
تصدقى ساعات بعد فترة مش بحلم .. ولما احلم بقوم ارقص ههههههههههههه
.
.
.
امانة عليكى يا شيخة انا عايز اى حاجة تفرحنى اليويمن دول بالذات !! لانى اتخنقت اوى
asmaa fathy
من ناحية بسيط فاه او يمكن مشتاقين للفرح فبنرضى فيها باقل حاجة
doaa elattar
مانتى عارفة يا دعاء انا بالذاااااااااااات مش جاية معايا الزحمة بنتيجة
Aya Mohamed
طب بس بقى علشان هحقد عليكى :)
اه انا لما مالقتش حد عارف يفرحنى عملت انا اللى يفرحنى ههههههه
ريـــمـــاس
وحشانى جدا وحاسة انك مختفية يارب يكون خير
مشكلة حكاية اننا ماعندناش وقت دى يا ريموسة
faroukfahmy58
ده انا بحب النوم اد عنيا يا استاذنا :)
جايز بنكرههم علشان بقم كتير اوى او ما فيش نسبه وتناسب ..جايز
Tarkieb
يااااااااااه البلوج منور يا تراكيبو
ماتغيبش كده تانى
P A S H A
بس انا اتغظت :)
من ناحية مضغوطة فايووووون
وبجد هحاول
افكار مبعثرة
صح حتى المحاولة مش قادرينلها
سواح في ملك اللــــــــــــــــــه-
انا كنت حاسة بردك ان العيب منى
AhMeD RaDy
تعبت انا من الاخت الحياة دى
هههههههههههههه حقك
اعمل زى مانا عملت ;)
تصدقي يا ريمى :) الفقرة الأولى دي أثرت فيا قوي يا ريمى
أول ما قرأتها واستعدت طموحاتي من سنتين او تلاتة وبصيت لنفسي دلوقتي حسيت اني مفتقداني قوي
اللهم اختر لنا الخير ادعيلي يا ريمى ربنا يكرمك
بالنسبة للفقرة التانية فعلا بتحصل معايا كتير واحس ان فترة النوم دي هي رحلة للسينما سواء كان فيلم رومانسي او رعب او كوميدي لكن كذلك بقالي فترة طويلة معتقدش اني بحلم
:D
فعلا عندك حق فالنقطة دي يا ريمى .. يوم الأحد اللي فات المفروض كان ورايا الأسبوع اللي فات "وإلى الآن" مليون حاجة وتضغوط فالشغل والحياة الشخصية بطريقة فوق الاحتمال
وانا ماشية فالشارع الصبح دايما ورايحة الشغل بحاول ادي لنفسي دفعة ايجابية وامشي مبتسمة وراسي مرفوعة واحاول اقنع نفسي اني بحب الحياة والناس والبلد اللي بشتغل فيها
وإذا أنا على ذلك ونازلة من على الرصيف ... دبببب.. عارفة كلمة يتكفي على وشه بالظبط دا اللي حصل :D ههههههههههه لقيت نفسي مكفية على وشي وايد فيها الشنطة والايد التانية فيها الشنطة التانية اللي فيها مستلزمات الشغل وسندوتش الفطار في بقي :D -بصراحة دا اكتر حاجة ضحكتني- وانا قايمة مش عارفة انفض الشنط ولا هدومي ولا اشيل السندوتش اللي في بقي دا ولا اعمل ايه وفضلت اضحك ضحك بيتهيألي لو حد كان ناوي يمد ايده يساعدني كان هيمشي ويقول البنت دي مش طبيعية
وبس :)
E73
ههههههههههههههههههههههههههههههههه يا ربنا يابنتى ماينفعش تمشى فى شوارعنا رافعة راسك قلنا كده مية مرة بلاعة ولا قشرة موز تجيب اجلنا وندور هيحتسبونا شهدا ولا لا ههههههههههههههههههههههههههههههههههههههههههه
ربنا يسعد ايامك يارب
إرسال تعليق