اولا بعتذر جدا عن عدم متابعتى لكتابتكم الفترة اللى فاتت بس بجد ماكنتش قادرة اقرى اى كلمة او اتقبل اى رأى .....فقلت ابعد يمكن اهدى....وبعدين زهقت.....فقلت اكتب يمكن ابقى احسن..
--------------------------------------------
لما بركز فى الناس وافعالهم وكلامهم وردود افعالهم بحتار جدا الحقيقة..
ماببقاش عارفة اتصرف ازاى اتعامل معاهم بنية صافية ولا بحذر
طب اقرب منهم واتفاعل والحياة حلوة بقى ويامحلى اللمة؟ مانا لما بعمل كده بتصدم فى تصرفاتهم وفى كدبهم ونفاقهم الغير مبرر مش بس معايا لا مع بعضهم وببقى شاهدة على ده وهطق منه
طب ابعد واعيش فى حالى ماليش دعوة بحد وخراب يادنيا عمار يادماغى؟
حاولت اعملها بس مانفعش الدنيا بتبقى اكتر ملل من مللها الطبيعى ..ده غير انى اجتماعية بطبعى
هل اتعامل مع الناس بمبدئ كل الناس خير وبركة الى ان يثبت العكس؟طب ماهو فى كل مرة بيثبت وبطلع مغفلة من العيار التقيل..
ولا اتعامل من منطلق انهم كلهم مخادعين ونيتهم هباب وبتوع مصالحهم الى ان يثبت العكس؟
مش عارفة بس الحياة هتبقى سودا اوى فى الوقت ده
اوقات الواحد بيتخنق وبيبقى فى حاجةكاتمة على نفسه ونفسه يبوح بيها ..ياترى يبوح بيها فعلا ويشارك حد معاه همه ولا يكتم سره جواه من منطلق انه طالما انا مش قادرة اكتم سرى يبقى ازاى اطالب غيرى انه يكتمه؟
الموضوع محير وكل مابركز فيه بحتار اكتر..
من فترة قريت قصة عن مجموعة من القنافد فى ليلة من الليالى اشتد عليهم البرد جدا فقربوا من بعض اوى طلبا للدفئ فلما تلاصقت المتها اشواكها ولما بعدت عن بعض لتجنب الالم بردت تانى..فرجعت تانى تقرب وظبطت المسافات بحيث تحس بالدفا من غير الم
لفتت نظرى القصة دى جدا ..ولقتنى بردد يارتنى قنفد!
يارتنى ما ركزت كده.......
هناك 46 تعليقًا:
رجعتي تنورينا تاني...فتره وان شاء الله هتعدي...اهم حاجه مش تستسلمي وفضفضي اسرارك وسبب ضيقك وخنقتك لحد بتثقي فيه وبترتاحي لما تتكلمي معاه...والله هيفرق معاكي...
نور البريئة الطيبة الجدعة
ازيك
بصي يانور معنديش تعليق غير ان لازم
يكون ليكي ضوافر تدافعي بيها عن نفسك
وتخربشي اللي يؤذيكي
لابعاد الاذي عنك
وممكن متستعمليهمش خالص
بس لازم اللي بيعاملك يحس ان ليكي ضوافر زيك زيه
نور
نقاءك يابنوتة
بيخليني اقول ان قليلين الناس الطيبين اللي زيك
وده مش عيب
بس المشكلة ان الوحش بقي كتير
أبكيتني لأنني أعيش ماتعيشنه
تصدقيني أصعب معادلة هو التعايش مع الناس بسلام
تحياتي لكي ريماس
ريمو :)
أولا الحمد لله على سلامتك :)
ثانيا أنا كنت محضرة كومنت كبير أقولهولك تعليقا على كل جزء قريته
بس أنا لقيتك كتبتى الحل ..
بصى القنافد عملت مسافة لنفسها علشان لا يضروا بعض ولا يفضلوا بردانين
أنتى كمان لازم تعملى حل وسط
لا تتعاملى بسوء نية وبلا بحسن نية
لا تفضلى شايلة السر كله جواكى ولا تقوليه كله لحد
الموضوع محتاج منى أكتر من كومنت علشان أقولك كل الى عندى
ومش تندمى أنك ركزتى . لانك فموقف ما هتعرفى أن تركيزك ده فهمك حاجات كتير فاديتك وقتها :)
والله با ريمو انا كمان ذيك
مش عارفه ابعد واقول عمار يا دماغي
ولا اعمل ايه
ازيك يا نور
انا زيك مليش نفس لاى حاجة
لكن يا نور كونى كما تبغين ان تكونى
كونى انت و ملكيش دعوة بحد
افترضى حسن النية الى ان يحدث او يثبت العكس
فالنار تأكل نفسها
و بعدين هو باب النجار مخلع و لا ايه
شوفى حاجة فى الصيدلية
تحياتى و تقديرى
للدفء ايضا ضريبة .. واحيانا ما تستحق ان ندفعها بكل سعادة ... ولكن اظن ان الحل في ان يضبط الانسان ترمومتر التفاعل علي نقطة الاتزان ... وهذا لا يمنع ان في الدنيا ... بعض من هذا وذاك .
اسعدني حديثك كثيرا
تحياتي لكي في مرور اول
قصة القنافد قرأتيها في كتاب عبد الوهاب مطاوع!!
الدنيا ماشية ماشية
نور كل المدونات
كنت انا وبناتى نتمنى ان نرى تورك فى معرض الكتاب ... ملحوقه
وليه تبقى قنفد يا نور وانتى نحلة عسلنا بتلمينا كل شويه ندوق عسل كلامك بعد ماتمرى على كل الزهر والورد
احنا محتاجين نبقى زى النحل نجرى طول النهار وفى الاخر نجتمع عشان نلم حصاد عسلنا مش حصاد غممنا
نور كل المدونات
كنت انا وبناتى نتمنى ان نرى تورك فى معرض الكتاب ... ملحوقه
وليه تبقى قنفد يا نور وانتى نحلة عسلنا بتلمينا كل شويه ندوق عسل كلامك بعد ماتمرى على كل الزهر والورد
احنا محتاجين نبقى زى النحل نجرى طول النهار وفى الاخر نجتمع عشان نلم حصاد عسلنا مش حصاد غممنا
احسن حاجة تمسكي العصاية من النص
انا اوقات كتير بعاني من نفس المشكلة لدرجةني بقول طيب هو الحل ان الواحد يبقى عايش مع نفسه بس
مش حل و زي ما قلتي هتلاقي صعوبة كتير اوي
ممكن متقربيش اوي و تدي الامان 100% و كمان مش تبعدي اوي عشان مش تعيشي في عزلة عن الاخرين
موضوع هايل و جامد موضوع القنفد ده
انا ف مرة كان نفسي ابقى سلحفاة
تحياتي :)
amiraali
بحاول والله يا ميرو
سواح في ملك اللــــــــــــــــــه-
ربنا يخليك يا خالد وهحاول اعمل كده لانى تعبت
كتير اوى اوى
نيللى على
هى فعلا معادلة صعبه جدا بس لازم نحلها مش عارفه ازاى بس لازم
Miss LoZa
وحشانى كتييييير يا لوزة
هحاول اقلدها لان ده الحل الوحيد تقريبا وسوف اواليكم بالنتائج
ريري كربكه
انا جربتها لقيت الدنيا مملة اخر حاجة
ندور على حل تانى يا ريرى
ابراهيم رزق
مخلع جدااااااااااااا
الحل ده محتاج منى قوة احتمال ولكنه محبب لنفسى جدا يا ابو زياد
اندروميدا
يارب يبقى مرور دايم
اسعدنى كلامك جدا
E73
فعلا مانا قرياها فيه من يومين
كتاب صديقى لاتأكل نفسك
faroukfahmy58
عجبنى التشبيه جدا يا استاذنا
انا كان نفسى اقله ابقى موجودة واشوف كل الناس دى ولكن هعمل ايه لبعد المسافات وبوظان الحاله الامنية اللى مخليه اهلى يمنعونى انى اتحرك اصلا هههه
افكار مبعثرة
ابقى سلحفاه دى بشرط ان الدنيا تمشى بنفس البطئ ههههههههههههه
هحاول والله
مش عارف اقولك ايه
غير يبدو ان لا احد يستحق ان نقترب منه بشدة
فيه مثل أنا أؤمن بيه جدا وهو حرص ولا تخونش
يعني الاقتراب من الناس اوي مش صح وفي نفس الوقت العزلة مش صح
هي كما ذكرتي بالظبط في قصة القنافذ
==========
خالص التقدير لفكرك وقلمك
وبالتوفيق
ياريتني قنفد من غير شوك
السلام عليكم..التعليقات معظمها بيقولوا عندهم نفس المشكلة واكيد انا زيك وزيهم..بجد مشكلتك دى مشكلة ناس كتييير..عن نفسى لقيت إنه الأنسب إنك تتخذى مبدأ الوسطية مع الناس..فى كل حاجة.
كلنا حاليا بنمر بنفس الحالة زهق وملل وقلق واحباط ومحدش عارف في ايه بالظبط لنا الله وربنا يكون في عون مصر لكن خير ان شاء الله
ثقافة الهزيمة .. عصابة البقرة الضاحكة 6
و فى حوار مع القيادى الأخوانى إبراهيم صلاح المقيم فى سويسرا منذ عام 1957 و نشرته جريدة المصرى اليوم فى 23 إبريل 2011 جاء فيه:
وما صحة ما نشرته بعض المواقع من أخبار عن رفض سويسرا عرضاً مصرياً لشراء بنادق قناصة وقت الثورة؟
- حدث بالفعل وحكاها لى أحد رجال المخابرات السويسريين فى حضور عدد من الشخصيات العامة، وقال أنه بعد أندلاع الثورة بيومين تقدم السفير المصرى فى سويسرا مجدى شعراوى، وهو صديق مقرب من «مبارك»، بطلب للحكومة السويسرية لشراء عدة آلاف من بنادق القناصة سويسرية الصنع بها تليسكوب يقرب لمسافة 1000 - 1500 متر، وجهاز يحدد المنطقة المطلوب أصابتها، وجهاز رؤية ليلية ويتم التصويب بدقة الليزر، وذخيرة مخصوصة وهى لا تُحمل باليد، ولكن لابد من تثبيتها على قاعدة ويُقدر سعر البندقية الواحدة بنحو 4000 دولار، ولكن الحكومة السويسرية رفضت الطلب.
الحكومة السويسرية أدركت كيف سيتم أستخدام تلك البنادق، وبالتالى رفضت أن يكون لها أى دور فى تلك العملية. و تحت عنوان " لواء شرطة : مبارك كان يتسلى بالشرائط الجنسية للفنانات" ...
باقى المقال فى الرابط التالى www.ouregypt.us
و المقال به معلومات هامة عن عمر سليمان.
نور يامن نفتقدك عندما تبعدين نرجوكى الا يكون البعاد هو اختيارك بيننا
الانسان نور يحتاج دائما لانسان يقف بجواره يعيش معه احزانه قبل افراحه لكن يبقى السؤال المهم جدا كيف نختار من نبوح له باسرارنا ونرتاح له
تمنياتى لكى بالسعاده دائما
تحياتى ابوداود
للاسف يا ريمو ملهاش حل تاني
ده بالنسبه ليه انا حاولت بس معرفتش
لو عندك حل اوعي تنسي اختك ريري
ابقي قوليلي
حلوة اوي الفكرة يا نور بحبك عشان مختلفة وبتشوفي الحاجة بطريقة حلوة
:))
صحيح منقدرش نبعد عن الناس وكتير مش عاوزين نقرب
اكيد عندي كلام كتير اوي بس والله كلنا مش قادرين نتكلم
هذه أول مشاركة لى ولن تكون الأخيرة
كلماتك جميلة , لكن لا أملك إلا أن أقول هذه هى طبيعة البشر
فلا تحزنى وأتمنى أن تقبلى هذا المقال منى كهدية متواضعة
هذا هو الرابط
http://mytadwen.blogspot.com/2011/06/blog-post_121.html
بصراحو الموضوع اثر فيا جدا
هي دايما علاقتنا بالغير لازم يكون فيها بعض الالم
لكن احنا اللي بنرسم حدود اي علاقه
ومش بنسمح لاي حد مهما كان انه يتعدي الحدود دي
بكدا هنعيش حياتنا زي ما احنا عايزين مش زي ما غيرنا عايز
تحياتي
افتقدك بشدة حمد الله علي السلامه :)
الاقتراب من الناس ايضآ قد يجعلنا متالمين والبعد عنهم يجعلنا اكثر المآ
بصي يا نور انا بعانى من نفس الحاله المتفشيه دى
وحقيقتآ مبعرفش اكون وسطيه انا لا احب واتعمق لا محبش ومتعمقش
الحل الوسطى تستخدمى في حاله واحدة لو حد اتعرفتى عليه علي النت مثلا في مكان وانتى مش عايزة العلاقه تكون قويه بتكون وسطيه
انما الناس الاساسيه صعب اوى تكونى وسطيه معاهم
والاشكال لو جيتى علي نفسك واتحملتى كل شئ هطقي بعد فترة
انا شايفه الحل لو انتى باقيه علي الاشخاص دوال صارحيهم باللي بيضايقك تقبلوا يبقي ميت فل متقبلوش يبقوا بانو من ناحيتك وهما اللي خسروا حد جميل زيك
وبس :):)
AhMeD RaDy
الى ان يثبت العكس فانا متفقه معاك
Casper
معادلة هحاول اوصلها علشان اريح دماغى
mohamed amer
هتعرف تحمى نفسك من غيره؟
habiba
وده صح بس اللى يقدر
سندباد
اللهم امين يارب
الاحلام
اكيد مش احتيار نهائى هو مجرد رد فعل
وفعلا هو ده السؤال
ريري كربكه
ادينا هنحاول نوسطنها وربك المعين
نهر الحب
انا كمان بموت فيكى :)
هنعرف نظبطها بس مع الوقت اكيد
حميد
ربنا يقدرنا ونستحملهم
هروح اقراه حاضر
نورتنى
beautiful mind
صح هى حدود زى حدود الدول والل يتعداها بدون اذن لازم يبقى فيه جيوش ترد وتدافع
مهمتنا بقى نضح الحدود وندرب الجيوش
يامعين
rona ali
ايوووووووووووووون هو ده جيبتى اللى جوايا يا رونا
فعلا انا كنت بدأت احس ان العيب فيا وانى انا اللى مش عارفه امسك العصايا من النص
صح انا اخيرهم وهم احرار بقى علشان انا طقيييييت خلاص
هي المساله انت شرحتيها ببساطه جدا تقربي بس في حذر بحيث لو في شوك مش ياذيكي وتحصلي على دفأ اللمه
تحياتي
eng_semsem
ماهى معادلة ياسمسم والشاطر اللى يوصلها
إرسال تعليق