*كنت برغى مع واحدة من صحباتى واتكلمنا عن احلامنا فحكتلها انا نفسى اعمل كذا
قالتلى يااااه يانور مش كبرنا على الحاجات دى؟!
قولتلها اه كبرنا بس انا لسة ما حققتوش اعمل ايه!
قاتلى انسيه بقى طالما ماتحققش فى وقته مالوش معنى بقى اكسباير..
اكسباير؟!!
حتى الاحلام فيها تواريخ صلاحية..
على كده انا معظم احلامى مابقتش صالحة للاستهلاك الادمى..!!
**********************************
*امبارح كنت بكلم صحبتى على الفون وبسألها عن حالها قالتلى زهقانة وملل ماهو ده المود اللى ماشى اليومين دول
ضحكت وقلتلها اه شكله بقى موضة ...انا بقى حاسة انى بسف!
قالتلى بتسفى ازاى مش فاهمة؟
قلتلها فاكرة حلمى وهو بيقول انا بتسف يا معتز اهو انا حاسة انى بسف واللى بقوله بعيده ومن غير اجادة التكرار حتى
انا بسف بكل معنى الكلمة .....
***********************************
*كل ماحاول انسى الاقينى بفتكر اللى بحاول انساه!...مشكلة!
****************************
*نفسى افهم ليه لما حد يطلب من حد حاجة يعملها ويقوله ان شاء الله يفهم او حتى يشك انه بيسوف ومش هيعملها؟!!
الحكاية دى بتغيظنى جدا
**************************
*طبيعة شغلى مخليانى عاملة زى ام العروسة فاضية ومشغولة...
بشتغل عدد ساعات كبير ومن غير اجازات ورغم كده عندى وقت فراغ كبير بيخلينى افكر كتير....
ودى مشكلة......
محتاجة شغل تانى وقت الشغل يشغلنى..!
هناك 49 تعليقًا:
بحب الكلام الملخبط :)
بالعكس يانور
الفراغ ده ممكن تستغليه احسن استغلال
مثلا تدرسي وترفعي من مستواكي العلمي
ترفعي من سقف طموحاتك
او
تنشغلي انك مثلا تعملي كتاب لو لاقيه في نفسك الموهبة
اكتر شئ يحبط الانسان
هو استسلامه للاحباط
هي جملة جايز تكون ملعبكة شوية او مش مفهومة
لكن معناها جواها
نوووووور
ارفعي من سقف طموحاتك
هتلاقي نفسك اكيد
حلك حاجة واحدة أتمسكي بأحلامك:)
لما بنكبر ملكة الحلم عندنا بتختفى او بمعنى اصح بتتلوث
عشان كدة اصح مفهوم حقيقى للحلم هى الحاجة اللى حلمنا بيها و احنا صغيرين .
كملى ورا احلامك حتى لو الدنيا كلها اجتمعت على انك بتجرى ورا سراب
طالما مؤمنة باللى حلمتى بية
اما تعليقا على باقى البوست , فالامانة الادبية انا مافهمتش ولا كلمة ولا حتى اسقاط D:
تحياتى ..
صباح الغاردينيا يانور
عارفه انك وحشتيني وبجد أنا اسفة بحاول قد مااقدر ازوركم كلكم بس اعمل ايه حبايبي كتير ربنا مايحرمنيش من حد فيكم ..
نيجي بقى لمع نفسي دي عارفه بحب اوووي لما بتبقي مع نفسك يمكن قلتها ليكي كتير لاني بحسك قدامي وانتي بترغي مرة تضحكي ومرة تعصبي هههه وانا بكون مبتسمة طبعا :)
اولاً يانور اوعي حد يحبط لك احلامك مافيش احلام بتنتهي صلاحيتها او حتى نقول مش هتتحقق في الزمن دا صدقيني ساعات بنكون نفسنا في حلم كان طفولي اووي طيب اقولك حاجة انا معروف عني اني بعشق المطر بجنون والله حالفة اسافر بلد بتمطر على طول واجري ارقص تحت المطر حافيه ايه رأيك هههههههههههه الحلم دا كان جوايا من صغري لما بحكيه لصاحباتي يقولولي يامجنونة حافيه ومطر لا دا انتي قديمة دا ينفع للاطفال بس شايفة الاحباط والله حلفت ارقص كمان مع حبيبي تحت المطر بس طبعاً نكون لوحدينا هههههه واحلام واحلام يااه داانا سلة احلامي مليانة اوي بس عمري ماهتنازل عن حلم فيهم وعاوزاكي كدا ماتستسلميش واحتفظي بـ أحلامك مهما كانت بالنسبة لنسيان احنا لما نحاول ننسى نفتكر بس لو سبنا النسيان ينسى حينسانا لوحده :) اتمنى تكوني فهمتيها وممكن حضرتك تبتسمي وتقوليلي يعني ايه "بيسوف " و" بتسف " :) "
؛؛
؛
لروحك عبق الغاردينيا
كانت هنا
reemaas
http://www.youtube.com/watch?v=C_ZDRJ8Jx3k
بصي ياستي انا بسمع اغاني كتير عن الاحلام بس بما انك بتحبي ماجدة زي حالاتي حديكي اغنية كنت بسمعها من وانا صغيرة وافضل ادور في الغرفة لحد مااترمي على سريري وانا شايفة احلامي معلقة في السقف هههههههههه اصلي ماكنتش بطول النافذة بهزر معاكي :) بس بجد الاغنية دي بتفكرني بطفولتي يلا اسمعيها ودوري لحد ماتدوخي بس اوعي توقعي انا ماليش دعوة هههههههههههه "
سلام عليكم
ريماس اميرة الغردينيا
ارد علي ريماس في بيسف دي هههههه
كان زمان ياريماس فيه حاجة ايم العصر الحجري كده
اسمها شريط كاسيت
فلما بيكون الشريط او الكاسيت عطلان
يقوم الشريط يلف عالفاضي
ويخرج من البكرة وتسمعي صوت الغنا كده كأن واحد زوران
واوعي تساليني يعني ايه زوران
عشان بدورلها عليس معني هههههههه
صباحك غاردينيا ياخالد
ههههههههههههههه
والله ضحكت على العصر الحجري دا اها يعني بسف دي لما يبقى الشريط بيدور وهو عطلان وبيبقى زوران طيب ممكن حضرتك تقولي يعني ايه زوران ؟؟
<<< بيقول في نفسه انا تورطت مع الرخمه دي هههههههههههه
بص انا بقى على قد عقلي الصغنن فهمت انه زوران تيجي من الي بيزور يعني الاكل في بوئه هي فمه بالمصري بتتكب كدا برضو ولا هببت هههههه "
؛؛
؛
لروحك عبق الغاردينيا
reemaas
هههههه صح ياريماس
صباحك زي الفل
ربنا يخليلك ياخالد الحمدلله ههههههههه اخيراً فهمت لاخلاص انا قررت الجأ لك في أي كلمة تصعب عليا ..
صباحك غاردينيا :)
نور امسكى الحلم يا نور
مفيش حاجة اسمها كبرنا على الحلم
انا عجبنى ريماس اتعلمى منها قاعدة جنب شباطها تحلم
برده اقعدى جنب شباكك و احلمى
انا عارف هيعدى عليكى بتاع البكيا و الخضار و غزل البنات
و لا يهمك غمضى عنيكى و انسيهم
و اول ما تفتحى عينك حطى حلمك قدامك و ادفعيه لحد ما يتحقق
اما موضوع السف بتسفى ايه بالظبط فيه ناس بتسف سكر و ناس بتسف ملح و فيه شريط بيسف
فيه كلمات جميلة و لكن من اساءة استخدامها اصبحت تعطى معانى اخرى
مثل ان شاءالله و زى ربك يسهلها
اما موضوع الفراغ ده بكرة تتجوزى و تقولى يا ريت ابقى فاضية ساعة
اهلا بالنفسيات
انا بحس وانا داخله انى جايه عند الدكتور ههههههههههههه
اة هو الاحلام فعلا بقي ليها تواريخ
انا شايفه من حق اي بنى ادام يتمسك بحلمه اللى عاوزة حتى لو تافهه او مالوش معنى او طفولى
عن الشريط اللى بيسف كلنا سافنا الهم والتراب والملل عادى جدآ بس انا سافه التهيس اليومين دوال:))
اعتقد استاذ سواح كلامه صح بالنسبه لوقت الفراغ بس انتى مش هتعملى بي
لانك مش هتقدري تعملى دة حاليآ بس هتحاولى
بس الفكرة الاافضل هاتى اى شئ وطلعى في همك كل ما تحسي بخطر التفكير الخنيق دة يقترب حتى لو كتاب حتى لو كورة من اللى بيضغط عليها دى
عن النسيان المشكله انك بتحاولى تنسي حاجه محفوره علشان كدة كل ما تنسي بتفتكرى وكل ما تفتكرى تتخنقي وكل ما بتتخنقي بطقي
لاء مترميش نفسك من الشباك ببساطه متحاوليش تنسي لان النعمه دى احنا محرومين منها بس لو بطلتى تحاولى هتتناسي الموضوع مع الوقت وساعتها هيدفن لتحضري ارواح وتستحضري في اى وقت علشان تنكدى عليكى لاما تسيبي كدة
عادى هههههههه
وبس كفايانى رغي بس بسات يا رنا بقي :)))))))))))
الاحلام مش بتبقى اكسباير طموحنا لتحقيقها هو اللي بتنتهي صلاحيته
هذه المرة نفسياتك متألقة
اعجبني البوست كثيرا
تحياتي
نور العيون
خلاص حتى الاحلام سوتيها يانور بالادوية وجعلتى لها تواريخ صلاحية
النفس يانور ليس فى تكوين كيميائها مايدخل فى مسألة الصلاحيات فصلاحية آمالها تتجدد طالما هى على ارض الحياة
نحن نعيش لتحقيق ما لم يتحقق دون النظر الى اشارة تاريخ الصلاحية
بوست رائع
تسلم ايدك علية
بالنسبة للا اى حلم جوانا لايموت الا لو بطلنا نحلم بية ونسعى وراء تحقيقة
مع خالص تحياتى
اكيد احلامنا لازم تعيش معانا
وطالما احنا مؤمنين بيها يبقي لازم تتحقق
المهم ااننا نتمسك بالاحلام دي
مهما كبرنا
هايجي اليوم اللي هتتحقق فيه
Miss LoZa
وانا كومان :)
سواح في ملك اللــــــــــــــــــه-
انا طلعت التريكو وبعمل كوفية يا خالد:)
بالنوسبة للكتاب فهحكيلك على سر البوست الجاى
نيللى على
يااااااااا مسهل
RoMa
اوبااااااااااااا
هههههههه طيب اسألينى وانا اجاوبك مش فاهمة ايه
ريـــمـــاس
لو سبنا النسيان ينسى حينسانا لوحده :)
عبقرية يا ريموسة والله عجبتنى الجملة :)
بسوف يا قلبى يعنى بيقول هعمل ولا يعملش علشان يريح اللى قدامه بس
بيسف بقى فاكرة شرايط الكاسيت بتاعه زمان قبل السدىيهات لما كانت تبوظ والفيلم بتاعها يطلع براها بنقول عليها فى مصر يسف
ريـــمـــاس
انا عاشقة لماجدة يا ريموسة
سواح في ملك اللــــــــــــــــــه-
ايون كده يا خالد معايا انت على الخط
ابراهيم رزق
لااااااا مش سف السكر يا ابو زياد سف الشريط هههههههههههههه
حاضر والله هتمسك بيه لانه هو اللى فاضلى
rona ali
لييييييييه بس انا بحب رغيك
هههههههههه
بموت فى النفسنة والنفسيات يا رونا
معاكى حق انا بحاول دلوقتى اكمل الكوفية :)
وخلصت يجى اربع كتب فى اسبوعين
مصطفى سيف الدين
صح بردو ممكن
مبسوطة انه عجبك يادرش
faroukfahmy58
ماهو من المنظور المتفائل يا استاذنا صح جدا ده
بس نعمل ايه فى اللى بيستكتروا علينا ده
Tamer Nabil Moussa
وانا ناوية اخليه عايش لحد مايتحقق او انا اللى امشى واسيبه
منورنى
beautiful mind
ياااااااااااااارب يارب يجى اليوم ده يارب
السلام عليكم
بحب جدا طريقة كلامك بجد مصرية اصيلةأما عن تعبيرك عن الاحلام جديدأوى بس ان شاء الله تقدرى تحققى احلامك حتى لو كبيرة عليها اقولك خلى معاك حد صغير..وللاسف حتى لو وقتك كله مشغوول لا يمكن تقدرى تمنعى نفسك من التفكير.
دمت بخير
اللى مقدرتيش تحققيه النهارده حتقدرى تحققيه بكره لا يأس مع الحياه
بالنسبه بقى ان وقت الفراغ طويل حاولى تشغلى نفسك زى ما قلك اخونا سواح ادرسى
عارفه وانا بنوته زيك وبعد التخرج كنت بشتغل وبدرس وبشغل نفسى بأكثر من حاجه دى مرحله طبيعيه لاى بنوته فى الدنيا
ربنا معاكى يا نور يا عسوله
بوست جميل اوى ياقمر..
بس الاحلام مش بتموت الا لو احنا اللى بطلنا نحلم...
اتقبلى مرورى.. شرفينى فى مدونتى...
بس لسه جديده فى الكار بأه :D
نوووووووو مافيش احلام اكسبايرد ابدا ابدا ابدا اتمسكي بحلمك لاخر لحظة و ان شاء الله تحققي كل اللي نفسك فيه
حسيت اوي "انا بتسف يا معتز" اصلي بقولها كتييييييير و حالة الملل و التكرار دي مش عارفة ايه سببها نفسي تنتهي
تحياتي ليكي :)
فجأة بنكبر وبنلاقي نفسنا محققناش حاجات كتير وفجأة بنحس اننا عشنا كتير اوي في الدنيا وملينا منها وفجاة بنحس ان عمرنا ضاع في اوهام واحلام ولما نقعد نفكر ونعمل ريفريش لعقلنا نلاقي كل حاجة متلخبطة بس في الاخر الدنيا ماشية مش بتقف واخنا كمان ماشين مش بنقف وعلي راي عبد الحليم علي حسب الريح ما يودي وياه انا ماشي
ربنا يعطينا القدرة علي التحمل
*كل ماحاول انسى الاقينى بفتكر اللى بحاول انساه!...مشكلة!
روعه جدا نور
احسن حاجه لما نكون مع نفسنا
بننزف حروف ذات معنى
بحبك
تحياتى
ازيك يانور .. وحشتنى مدونتك وكتاباتك اوووى :)
بالنوسبه للبوست بقى
فياسيتى ملكيش دعوه خاااااالص بالناس اللى بتحبطك .. طب ياريت نفضل عيال طول العمر .. ياريت طفولتنا ماتسيبناش مهما حصل ... اتمسكى باحلامك اوووى يانور اتمسكى بيها ع قد ماتقدرى مهما كانت احلامك ف نظر غيرك ايه
المهم
.
.
.
انها احلامك " انتى "
عدم الترتيب والفراغ يوضح ان هناك حاله عدم سعاده يمكن ان تكون حاله عارضه ويمكن ان تكون نفسيا لكن اشعر من خلال الكلماتك ان بداخلك الكثر والكثير تحتاجين ان تبوحى به
ننتظر الكثير من بوحك حتى تخرجى ما بداخلك
نتمنى لكى السعاده دائما
تحياتى ابوداود
الاحلام عمرها ما تكون اكسبير عشان هي احلام
يمكن تفضل احلام وجوانا احنا بس مهما حاولوا ومهما حاولتي تنسيها او متحلميش حتلاقيها جواكي باقية ومتمسكة بيكي زي ما انتي متمسكة بيها
...
..
الانشغال حاجة حلوة علي فكرة
خليكي مشغولة
:))
اه طبعا يا نور احلامنا في منهاكتير اوي ليه تاريخ صلاحيه طبعا
والادهى بقى اني الاحلام كلها الصلاحيه بتاعتها بتنتهي لما الانسان بيموت
ياسلام عليكي يا نور بوست حلو اوي
بس خلتيني خوفت على حلمي لحسن صلاحيته تنتهي قبل ما يتحقق
تحياتي ليكي
ويارب تحققي كل اللي انت بتتمنيه
habiba
ربنا يخليكى بحاول بس اطلع اللى جوا القلب
هبة فاروق
بحاول اشغله اهو يااااااا مسهل
همســــــه♥♥♥♥♥ حـــــب
ان شاء الله تكبر وتسمع الدنيا كلها
افكار مبعثرة
يارب تنتهى علشان احساسها سخيف جدااااااااا
جايدا العزيزي
الحقيقة يا ايدى نفسى دى عبقرية بتقول كلام سعات انا مابعرفش اقوله :)
سندباد
:(
دعاء العطار
انتى فين وليه مختفية ولا انا اللى مختفيه ومش حاسة؟
الاحلام ي
من ناحية عدم سعادة فده صح
نهر الحب
حتى لو مش عاوزة فده الحال
ريري كربكه
لو منك اخاف عليه
إرسال تعليق