السبت، 30 يوليو 2011

تخاريفى...........





*دائما كنت كاتمة اسرارهم ...........واسرارى

*احتاج الى اجازة على وجه السرعة

*رغم انى تعودت على استخدام الكومبيوتر والكاى بورد فى الكتابة ولكنى مازلت اعشق ورقتى وقلمى


*مسامحتك ليست حل مطروح..........

*الحب زى كتب الفلسفة كل ماتيجى تدور على اجابة تتورط فى اسئلة جديدة......

*التزامى الصمت ليس ضعف ولكنه مجرد رد فعل..........

*الانسان قبل الحب شئ وعند الحب شئ وبعد الحب شئ اخر..........

*من الجنون ان تفعل نفس الخطأ مرة بعد اخرى وتتوقع نتيجة مختلفة!!

*اللى مايستحملكش وانت متضايق ..مايستهلكش وانت رايق..........

*ياترى بيدخل على صفحة الفيس بوك ويتابع كتبت ايه؟.......مجرد فضول

*غصب عنى كل ما بيقرب رمضان بفتكر رمضان اللى فات .........غصب عنى

*ليه كل ماحد يطلب منى اقول ذكرى حلوة بغمض عيونى واحاول افتكر.......احاول بجد......وفى الاخر اقول مش فاكرة........معقول مافيش؟؟ 

       
*عندى مشكلة رهيبه مع الوقت......مش عارفه هو اللى بيجرى ولا انا اللى بطيئة؟

*عندى مشكلة فى التعامل مع الناس.....مش عارفه امتى بيتكلموا من قلوبهم وامتى بيكدبوا.....وامتى بيهزروا؟

*مازلت على قائة الانتظار........................

   

هناك 50 تعليقًا:

ابراهيم رزق يقول...

هل هى تخاريفك ام فضفتك

يارب تتحولى من قائمة الانتظار لقائمة الاستلام
ههههههه

كل سنة و انتى طيبة رمضان كريم عليكى و على العائلة

reemaas يقول...

ابراهيم رزق

كنت هكتب فضفضتى على فكرة بس طلعت تخاريف بقى مش عارفه لييييييييييييه


وانت بالف خيير يارب

Casper يقول...

تعددت مسميات التخاريف
وفي النهاية هي فضفضة عما يدور في نفس المرء

اعتقد ان الانسان بحاجة إلى التخاريف من وقت لآخر D:

_________

تحياتي
وكل سنة وانتي طيبة

Amira Yusuf يقول...

مستمتعه جدا وانا بقرأ البوست ده
وكله على بعضه منطبق عليا
نايس وورك
كل سنه وانتي طيبه
ومش هنعمل حملة تدوين رمضاني ولا ايه

Unknown يقول...

*اللى مايستحملكش وانت متضايق ..مايستهلكش وانت رايق..........

*الحب زى كتب الفلسفة كل ماتيجى تدور على اجابة تتورط فى اسئلة جديدة......

متتخيليش التخريفتين دول شبهي أد إيه:)
جميله يا نور و كتاباتك من القلب و بتقول قد إيه إنت إنسانه صافيه.
كل سنه و إنت جميله زي ما إنت و رمضان ده يبقى أجمل من اللي فات.

سواح في ملك اللــــــــــــــــــه- يقول...

دي مش تخاريف يابنوتة

ده كلام من القلب

وفلسفة حياة وكانك بنوتة عمرها 80

عاما

كل عام وانتي بالف خير يانور

موناليزا يقول...

الاجازة خديها فى رمضان
بقية كلماتك حسيتها اوى لدرجة انى مش لاقية كلام أقوله على اعتبار انى متقمصة أنى أنا اللى كاتبة الكلام وخلصت اللى عندى خلاص :)

-------------------
كل رمضان وأنتِ بخير

مصطفى سيف الدين يقول...

انها ليست تخاريف
انها فلسفتك الخاصة واحاسيسك المختلفة
كل سنة وانتي طيبة ورمضان كريم

Bent Men ElZman Da !! يقول...

والله كتير اوى بتبقى تخاريفنا دى فى الصميم وجوانا اوووى مش مجر تخارف وبس

كل سنه وانتى طيبه يا جميله :))

faroukfahmy يقول...

ريماس اللى حقا مبدعة
كل اللى قولتيه مش تخاريف دى تخاويف
من اللى شفناه وهنشوفه فى جعبتنا
حكم علبنا خلاص الزمن وفين هنروح من المكتوب على الجبين وفى خسوفه هيجرفنا
كل عام وانتى معنا بخير

faroukfahmy يقول...

ريماس اللى حقا مبدعة
كل اللى قولتيه مش تخاريف دى تخاويف
من اللى شفناه وهنشوفه فى جعبتنا
حكم علبنا خلاص الزمن وفين هنروح من المكتوب على الجبين وفى خسوفه هيجرفنا
كل عام وانتى معنا بخير

... سعد الحربي ... يقول...

أختنا الغالية


كل عام وأنتم طيبين
ورمضان مبارك
والله يعيننا على صيامه وقيامة إيماناً وإحتساباً.

موفقين لكل خير.

Tarkieb يقول...

ههههههههههههه ده انت كدة ومن غير صيام وبتخرفي امال بقى لما تصومي ح تقولي ايه؟ خرفي براحتك ده كلام درر واللي مش عاجبه يشرب م القله

Tarkieb يقول...

نسيت اقول كل سنة وانت ومصر كلها طيبة

reemaas يقول...

Casper

اه يا اسامة الصراحة كنت محتاجة اخرف جداااااااااا

كل سنة وانت بالف خير يارب
رمضان كريم

reemaas يقول...

mira@

مبسوطة كتير يا ميرا انه عجبك

مش عارفه ممكن تتعمل ولا لاء بس ماعتقدش

كل سنة وانتى بالف خير ياااااااااارب

reemaas يقول...

شيرين سامي

انتى ماتتخيليش يا شيرى المواقف اللى كتبت فيها الجملتين دول
ههههههههههه
كل واحدة منهم حكايه والله

كل سنة وانتى بالف خير حبيبتى

reemaas يقول...

سواح في ملك اللــــــــــــــــــه-

وانت بالف خير يا خالد
80 حتة واحدة
عاااااااااااااااااااااااااا

طيب نمشيها 60

reemaas يقول...

موناليزا

ياااااااااريت يا مونى ينفع كنت اخدته

كل رمضان وانتى بخير حبيبتى
ولا تقلقى زى تخاريفك برده

reemaas يقول...

مصطفى سيف

وانت طييييييييب يا مصطفى رمضان كريم

ممكن تكون فلسفه هى حاجات كتبتها على ورق صغير فى مناسبات معينة وجمعتهالكم بقى

reemaas يقول...

Bent Men ElZaman Da !!

هى بتبقى اصدق ما فينااااااااااااا

reemaas يقول...

faroukfahmy58


اه فعلا يااستاذنا حكم الزمن وتعاليمه دى قاسيه جدا

كل سنة وحضرتك طيب

reemaas يقول...

... سعد الحربي


كل سنة وانت طييييييييب
ينعاد عليك بالخير يارب

reemaas يقول...

Tarkieb


حلووووووووو اوى يشرب من القله دى
معاك جدااااااااااااا

مش عارفه هتبقى تخاريفى اى فى الصيام انا مادونتش قبل كده فى رمضان بس تجربه تستحق التجربه
هههههههههههههه

كل سنة وانت بالف خير يارب

reemaas يقول...

Bent Men ElZaman Da !

نسيت اقولك كل سنة وانتى طيوبة يا بنوتة

آخر العنقــــــود يقول...

*دائما كنت كاتمة اسرارهم ...........واسرارى

*الحب زى كتب الفلسفة كل ماتيجى تدور على اجابة تتورط فى اسئلة جديدة.

*ليه كل ماحد يطلب منى اقول ذكرى حلوة بغمض عيونى واحاول افتكر.......احاول بجد......وفى الاخر اقول مش فاكرة........معقول مافيش؟؟


رائعة يا ريماس
يارب تكوني سعيدة
وكل سنة وانتِ طيبة يا جميلة

جايدا العزيزي يقول...

كم يروقنى احساسك المرهف

ايتها الزهره المنفرده بعطرها




• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠• ۩˙·٠• رمضان كريم •٠·˙۩•٠·˙۩۩˙·٠• ۩˙·٠•رمضان كريم •٠·˙۩ ٠·˙۩ •٠·˙۩۩˙·٠•

كل سنه وانت دايما بخير

تحياتى

ツSmiLeY AnGeLツ يقول...

ايزك ياقمر؟؟؟؟؟؟؟؟؟؟؟
يارب تكوني بالف خير

بصراحة اجمل تخاريف قرئتها لحد الان

بس انا بسميها احاسيس وليس تخاريف

لان هذا الي انت حاساه بداخلك

واجمل عبارة عجبتني
*اللى مايستحملكش وانت متضايق ..مايستهلكش وانت رايق..........

صح كلامك
الصديق الحيقي الي تلاقيه مستحملك بكل مزاج انت فيه
متضايقة متعبة فرحانه حزينه

هذا هو الصديق الحقيقي

كل سنه واطيوبة يااجمل بنوتة ^__^

الاحلام يقول...

كل سنه وانتى بكل صحه وسعاده ورمضان كريم
تحياتى الاحــــــــلام

FAW يقول...

بوست جميل قوي وحلوة تخاريفك :)

عجبتني قوي دي . .

اللي ما يستحملكش وإنت متضايق , ما يستهلكش وإنت رايق . . فعلا والله :))

دعاء العطار يقول...

اموت انا فى التخاريف العاقله

والله بتطلع مننا كاننا فى احسن حالاتنا

عجبونى اوى يانور

تسلم ايدك

كل سنه وانتى طيبه يانور ورمضان كريم على مصر كلها يارب (:

reemaas يقول...

آخر العنقــــــود

مبسوووطة اوى انها عجبتك يا قمرايه

يسمع منك ربنا وكل سنة وانتى طيوبة

reemaas يقول...

جايدا العزيزي


ربنا يخليكى يا قمرايه ومنورانى ديما

كل سنة وانتى طيبة

reemaas يقول...

خواطري مع الحياة

كل سنة وانتى بالف خير يا رشا
مبسووووووووووووطة اوى انها عجبتك

reemaas يقول...

الاحلام

وانت بخير يا استاذ محمد

reemaas يقول...

FAW

ربنا يخليك يا مصطفى
مبسوووووووووووطة اوى ان البوست عجبك
وطبعا مايستهلش يا بنى

reemaas يقول...

دعاء العطار

هههههههههههههههههههه
يارب كل يوم اخرف كده حاجة تعجبكم

وانتى بالف خييييييير يا دودو ينعاد عليكى بالخير حبيبتتى

Ramy يقول...

هى فضفضه

كل سنة و انت طيبة

رمضاااان كرييييم (:

reemaas يقول...

Ramy

نمشيها فضفضة

وانت بالف خير يارب
رمضان كريم

تاكاشى يقول...

كثيرا ما أحاول ان اخرج ما بداخلى على الورق وتخرج الكلمات غير مرتبه او منسقه او حتى مترابطه
هى فقط مجرد فضفضه مع اوراقى وقلمى

الانتظار قاتل
والفضول قاتل
وأري القلب معذب عذابا قاتل
ومن الضحيه .....؟

reemaas يقول...

تاكاشى

فعلا هى فعلا فضفضة

السؤال الاخير مالوش اجابه على فكرة للاسف

عباس ابن فرناس يقول...

هذه الجمل المنفصلة المتصلة
بها اسئلة تبدو بسيطة لكنها تحتاج الى اجابات كبيرة

كل سنة ونتى طيبة

Tamer Moghazy يقول...

"عندى مشكلة رهيبه مع الوقت......مش عارفه هو اللى بيجرى ولا انا اللى بطيئة؟"

بحب فضفضتك وتخاريفك يا ريماس زي ما هي..
وبجد باخلي بوستاتك للاخر عشان ديما باغوص فيها وباطلع باجمل طعم ممكن اختم بيه جلساتي التدوينية :)

صباحك ديما مسكر :)

reemaas يقول...

عباس ابن فرناس

ماهو ده اللى مدوخنى
الاجابات

وانت بالف خير يارب

reemaas يقول...

timo

اخيرراااااا حد عجبه الجمله دى

والله ياتيمو بجد انا نفسى اعرف اجابتها

انا بقى بحب ديما تكون موجود فى تدويناتى بيبقى ليها طعم تانى:)

الاحلام يقول...

جميل ما بداخلك ريماس فانتى بنوته مصريه اصيله شعور جميل استشعرته وانا اقرأ كلماتك وفضفضتك الرقيقه كل سنه وانتى بكل صحه وخير تحياتى الاحـــــــــلام

reemaas يقول...

الاحلام

ربنا يخليك يا استاذ محمد مبسوطة كتير انها عجبتك

هينو يقول...

أولا عجباني جدا التخاريف دي ما إنها مش تخارف دي كوليكشن إستاتيسز في أوقات مختلفة
واسمحيلي أرد عليكي في كام حاجة كده



*مسامحتك ليست حل مطروح..........

فعلا بيجي وقت بنقول كده بس تفتكري من قلوبنا الكلام ده؟؟؟؟؟؟؟..........



*الحب زى كتب الفلسفة كل ماتيجى تدور على اجابة تتورط فى اسئلة جديدة......

رااااااااااااااااااائعة للغاية متتخيليش أد ايه عجبتني !!!!

*من الجنون ان تفعل نفس الخطأ مرة بعد اخرى وتتوقع نتيجة مختلفة!!

بنتوقع نتايج مختلفة علشان عاوزين نثبت لنفسنا إننا كنا صح مش عارفة بقى إذا كان ده جنون حلو ولا جنون وحش ما الجنون أنواع برده :)


*اللى مايستحملكش وانت متضايق ..مايستهلكش وانت رايق..........

دي إشطة إشطة فلة شمعة منورة للأبد

*ليه كل ماحد يطلب منى اقول ذكرى حلوة بغمض عيونى واحاول افتكر.......احاول بجد......وفى الاخر اقول مش فاكرة........معقول مافيش؟؟

أكيد فيه ممكن تكون قليلة بس أكيد فيه

*عندى مشكلة فى التعامل مع الناس.....مش عارفه امتى بيتكلموا من قلوبهم وامتى بيكدبوا.....وامتى بيهزروا؟

THE SAME FOR ME

*مازلت على قائمة الانتظار................

ده في حد ذاته كويس أحسن ما نكون مش في قوايم أصلا


كل حبة بقى نزلي لينا كوليكشن زي دي فكرة لذيذة وحلوة:)

reemaas يقول...

هينو

عجبنى تفصيلك لتخاريف اوى يا هينو وحاضر من عنيا هعملها تجربه تانيه

هينو يقول...

أيتها خدعة :)

يسلمولي عيونك الحلوين