الثلاثاء، 19 يوليو 2011

ياهناه ياهناه..................




                                      مين قال العلام فى بلادنا قديم

                         لا ده احنا تمام..اه والله العظيم

                         سلاح التلميذ..موجز ولذيذ

                        نماذج اجابات..مافيهاش تحفيظ

        ياهناه ياهناه اللى يتعلم عندنا..ياهناه ياهناه اللى يتعلم عندنا

                                  ابله عطيات.....بتاعت الدراسات

                      هتغيب اسبوع...هيصوا ياولاد

       ياهناه ياهناه اللى يتعلم عندنا..ياهناه ياهناه اللى يتعلم عندنا

                      يونى فورم جنان...شغل ستاير

                     وليائة ستان ......دايرن داير

       ياهناه ياهناه اللى يتعلم عندنا..ياهناه ياهناه اللى يتعلم عندنا

                     استاذ عصفور...ده الامبراطور

                     لو علمى علوم...عديت فور شور

      ياهناه ياهناه اللى يتعلم عندنا..ياهناه ياهناه اللى يتعلم عندنا

                     قالوا فى اوروبا العلام...جامد اوى وفى السليم
                 
                     معلش بقى فى الكلام...ده احنا الجديد والقديم

                     ده علينا فصول ...سيراميك بالطول

                     والحمام  ايييه....ديما مغسول

     ياهناه ياهناه اللى يتعلم عندنا ..ياهناه ياهناه اللى يتعلم عندنا

                    والكل اخوات ...فى الامتحانات

                    وسؤال بسؤال...خد منى وهات

    ياهناه ياهناه اللى يتعلم عندنا..ياهناه ياهناه اللى يتعلم عندنا

                   والناظر ياه.......بلسم يا ولاد

                  راخر محبوب......لله فى لله
    
    ياهناه ياهناه اللى يتعلم عندنا ..ياهناه ياهناه اللى يتعلم عندنا

                  رزقك موجود....رغم الشهادات

                  وباذن الله.........مندوب مبيعات

    ياهناه ياهناه اللى يتعلم عندنا ..ياهناه ياهناه اللى يتعلم عندنا


                  والوضع جميل...انا متفائل

                 عندنا هتشوف....مستوى هايل

   ياهناه ياهناه اللى يتعلم عندنا... ياهناه ياهناه اللى يتعلم عندنا

                لو شفت زبون .....خطوته جيباه

                قلبه دليله...........سيبه على عماه

                 ياهناه ياهناه اللى يتعلم عندنا 

                ياهناه ياهناه اللى يتعلم عندنا

                ياهناه ياهناه  اللى يتعلم عندنا           








شوفوا الكليب بقى وادعولى

هناك 29 تعليقًا:

سواح في ملك اللــــــــــــــــــه- يقول...

صباحك فل يابنوتة

هههه روحي ياشيخة ربنا مايضيعلك كراسة

والا يكسرلك قلم رصاص ولا جاف

والايسلط عليكي مدرس من مدرسين الانس

هههههههه

مصطفى سيف الدين يقول...

فعلا يا هناه
التعليم عندنا اصلي اصلي

reemaas يقول...

سواح في ملك اللــــــــــــــــــه

اللهم اميييييييييييييييييين

بس اى رائيك فى الاصطباحة دى بقى

reemaas يقول...

مصطفى سيف

اكييييييييييد يا درش هو فيه كده

FAW يقول...

مسخرة بجد :))

وحمزة نمرة ده مستقبله باهر , مطرب تحفة

فعلا . . يا هناه :)

هينو يقول...

هم يضحك وهم يبكي

ربنا يصلح الأحوال ونخرج منها سالمين

ع فكرة أنا لما سمعتها حسيت فيها روحك يا ريمو إنتي اللي كاتبة الكلمات ولا إيه ؟؟؟؟؟؟؟:)

غير معرف يقول...

مساء الغاردينيا نور
ايه المساء ده هو حد زعلك بس
عارفة انا لما شفت الكليب تضايقت منظر الطلاب فوق بعض بحسه بجد بيتعب الطالب والمدرس ازاي يتعلموا في الجو ده؟
والكلمات بجد جميلة ومعبرة
اختيارك جميل وبيحاكي جزء من التعليم "
؛؛
؛
لروحك عبق الغاردينيا
reemaas

ابراهيم رزق يقول...

ليه كده فكرتينى ايام الكلية كان فى ناس بتجيب كراسيها معاها
و احنا كنا بنقعد على الشباك اصل العدد كان فى الليمون
عشان كده الجامعات و المدارس بتخرج نصف اميون
يا هناه يا هناه اللى يهرب من التعليم عندنا

تحياتى

Unknown يقول...

هههههههههههه

شر البلية ما يضحك
باذن الله الوضع بيتغير

reemaas يقول...

FAW

انا كمان متفائله جدا ليه يا مصطفى بجد اغانيه وكلماته الحانه غير

reemaas يقول...

هينو

هههههههههه
ديما مسيطانى يا هينو

علشان بس ديما بتريق كده جايز

reemaas يقول...

ريــــمــــاس

ده بيحاكى الجزء الكبير منه على الاقل فى مصر يا ريماس

دى ابسط صورة والله الحال فعلا سئ جدااااااااااااا

reemaas يقول...

ابراهيم رزق
خدت انت بالك من السيراميك والحمامات يا استاذ ابراهيم

جامعات او مدارس حاجة تخنق والله العظيم

reemaas يقول...

تشاك نولاند


يااااااااااااااااارب

آخر العنقــــــود يقول...

حمزة نمرة ده رااااائع
فعلا "انسان"
والألبوم مش قادرة استنى لحد ما انزل اجيبه
بجد اختيار موفق يا ريماس

دمت بتفاؤل :)

reemaas يقول...

آخر العنقــــــود


انا نزلته كله بجد الالبوم تحفة تحفة بكل المقاييس
اول مره احس ان اغنيه مش رومانسية شدانى الالحان خرافه الصوت وطريقه الغنا مع الكلمات الواقعيه جدااااا تحفه تحفه

Bent Men ElZman Da !! يقول...

ده يا هنانا احنا والله :D

reemaas يقول...

Bent Men ElZaman Da !
شايفه الهنا اللى احنا فيه:))

Tarkieb يقول...

هههههههه "ياهناه ياهناه ...

reemaas يقول...

Tarkieb

متفقيييييييين

عباس ابن فرناس يقول...

بندعيلك والله ومن غير حاجة هههه

وادى وحده

روحى ياشيخة ربنا ما يرجعك ولايرجعنا للتعليم الحكومى تانى

تحياتى المستعطرة

مــــــــنـــــــي يقول...

هههههههههههههه
عجبتي اوي اوي ، و احلي تعليم عندنا في مصر

Emtiaz Zourob يقول...

حلوة كثير يا ريماس ، فكرتك انتي اللي كاتباه بس تفاجأت بالفيديو .. عن جد فكرتها كثير حلوة ..

تسلمي يا ريماس على الضحكة اللي طبعتيها على وجهي ع هالصبح ..

reemaas يقول...

عباس ابن فرناس


هههههههههههه انا وانت وكلنا يارب

reemaas يقول...

مــــــــنـــــــي

طبعااااااااا حد يقدر يعترض
منورانى

reemaas يقول...

وجع البنفسج

يارب ديما كده مبتسمة يا قمرايه

مبسوطة انها عجبتك

εïз زهرة εïз يقول...

ههههه جميلة جدا .. ^_^

reemaas يقول...

εïз Semsema εïз


مبسوطة انها عجبتك يا سمسمة منورانى :)

هينو يقول...

إنتي متسيطة لوحدك يا كبيـــــــــــــر

جايز برده:)

تعيشي وتكتبي لنا