المشهد الخارجى:هدوووووء نسبى
المشهد من الداخل:مجموعه من الافكار والاقوال عماله تخبط فى بعضها بطريقة تشبه
صدى الصوت
القطر هيعدى.......
يابنتى كبرى يعنى اللى اتجوزا اخدوا ايه.....
يابنتى اعقلى والحقى اختاريلك واحد من اللى بيتقدمولك احنا هنتكبر ليه......
القطر هيعدى......
يابنتى ده نصيب ولما نصيبك هيجيلك مستحيل هترفضيه...........
يابنتى انتى هتفضلى ترفضى كده لحد ما تقعدىولا حد يتقدم ولا تتجوزى.......
القطر هيعدى.....
ياستى انتى واحدة ناجحة فى شغلك قلقانة ليه بكرة يجيلك اللى يستاهلك.....
انتى خلاص وهبتى حياتك للشغل وفضيتى اديكى من البيت والاستقرار..خلى الشغل ينفعك..........
القطر هيعدى........
قلقانة ليه انتى دكتورة اد الدنيا اوعى تتنازلى واستنى لما تيجى الفرصة المناسبة......
بلا دكترة بلا شهادات البنت مالهاش الا الجواز والله لو عملتى ايه .........
القطر هيعدى.......
مافيش حاجة اسمها تتجوزى علشان الجواز لازم تحبى البنى ادم دى عشرة عمر.....
حب اى وكلام فارغ ايه فوقى بقى الراجل مايعبوش الا اخلاقه وجيبه واليومين دول الجيب اولى الحقى نفسك........
القطر بيعدى........
صدى صوت لحركة المسكنة اللى بتتعمل بالبؤ دى (بس مش عارفه اكتبها)
القطر بيعدى.......
ايوة معاكى الحق العريس الاخير واللى قبله دول حاجة صعبه جداااااااااا اى الاشكال دى بس ياربى انتى يابنتى حظك وحش........
اى الدلع ده بقى بزمتك العريس اللى الاخير ده ولا اللى قبله يترفضوا.........
القطر بيعدى.........
احسن حاجة بتعمليها انك بتشغلى نفسك عن التفكير فى كلام الناس وفى حالك بالشغل......
هو احنا كل مانسأل عليكى نلاقيكى فى الشغل ماهو ده اللى بيطفش العرسان.....
القطر بيعدى........
لازم لما تقعدى مع عريس تبقى على طبيعتك وتسأليه كل اللى فى نفسك.......
لما تقعدىمع العريس خليكى ساكتة الرجاله مابيحبوش اللى بتناقش.........
القطر بيعدى........
تتلاحق خلال تلك الاصداء صور لاعز الصديقات اللى اتجوزت واللى خلفت ولا حد قال من باب درء العين طبعا............
القطر بيعدى........
بصى بقى انتى اكيد معمولك عمل ........يابنتى الحاجات دى مذكورة هبقى اجيبلك اسمه الشيخ...........!!!!!!!!
القطر بيعدى...........
القطر بيعدى..........
القطر بيعدى.........
على الهامش:اسفة لو الكلام مش مربوط ببعضه بس هو ده بالظبط حاله:(
هناك 43 تعليقًا:
عااااااااادى جداً
كلنا هذا الرجل :)
أقصد هذه العروسة
ده اللى بيحصل لأى بنت على فكره فى الوقت ده
الزن على الودان زى ما بيقولوا بيعمل عجايب
الاهم ان الواحده ادام مش مقتنعه بحاجه
يبقى ماتعملهاش مهما اللى حواليها قالوا ايه
قمة السخافة موضوع القطر ده
قطر إيه و قضبان إيه بس بوظوا المجتمع بأفكارهم المتأخرة
ربنا يكون في عون كل البنات . . والولاد برضو طبعا :)
قدر البنت انها تقضى نص عمرها فى انتظار القطر وان اتاخر تبقى هى المسؤلة وان مجاش خالص يبقا الذنب ذنبها
وان ربنا كرمها وعرفت تحصله يبقا مش من حقها انها حتى تسئل هو جاى منين وبيروح على فين !
وعجبى
صباحك غاردينيا نور
عارفه القطر بيعدي مش بس في مصر ههههههه لان كل ام في نظرها البنت لو اخدت الجامعه وماتجوزتش يبقى القطر بيعدي ههههههههه
الزواج مش ارتباط اتنين وبس في حاجة اسمها حب واحساس وتفاهم فيه شخص هتلاقيه بين الناس كلها ومن قبل حتى مايبقى بينكم كلام وقرب هتلاقي نفسك بتقولي هو دا ..
احسن من موال القطر بيعدي يادكتورة :) "
؛؛
؛
لروحك عبق الغاردينيا
كانت هنا
reemaas
نــــــور
احنا نسينا قطر الندى ومسكنا فى قطر الزواج
والله القطر مظلوم معانا مع انه قشاش بيقف فى كل المحطات وطالما ان القطر المطلوب لم يصل الى محطة البنت فلا بد من الانتظار المقدر الا اذا ركبت اى قطر من اى محطة هيوصلها الى مكان اللى رايح فيه ما يرحعشى وان رجع لن ينفع ببصله
ياريته قطر واحد ..بعدها قطر العيال وبعدها قطر الدراسة ومن قطر لقطر ياقطر ما تحزن
صداع
صداع
و النبى يا دكتورة معندكيش حاجة للصداع و لا باب النجار مخلع
ههههههههههه
عندما كتبت لا اعبث لا اعبس لكنى اتنفس لم اتوقع رد الفعل هذا اتمنى ان تكون حملة تدوينية فى يوم
تحياتى
عيشي حياتك يا دكتورة وتأقلمي معاها ومتختاريش اللي يرتاحلو قلبك واللي تحسي انه ممكن يسعدك حتى لو فات القطر متندميش لانك لو اختارتي اي حد والسلام القطر هيعطل بعد اول محطة وهتقولي يا ريت اللي جرا ما كان
ولو الصداع جامد هم قرصين اكسدرين ويضيعوه بس هم دول الناس بيعينوا بعض اوصياء على حياتنا بدون وجه حق
تحياتي ليكي
بنوتة
انا مش مبسوط
شكلك كده رفضتي كذا حد اللي انا خايف منه
ان يكون في دماغك شخص اسطوري مالوش وجود
في الدنيا ويضيع الوقت والقطر يعدي فعلا
فيه فرق دايما مابين احلام البنت والواقع
ياريت يابنوتة تنزلي علي ارض الواقع
وتختاري
لان لو القطر عدي فعلا ممكن تقبلي اقل من
اي كنتي بترفضيه علشان مؤهلات السن
بنوتة متزعليش من كلامي
صباخك زي العسل
موناليزا
الله يطمنك يا مونى يعنى
فين يابنتى الواجب بتاعك؟
Bent Men ElZaman Da !!
مانا بحاول اكبر والله بس تعبببببببببت
FAW
اه والله يامصطفى انا كرهت كل القطاراااااااااااااات
عباس ابن فرناس
اه والله فعلا وعجبى
نفسى اعرف ليه ديما محطوتين فى الخانة بتاعه القطر دى
وانت قولي لهم
لو مكتوب لي عند ربنا تجوز هتجوز حتى لو كان عمري خمسين سنه
دائما مايعقدوا الامور الاهالي
كل واحد ونصيبة بس يرفضوا هذه الكلمة لما تقوليها
ربنا يوفقك يارب ويعينك
تقبلي مروري ^_^
ريــــمــــاس
ايون يا ريماس ماهو انا اكتشفت حكايه ان القطر فى كل اللاد دى حاجة تطمن الواحد حبه
faroukfahmy58
عجبنى كلامك اوى يا استذنا
فعلا لو ركبنا اى قطر هنتوه
Tarkieb
انا قلت احنا قعدين فى محطة مصر ماحدش صدقنى:)
ابراهيم رزق
ده مخلع من زماااااااااااان يا استاذ ابراهيم والله
هههههههههههه
اهى محاولة فضفضة
مصطفى سيف
انا ضاربه نص الاكسدرين اللى عندى لحد دلوقتى يا مصطفى
هههههههههههههههه
بقيت مدمنة
سواح في ملك اللــــــــــــــــــه-
ماهو ده اللى بيتقالى يا خالد بس انا والله مابحلم بحاجة خياليه ولا ليا متطلبات غريبه ولا ليا متطلبات خالص اصلا
هى الحاجات بتتعقد لوحدها او مش مناسبةة
لكن لو على مواصفات فتى الاحلام فهى باظت من زمان وركنتها على الرف
خواطري مع الحياة
منورانى يا رشا مانا والله بقول بس مين يسمع بقى
في الاول والخير هو نصيب مش كل الكلام بصيغة الحب هيكون سبب في النجاح ولا كل الكلام عن الاختيار المناسب هو سبب النجاح وان شاء الله ربنا هيوفقك في الاختيار اهم حاجه تكون طموحك لانسان موجود في الكون مش بتحلمي بالامير اللي هيجي على حصان ابيض
تقبلي تحياتي
والله موضوع الزواج ده حيرة
لكن ما باليد حيلة
لتكن مشيئة الله
واللى ربنا يريده هوا اللى هيكون
الافضل ان الواحد يريح دماغه
حتى لا يصاب بارتفاع الضغط
eng_semsem
لا لا خالص حصان ايه انتهت المرحلة دى تماما
انا من كتر ما احلامىواقعيه اتعقدت حتى الواقع مش موجود
Casper
مانا جيت اريح دماغى يا كاسبير اتقال عنى انى صرفت نظرى عن الحكايه واترهبت
اعمل ايييييييييييه
والله مش عارف اقولك ايه
بجد الموقف ده لا يحسد عليه صاحبه
هل الواحد يرتبط باي حد
لمجرد الجواز وخلاص
ولا يفضل مصبر نفسه بكلمة النصيب
ولا يدور ويسعى
طب يدور فين ؟ ويسعى ازاي ؟
بجد مش عارف اقول ايه ومش لاقي كلام اقوله
Casper
اهلا بك فى عالم الحيرانين
هههههههههه
بالنسبة للتدوير فدى صعبه على البنات جدا اصل هنسعى ازاى يعنى
القطـر اللى بيعدى اكيد هيجى غيرو
بلاش تعملى حاجه انتى مش مفتنعه بيها عشان كلام الناس لما تربطى بحد يتسبب فى انك تعيشى طول عمرك قرفانه وكارهه العيشه واللى عايشنها كلام الناس ساعتها مش هيحببك فى العيشه
فسيبك منهم خالص خليهم يتكلمو طالما الكلام بيريحهم وبيبسطهم
وانتى برضو اعملى اللى بيريحك ويبسطك ومتشغليش بالك ب حكايه الجواز دى
ده نصيب
_________________
يشرفنى زيارتك لمدونتى
Hadeir
معاكى حق فى كل كلمة يا هدير والله وانا عن نفسى دى قناعاتى بس ساعات الواحد دمه بيتحرق
قمة القسوى من الاهل عندما يرغموا ابناءهم على فعل اشياء لا يرغبوا فيها منها مشكله الزواج ولان كل ام واب يتمنى ان يزوج ابنته فيفعلوا المستحيل لكن هم لا يعلموا ان الزواج الذى لا يبنى على حب وود ورحمة لا ينجح بل يكون مصيره الفشل
اسعدكى الله واسعد بنات العرب جميعا
تقبلى تحياتى محمد داود
الاحلام
اللهم امين
فعلا يا استاذ محمد ياريت الكل يفهم ده
إيه ده يعني مش انا لوحدي اللي بأكلم نفسي وأقول كلام عكس بعضه =))
شكل الحالة دي منتشرة ولازم نبقى نحط ستاير في أدمغتنا علشان نفصل ومنتلخبطش أكتر من كده:)
هينو
لا يا هينو كلنا بنكلم نفسناااااااااااااااا
بس لو كلنا بنكلم نفسنا مفيش حد بيكتب زي ريمو ولا إنتي إيه رأيك
"
صدى صوت لحركة المسكنة اللى بتتعمل بالبؤ دى (بس مش عارفه اكتبها) "
ههههههههههههههههههههههههههه
يخرب عقلك يانور
عارفه يانور .. طول ماانا بقرا كلمة القطر بيعدى
قعده أقول " قطر يدهسهم ياشيخه "
قطر ايه وعبط ايه بس .. هو احنا ايه بالظبط ؟
عندك حق يابنتى فى اسم البوست
صدااااااااااااااع
ربنا يشفى
تاكاشى
دى حاجة متعبه نفسيا جدااااااااااا والله
دعاء العطار
هههههههههههه
والله يا دعاء حاولت اكتبها بس ماعرفتش
اه ادعى جامد يمكن نرتااااااااااااح
هينو
كزفتينى يا هينوووووووووو
على فكرة يا نور
بجد الموضوع رااااائع
في معاني كتييير اوى وانماط غريبة في مجتمعنا
زي كلمة القطر هيعدي.. ما يعدي لو مش عايز يقف أو لو مش مناسب للبنت!!
الزواج قسمة ونصيب
وحاجات تانية كتيرة غريبة الواحد بيسمعها زي ضل رجل ولا ضل حيطة
حاجات الواحد والله مابيكونش عارفه يضحك ولا يبكي عليها
بس فعلا ابدعتي
تحياتي لقلمك الراقي :)
آخر العنقــــــود
تسلميلى يااااااااااااااااارب هنعمل ايه حاجات مفروضه علينا وللاسف واجب علينا اننا نتعامل معاه
اجابة على سوال انتو ليه محطوطين فى خانة القطر ؟
لان ببساطة وبمنطق "العجلات الحديدية" انتم فى القطار بمثابة عربات اما الرجل فاهوا وابور هههه
عزرا
القافية حكمت
تحياتى المستعطرة
عباس ابن فرناس
ههههههههههههههههههههههه
ليك حق ياسيدى تقول كده
يلا مسيركم تبقو قطر فى يوم من الايام
إرسال تعليق