نحتاج بعض الجنون فى حياتنا.. الحياة العاقلة مملة
#نيتشه
الجملة دى مرت قدامى النهاردة وانا بقلب فى اجندة مما قرأت ولقتنى وقفت عندها وسألت نفسى هو انا امتى اخر مرة اتجننت فيها . امتى اخر مرة كسرت حالة الملل اللى انا عايشاها وعملت حاجة مجنونة .. اتصدمت لما ماجاش فى بالى اى حاجة مجنونة عملتها مؤخرا الا فى 2014.. السنة نفسها كان كلها قرارات مجنونة وجميلة .. اتبنى عليها كل التجديد اللى حصل فى حياتى واللى لسة بجنى ثماره لحد النهاردة .. على اد ما اترسمت ابتسامة على شفايفى وانا بفتكر 2014 على اد مانا محتارة وعمالة افكر ياترى هاخد قرار مجنون تانى امتى يكسر الملل
