# لبن حليب

مشكلتك يا عزيزى ان علاقاتك بمن حولك تبدأها صافية.. صافية جدا فى الواقع..

صافية مثل اللبن الحليب لو وقع فيه شئ وليكن مثقال ذرة تعكر..

ولم يعد ابدا مثلما كان

رسالة 28 (رسايل الى مجهول)

سبعة وعشرين

(28)

لحد دلوقتى مش عارفة هخليك تقرا كل اللى كتبهولك ده ولا لاء..

 لو اتعودت عليك اكيد هخليك تقرا حاجات منه.. 

ولو اتعلقت بيك هخليك تقراه كله بس ماتضحكش عليا..

لو ماعرفتش بقى اتعود عليك وحسيت انك مش هتقدر.. ماتجيش احسن او

 امشى بدرى بدرى مش عاوزاك

الرسالة 27 (رسايل الى مجهول)

الستة وعشرين

(27)

عارف انا نفسى اوى يبقى عندنا 4 عيال.. ولدين وبنتين..

 ولد منهم نسميه مالك .. وبنت منهم نسميها فريدة او على اسم اختى ..

علشان خاطرى ابقى وافق على الاسمين دول

#صورة_ تحكى

مشكلتها عصبيتها الشديدة..

ونقول مشكلة وليس عيب لانها لا تؤثر فى الاخر فقط بل عليها ايضا..

انها تفقدها حقها بل وتصبح هى المحقوقة..

يضيع صوتها فى الفراغ ولايكسبها موقف ولا حتى ينفس عن غضبها بالشكل الكافى..

يوما ما سيفقدها كل شئ..

وكل شخص..

مع نفسى ..39

الواحد طول الوقت بياخد قرارت وممكن على اخر اليوم ينساها.. فانا قررت انى هكتب القرارات اللى باخدها علشان مانسهاش, او ما اطنشهاش ..

قرار (1)

ان شاء الله كده ربنا يعنى ومش هعافر علشان اختم القراءن رمضان ده مرتين تلاتة زى كل رمضان.. لا هقرأ على مهلى بس بالتفسير .. 

ربنا يعينى 

الرسالة 26 (رسايل الى مجهول)

   

خمسة وعشرين

(26)

انا دموعى قريبة..

 فمش عاوزاك تتخض لما تلاقينى فرحانة وبعيط..

اقلق بس لو عيطت بسبب زعلى منك لان ده معناه انى مجروحة اوى..

 واقلق برده لو زعلت وماعيطش.. لان ده معناه انى جوايا غضب  مايعلم

 بيه الا ربنا

على الهامش..41

من اصعب الاخطاء اللى ممكن يعملها احد الزوجين فى بداية حياتهم انه يعمل  من البداية لنفسه حدود..

حدود محوّطة دنيته .. لان الطرف التانى تلقائى  مش بس بيبنى حدود هو كمان لاء دى بتبقى خطوط دفاع  هتتعامل معاه على انه عدو!

وكده تبقى باظت خلاص

مع نفسى..38

عندما انتهت سلسلتى رجل المستحيل وملف المستقبل أحسست ان مرحلة الطفولة فد ولت رغم انى انهيتهما من سنوات قليلة بعد توقفها الرسمى بسنوات..

عندما بدأ يكتب كُتاب أخرين فى سلسلة زهور بخلاف نبيل فاروق بواقعيته الرومانسية وشريف شوقى بعشقه للريف والطبيعة شعرت ان المستقبل يحمل طعم جديد للحياة, ولكنه ابدا ليس بنفس رونق وبهاء الماضى..

عندما انتهت سلسلة ماوراء الطبيعة وتوقف العجوز رفعت اسماعيل عن تجميعنا حوله وهو يشرب مشروب الشيكولاتة الساخن ويدخن كمدخنة مصنع قديم .. عندها فقط  ايقنت انى كبرت..

انك لا تكبر عندما يتقدم بك العمر وتمر بك السنوات.. انك تكبر فقط عندما ينتهى مايربطك بطفولتك, عندما تتوقف مقومات عالم الطفولة لديك..

عندها فقط ستغمض عينيك وتتذكر تلك اللحظات وترتسم على شفتيك بسمة وتقول..

هييييييه كانت ايام

الرسالة 25 (رسايل الى مجهول)

الاربعة وعشرين

(25)

انا ناوية ابقى زوجة مجددة ..

 انا بطبعى ملولة فهحاول ديما اعمل حاجة جديدة فى حياتنا..

 بس ساعدنى..

 اقله خد بالك من اى جديد