عن..... مايو

تمر الشهور سريعا ويأتى شهر مايو حاملا معاه ذكرياته المؤلمة..

تمر الايام سريعا ويقترب اخر شهر مايو حاملا ذكرى رحيلك العاشرة..

عشرة سنوات يا ابى مرت.. اشعر ان هذا اليوم كان امس فكيف مرت؟!

اشعر انك كنت هنا امس واحاول ان اتذكر التفاصيل لاجدها باهته..

عشرة سنوات كفيلة بان تُنسنى كل شئ فاشعر بالرعب واركد أُمسك صورتك اخاف ان انسى..

أريد ان اتذكر صوتك يا ابى .. احاول ان اتذكر.. اشعر انه موجود فى مكان ما دلخلى ولكنى لا اعرف اين..

أخاف ان اكون نسيته..

عشر سنوات مدة طويلة يا ابى كفيلى بأن تنسنى الكثير , ولكنى لا اريد النسيان..

لماذا دائما انسى مايجب عليا ان اتذكره

أفتقدك جدا..

الرسالة 24 (رسايل الى مجهول)

التلاتة وعشرين

(24)

نفسى يبقى لينا اغنية نحبها احنا الاتنين.. لو سمعناها صدفة بعد 10 سنين 

من جوازنا نبتسم

نفسى يبقى لينا مكاننا ومشروبنا ..

 حاجات تجمعنا

مع نفسى 37

رغم كل العمر ده واحتكاكى بالناس حاسة انى فعلا صعب افهمهم.. صعب اعرف ليه بيطلعوا ردود فعل غريبة كده!

لما اتخطبت مثلا..

ناس كتير كان بقالها وقت طويل ماسألتش عليا لقتهم مرة واحدة بيتصلوا عليا وفجأة لقوا رقم موبايلى فى حتة كده خفية فى موبايلاتهم وكأنهم اهتموا!

وناس كتير بردو كانت بتتصل عليا على طول  فجأة قطعوا علاقتهم بيا وكأنهم زعلوا!

ناس تانيين زمايل بس ماكناش بنتكلم ولا لينا علاقة اد كده كبيرنا سلام .. كلهم مرة واحدة وبشكل مريب بعتولى اضافة على الفيس وياريته كان محبه الا اكتشفت ان فضول لمعرفة من اين لى بالعريس.. المضحك انهم بعد كده مابقوش بيسألوا تانى ومش قادرة افهم يعنى الموضوع هاممكم ولا مش هاممكم .. الشخص يهمكم ولا لاء بردو!

ناس تانية فى وشى ليل نهار ولما عرفوا اتصدموا لدرجة خلتهم ياعينى نسوا ابسط قواعد الزوق .. اللى هى مبروك.. بردوا كان همهم يسألوا من ورايا مين وازاى ومن اين لها هذا..

وسبحان الله ياخى اللى بيسألوهم من ورايا بيجوا يحكوا وكأنها مواقف طريفة!

واجبارى طبعا لازم اضحك

ها ها ها.. اما نكتة

فعلا صدق من قال

الجحيم هو الناس!

# السر

من انا؟!

اسمى سر..

انا شئ حدث ويخفيه الناس فى صدورهم..

انا شئ غامض مصيرى بيد الله عز وجل, إما ان اظل مخبأ فى قلب صاحبى الذى حملنى بداخله أو تسمع صرختى من داخل الصدور لاخرج للنور..

إن كتب الله الستر لصاحبى سأظل بين جنبات نفسه, ولكنى أُغير فيه ولا أتركه ابدا كأنى لم أكن..

وإن كتب الله لى الظهور,فإنى ايضا أُغير حياة المتعلقين بى..

فالحياة قبلى فى كل الاحوال تختلف عنها بعدى..

انا السر..

حاول ان تخفينى وان تتحمل ..

فلو لم تتحملنى انت وانا سرك صدقنى لن يتحملنى غيرك.

على الهامش..40

حتى الناس الرخمة اللى موجودة فى حياتك أشكر ربنا على وجودهم.. 

ماتقولش عليهم ناس مالهاش لازمة.. اصل مستحيل مايكنش ليهم لازمة يعنى  , ربنا ماخلقش اى حاجة من غير لازمة فمابالك دول بشر..

فأكيد وجودهم ليه سبب.. 

من وجهة نظرى سبب وجودهم انك تحس وتقدر وتفهم معنى الراحة لما يختفوا !

شعور رائع

عنها.. 45

_انت عارف انى بحب لعبة فقاعات الصابون اوى ؟.. اللعبة دى هسميها باسمك بعد كده

_ بتحبينى زيها يعنى؟!

_ لا طبعا .. انا بحبك اكتر من كل حاجة.. الفكرة ان اللعبة دى ليها معايا حكاية.. انا كنت زمان بطيّر الفقاعات دى وأسمى كل واحدة باسم  أمنية معينة انا نفسى فيها.. واللى تفرقع الاول تبقى هى اللى تتحقق الاول..

دلوقتى بقى كل فقاعة شايلة فيها امنية بقت لما تدوب احس انى شايفة صورتك فيها.. مافيش ولا حلم مخبياه جوة قلبى الا وانت معايا فيه.. الا وانت موجود فى اوله وفى اخره 

مافيش ولا فقاعة صابون الا وشيلاك جواها مع أمنية بتمناها..

ده فيه فقاعة منهم كنت انت لوحدك اللى ماليها..

اللعبة دى هسميها باسمك

# الوجع

عن.. احساسك انك زى مانت سبب فرحة اللى بتحبه فانت برده سبب وجعه

عن.. الايد اللى بتقبض قلبك وانت سامعه بيتوجع بسببك ومانتاش عارف تحميه منك

عن.. كل الوعود والامنيات بالسعادة اللى بتبقى وخدها على نفسك انك تكون سببها ليه وبرده بـتئذيه وانت مش واخد بالك

عن.. حيرتك والسؤال اللى بتلاقيه فارض نفسه عيك لما انت قربك ووجودك تاعبه يبقى الحل فى ايه فى بعدك؟

عن.. الالم اللى بتحسه لما مش عارف اى من تصرفاتك اللى هيضايقه لان تلقائيتك وعفويتك هى اللى تعباه

عن انك تبقى متضطر تحرص اوى فى كل حاجة فتحس انك ماشى فى حقل الغام

عن.. اسفك اللى مابقالوش قيمة لانه مابيقدرش يمحى اى حاجة ولا بيقدر يرجع اى حاجة 

عن.. ان وجودك وبعدك سيان فى كلا الحالتين مافيش راحة

عن.. خوفك انه يسيبك

عن.. انك تحس ان حبك مابقاش حاميه من الالم  ومابقاش كفاية انه يفرح او يمحى حزن

عن.. انك تبقى عارف انك لازم تتغير علشان ماتوجعوش بس مش عارف تتغير ومتأكد انك لو اتغيرت مش هتبقى انت

عن.. انه يبقى خايف على قلبه منك

عن.. انك تتأكد ان حبك ماش كفاية

عن.. انك تحس ان اللى بتعمله مالوش لازمة ومش فارق

عن .. الغصة

عن.. الفرحة اللى خايف عليها

عن..الخوف انك تكمل حلمك لانك خايف على اللى فات

عن.. انك مش عارف تعمل ايه

عنها..44

فى لحظة ما تقرأ جملة وتشعر انك لو نطقت ستكون هذه جملتك..

فى لحظة ما ترى مكان وتشعر ان هذا المكان هو ملكك ,مكان تنتمى اليه..

فى لحظة ما تصادف تفصيلة تشبه شئ ما بداخلك, تشبه تفصيلة من تفاصيلك..

فى لحظة ما تسمع لحن وتشعر انه يُعزف على وتر بقلبك,يلمس احساس ما بداخلك..

فى لحظة ما تنظر ال صورة وتشعر انها تملك شئ من ملامحك..

عندما قابلتك شعرت انك جملتى ومكانى وتفصيلتى ولحنى وصورتى..

انت منى..

على الهامش 39

- احساس غريب لما تلاقى حواليك ناس بتدعيلك بالفرحة ولما تجيلك الفرحة دى تلاقيهم مش فرحنينلك, مستكترنها عليك..

الناس دى غالبا هم هماهم اللى بيضحكوا فى وشك ويبسوك اموااه من هنا ومن هنا ولما تديرلهم ضهرك يتأمزوا ويتلمذوا عليك ..

هم هماهم بردو نفس الناس اللى تفضل تقولك دوس يامعلم واحنا معاك , خد الخطوة ومالكش دعوة احنا فى ضهرك.. واول ما الجد يجى تلاقيك لوحدك بطولك كده وهم ..هوا .. وهم

الناس دى صدقنى مافيش منهم رجا ولا أمل

ماتحاولش معاهم

مع نفسى .. 36

زمان لما كنا نحب أنا وأصحابى نخرج نشرب حاجة فى كافيه ولا نخرج اى خروجة كنا نتفق وبعد السكشن مثلا نتلم ونروح..

دلوقتى علشان تلم نفس اللمة وتروح لنفس الاماكن لازم تشوف اصحابك دول فى البلد ولا لاء, وكل واحد ظروف شغله تناسب المعاد ولا لاء ونحاول نوفق..

لازم كل واحدة تستأذن جوزها وتشوف هتودى عيالها فين ولا هتسيبهم مع مين.. هتتطبخله ايه ويطلّع الاكل ازاى..

يااااااااه فين ايام ما الواحد ماكنش عنده مسؤليات كده وكان كفاية يفكر فى فكرة علشان ينفذها بمنتهى البساطة